ಅಷ್ಟಕ್ಕೂ KL ರಾಹುಲ್​​, ಲಕ್ನೋ ಮಾಲೀಕರ ಬಗ್ಗೆ ಹೇಳಿದ್ದೇನು..?

ಲಕ್ನೋ ಫ್ರಾಂಚೈಸಿ ಓನರ್ ವಿರುದ್ಧ ಗುಡುಗಿದ ಕನ್ನಡಿಗ ರಾಹುಲ್​!

ಅಂದಿನ ಸೋಲಿಗೆ ಅವಮಾನ ಎದುರಿಸಿದ್ದ ನಾಯಕ ರಾಹುಲ್

ಕೆ.ಎಲ್ ರಾಹುಲ್​​ ಲಕ್ನೋ ಫ್ರಾಂಚೈಸಿಗೆ ಗುಡ್​ ಬೈ ಹೇಳ್ತಾರಾ?. ಮುಂದಿನ ಐಪಿಎಲ್​​ ಸೀಸನ್​ನಲ್ಲಿ ಬೇರೆ ತಂಡದಲ್ಲಿ ಕಾಣಿಸಿಕೊಳ್ತಾರಾ ಅನ್ನೋ ಪ್ರಶ್ನೆಗಳು ಚರ್ಚೆಯಲ್ಲಿವೆ. ಇದರ ನಡುವೆ ಕನ್ನಡಿಗ ರಾಹುಲ್​​​​ ಲಕ್ನೋ ಫ್ರಾಂಚೈಸಿ ಮಾಲೀಕರ ವಿರುದ್ಧ ಗುಡುಗಿದ್ದಾರೆ. ಇದು ಲಕ್ನೋ ತಂಡ ಬಿಡುವ ಸುದ್ದಿಗೆ ಮತ್ತಷ್ಟು ಪುಷ್ಠಿ ನೀಡಿದೆ. ಅಷ್ಟಕ್ಕೂ ರಾಹುಲ್​​, ಲಕ್ನೋ ಮಾಲೀಕರ ಬಗ್ಗೆ ಹೇಳಿದ್ದೇನು?.

ಇದನ್ನೂ ಓದಿ: ಪಾಂಡ್ಯ ಮೇಲೆ ನತಾಶಾ ಆಪ್ತರಿಂದ ಸ್ಫೋಟಕ ಆರೋಪ.. ಸಂಸಾರದ ಹಳಿ ತಪ್ಪಿದ್ರಾ ಸ್ಟಾರ್ ಕ್ರಿಕೆಟರ್​?

ಕಳೆದ ಐಪಿಎಲ್ ಸೀಸನ್​ ವೇಳೆ ನಡೆದ ಆ ಒಂದು ಘಟನೆಯನ್ನ ಯಾರೊಬ್ಬರೂ ಇದನ್ನ ಮರೆಯಲು ಸಾಧ್ಯವಿಲ್ಲ. ಕರ್ನಾಟಕದ ಕ್ರಿಕೆಟ್​ ಅಭಿಮಾನಿಗಳಂತೂ ಯಾವ ಕಾರಣಕ್ಕೂ ಮರೆತಿರಲ್ಲ. ಅಂದು ಹೈದ್ರಾಬಾದ್​ ವಿರುದ್ಧ ಲಕ್ನೋ​​ ಸೋತಿತ್ತು. ಹೀನಾಯವಾಗಿ ಪರಾಭವಗೊಂಡ ಬೆನ್ನಲ್ಲೆ ಫ್ರಾಂಚೈಸಿ ಮಾಲೀಕ ಸಂಜೀವ್ ಗೋಯೆಂಕಾ, ಆನ್​ ಫೀಲ್ಡ್​​ನಲ್ಲೆ ಕ್ಯಾಪ್ಟನ್ ಕೆ.ಎಲ್ ರಾಹುಲ್ ವಿರುದ್ಧ ಕಿಡಿಕಾರಿದ್ರು. ಏರು ಧ್ವನಿಯಲ್ಲೇ ಆನ್​​ ಫೀಲ್ಡ್​ನಲ್ಲಾದ ತಪ್ಪುಗಳ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ರು.

ಇದನ್ನೂ ಓದಿ: ಪಾಕಿಸ್ತಾನಕ್ಕೆ ಬಿಗ್ ಶಾಕ್ ಕೊಟ್ಟ ಬಾಂಗ್ಲಾ ಪ್ಲೇಯರ್ಸ್​.. ಐತಿಹಾಸಿಕ ದಾಖಲೆ ಬರೆದ ಆಟಗಾರರು

ಗೋಯೆಂಕಾ ತರಾಟೆಗೆ ಪ್ರತಿಯಾಗಿ ಸಖತ್ ಕೌಂಟರ್​​..!

ಅಂದು ಲಕ್ನೋ ಫ್ರಾಂಚೈಸಿ ವಿರುದ್ಧ ತೀವ್ರ ಅಸಮಾಧಾನ ವ್ಯಕ್ತವಾಗಿತ್ತು. ಫ್ಯಾನ್ಸ್​ ಹಿಗ್ಗಾಮುಗ್ಗಾ ಜಾಡಿಸಿದ್ರು. ಲಕ್ನೋ ಫ್ರಾಂಚೈಸಿ ಓನರ್​​​​ ರಾಹುಲ್​ನ ಅವಮಾನಿಸಿ​ 3 ತಿಂಗಳಾಗಿದೆ. ಇಲ್ಲಿವರೆಗೆ ಘಟನೆ ಬಗ್ಗೆ ಕನ್ನಡಿಗ ತುಟಿಕ್​ ಪಿಟಿಕ್ ಅಂದಿರ್ಲಿಲ್ಲ. ಇದೀಗ ಮೊದಲ ಬಾರಿ ಸಾರ್ವಜನಿಕವಾಗಿ ಐಪಿಎಲ್​ ಮಾಲೀಕರ ವಿರುದ್ಧ ಕಿಡಿ ಕಾರಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿರೋ ರಾಹುಲ್​​​, ಮಾಲೀಕರ ನಡೆ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಐಪಿಎಲ್ ಮಾಲೀಕರಿಗೆ ಬ್ಯುಸಿನೆಸ್​ ಹಿನ್ನೆಲೆ ಇರುತ್ತೆ. ಅವರು ಹುಡುಕಾಟ ನಡೆಸಿ ಜಾಗರೂಕತೆಯಿಂದ ತಂಡವನ್ನ ಕಟ್ಟುತ್ತಾರೆ. ಆದರೆ ಪ್ರತಿ ಪಂದ್ಯದಲ್ಲಿ ಗೆಲುವಿನ ಗ್ಯಾರಂಟಿ ಇರಲ್ಲ. ಟಾಪ್​ ಆಟಗಾರರನ್ನ ಅಂಕಿ-ಅಂಶಗಳ ಆಧಾರದ ಮೇಲೆ ಖರೀದಿಸುತ್ತಾರೆ. ಅವರು ಕೂಡ ಕೆಟ್ಟ ಸೀಸನ್ ನೋಡುತ್ತಾರೆ. ಆಟದಲ್ಲಿ ಪ್ರತಿಯೊಬ್ಬ ಆಟಗಾರ ಕೂಡ ಕೆಟ್ಟ ದಿನಗಳನ್ನ ಎದುರಿಸುತ್ತಾನೆ.

ಕೆಎಲ್ ರಾಹುಲ್​​, ಲಕ್ನೋ ಕ್ಯಾಪ್ಟನ್

ಸಂದರ್ಶನವೊಂದರಲ್ಲಿ ರಾಹುಲ್​ ಹೇಳಿರೋ ಮಾತಿವು. ರಾಹುಲ್ ಇಲ್ಲಿ ನೇರವಾಗಿ ಸಂಜೀವ್ ಗೋಯೆಂಕಾ ಹೆಸರು ಪ್ರಸ್ತಾಪಿಸದೇ ಇರಬಹುದು. ಆದ್ರೆ ಇನ್​ಡೈರೆಕ್ಟ್​​ ಆಗಿ ಟಾಂಗ್ ಕೊಟ್ಟಿರೋದು ಲಕ್ನೋ ಮಾಲೀಕರಿಗೆ. ಅಂದು ಒಂದು ಸೋಲಿಗೆ ಅವಮಾನ ಎದುರಿಸಿದ ಕೆ.ಎಲ್​ ರಾಹುಲ್, ಇದೀಗ ಆಟದಲ್ಲಿ ಪ್ರತಿ ಪಂದ್ಯ ಗೆಲ್ಲಲು ಸಾಧ್ಯವಿಲ್ಲ ಎಂದಿದ್ದಾರೆ. ಈ ಮೂಲಕ ಸಂಜೀವ್ ಗೋಯೆಂಕಾಗೆ ಸಖತ್ ಕೌಂಟರ್​ ಕೊಟ್ಟಿದ್ದಾರೆ.

ಲಕ್ನೋ ತಂಡದಿಂದ ಹೊರಬರ್ತಾರಾ ಕೆಎಲ್ ರಾಹುಲ್​​..?

ಯಾವಾಗ ಲಕ್ನೋ ಫ್ರಾಂಚೈಸಿ ಮಾಲೀಕರು ರಾಹುಲ್​​​​​​​​ ವಿರುದ್ಧ ಕೋಪಕಾರಿದ್ರೋ ಅಂದೇ ಮನಸ್ತಾಪ ತಲೆದೂರಿತ್ತು. ಕ್ಯಾಪ್ಟನ್ ರಾಹುಲ್​​ ಆಗಲೇ ಒಂದು ಹೆಜ್ಜೆ ಹೊರಗಿಟ್ಟಿದ್ರು. ಇದೀಗ ರಾಹುಲ್​​​​​​, ಗೋಯೆಂಕಾ ವಿರುದ್ಧ ಗುಡುಗುವ ಮೂಲಕ ಲಕ್ನೋ ತಂಡದಿಂದ ಹೊರಬರುವ ಸುಳಿವು ನೀಡಿದ್ದಾರೆ.

ಇದನ್ನೂ ಓದಿ: ಪರಪ್ಪನ ಜೈಲಿನಿಂದ ಸಸ್ಪೆಂಡ್ ಆದ ಅಧಿಕಾರಿಗಳು ಯಾರು ಯಾರು.. ಗೃಹ ಸಚಿವರು ಹೇಳಿದ ಹೆಸರುಗಳು? 

ಈಗಾಗ್ಲೇ ರಾಹುಲ್​ ಮೇಲೆ ಅನೇಕ ಫ್ರಾಂಚೈಸಿಗಳು ಕಣ್ಣಿಟ್ಟಿವೆ. ಆ ಪೈಕಿ ಆರ್​ಸಿಬಿ ಕೂಡ ಒಂದು. ಈ ಬಾರಿ ತಂಡ ಕನ್ನಡಿಗನನ್ನ ಸೆಳೆಯಲು ಹೆಚ್ಚು ಒಲವು ಹೊಂದಿದ್ದು, ರಾಹುಲ್​ ಖರೀದಿಗೂ ಈಗಿನಿಂದಲೇ ತೆರೆಮರೆಯಲ್ಲೇ ಕಸರತ್ತು ಅರಂಭಿಸಿದೆ ಎಂದು ಹೇಳಲಾಗ್ತಿದೆ.

ರಾಹುಲ್ ಪರೋಕ್ಷ ಮಾತುಗಳಲ್ಲಿ ಸಂಜೀವ್​ ಗೋಯೆಂಕಾ ವಿರುದ್ಧ ಬೇಸರ ವ್ಯಕ್ತಪಡಿಸುವ ಮೂಲಕ ತನ್ನ ಹಾಗೂ ಲಕ್ನೋ ಮಧ್ಯೆ ಎಲ್ಲವೂ ಸರಿಯಿಲ್ಲ ಅನ್ನೋ ಸಂದೇಶ ರವಾನಿಸಿದ್ದಾರೆ. ಈ ಅಸಮಾಧಾನ ಲಕ್ನೋ ತಂಡದಿಂದ ಹೊರಬರಲು ಕಾರಣವಾಗುತ್ತಾ?. ಆರ್​​ಸಿಬಿಗೆ ರಾಹುಲ್​ ಬರ್ತಾರಾ?. ಅನ್ನೋದು ಸದ್ಯ ಅಭಿಮಾನಿಗಳ ಮಿಲಿಯನ್​ ಡಾಲರ್​ ಪ್ರಶ್ನೆಯಾಗಿದ್ದು, ಮೆಗಾ ಆಕ್ಷನ್​ನಲ್ಲಿ ಇದಕ್ಕೆ ಉತ್ತರ ಸಿಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ