ವಿಶ್ವ ಟೆಸ್ಟ್​ ಚಾಂಪಿಯನ್​​ಶಿಪ್​​​ ಫೈನಲ್ಸ್​​ನಲ್ಲಿ ಆಸೀಸ್​​ ವಿರುದ್ಧ ಸೋತಿದ್ದ ಟೀಂ ಇಂಡಿಯಾ

ಆಸ್ಟ್ರೇಲಿಯಾ ತಂಡದ ವಿರುದ್ಧ ಸೋತಿದ್ದ ರೋಹಿತ್​ ನೇತೃತ್ವದ ಟೀಂ ಇಂಡಿಯಾಗೆ ಶಾಕ್​​!

ಟೀಂ ಇಂಡಿಯಾಗೆ ಮತ್ತೆ ಕೈಕೊಟ್ಟ ಈ ಸ್ಟಾರ್​ ಪ್ಲೇಯರ್​​​ ವಿಂಡೀಸ್​ ಸೀರೀಸ್​ಗೂ ಅಲಭ್ಯ!

ಇತ್ತೀಚೆಗೆ ನಡೆದ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ ಸೀಸನ್​​ನಲ್ಲಿ ಪಂದ್ಯವೊಂದರಲ್ಲಿ ಫೀಲ್ಡಿಂಗ್​​ ಮಾಡುವಾಗ ಲಕ್ನೋ ಸೂಪರ್​​ ಜೈಂಟ್ಸ್​ ತಂಡದ ಕ್ಯಾಪ್ಟನ್​ ಆಗಿದ್ದ ಕೆ.ಎಲ್​​ ರಾಹುಲ್​​ ತೀವ್ರವಾಗಿ ಗಾಯಗೊಂಡಿದ್ದರು. ಹೀಗಾಗಿ ಕೆ.ಎಲ್​​ ರಾಹುಲ್​​ ತೊಡೆಯ ಶಸ್ತ್ರಚಿಕಿತ್ಸೆ ಮಾಡಲು ಶಿಫಾರಸು ಮಾಡಲಾಗಿತ್ತು.

ಇದಾದ ಬಳಿಕ ಐಪಿಎಲ್​​ ಟೂರ್ನಿಯಿಂದಲೇ ಹೊರಗುಳಿದ ಕೆ.ಎಲ್​​ ರಾಹುಲ್​​ ಶಸ್ತ್ರಚಿಕಿತ್ಸೆಗಾಗಿ ಬ್ರಿಟನ್​​ಗೆ ತೆರಳಿದ್ದರು. ಈಗ ಬ್ರಿಟನ್​​ನಲ್ಲಿ ಕೆ.ಎಲ್​​ ರಾಹುಲ್​ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ. ಹೀಗಾಗಿ ಕೆ.ಎಲ್​​ ರಾಹುಲ್​ ಆರೋಗ್ಯ ಸುಧಾರಿಸಿದ್ದು, ಫಿಟ್​ನೆಸ್​​ಗಾಗಿ ಮತ್ತೆ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿಗೆ ಮರಳಿದ್ದಾರೆ.

ಇನ್ನು, ತೀವ್ರವಾಗಿ ಗಾಯಗೊಂಡಿದ್ದ ಕೆ.ಎಲ್​ ರಾಹುಲ್​ ಐಪಿಎಲ್​​ ಕೊನೇ ಕೆಲವು ಪಂದ್ಯಗಳು ಮತ್ತು ವಿಶ್ವ ಟೆಸ್ಟ್​​ ಚಾಂಪಿಯನ್​ಶಿಪ್​ನಿಂದಲೇ ಹೊರಗುಳಿದಿದ್ದರು. ಈಗ ಎನ್​​ಸಿಎ ಸೇರಿಕೊಂಡ ಕಾರಣ ಕೆ.ಎಲ್​ ರಾಹುಲ್​​ ಮುಂದಿನ ತಿಂಗಳಿನಿಂದ ನಡೆಯೋ ವೆಸ್ಟ್​ ಇಂಡೀಸ್​​​ ಮತ್ತು ಐರ್ಲೆಂಡ್​ ವಿರುದ್ಧ ಸೀರೀಸ್​​ ಮಿಸ್​ ಆಗಬಹುದು ಎಂದು ವರದಿಯಾಗಿದೆ. ನೇರವಾಗಿ ಒನ್​ ಡೇ ಏಷ್ಯಾಕಪ್​​ಗೆ ಕಮ್​ಬ್ಯಾಕ್​​ ಮಾಡೋ ಸಾಧ್ಯತೆ ಇದೆ ಎನ್ನಲಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ