2023ರ ವಿಶ್ವಕಪ್​​ನಲ್ಲಿ ವಿರಾಟ್​ ಕೊಹ್ಲಿಗೆ 3ನೇ ಶತಕ

ಏಕದಿನ ಮಾದರಿಯಲ್ಲಿ 50 ಶತಕ ಸಿಡಿಸಿ ಕೊಹ್ಲಿ ದಾಖಲೆ

ಸಚಿನ್​ ತಂಡೂಲ್ಕರ್​​ ದಾಖಲೆ ಮುರಿದ ವಿರಾಟ್​​ ಕೊಹ್ಲಿ!

ಇಂದು ಮುಂಬೈನ ವಾಂಖೆಡೆ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್ ಸೆಮಿ ಫೈನಲ್​​ ಪಂದ್ಯದಲ್ಲಿ ಬಲಿಷ್ಠ ಟೀಂ ಇಂಡಿಯಾ, ನ್ಯೂಜಿಲೆಂಡ್​ ತಂಡಗಳು ಮುಖಾಮುಖಿ ಆಗಿವೆ.

ಟಾಸ್​ ಗೆದ್ದ ಟೀಂ ಇಂಡಿಯಾ ಮೊದಲು ಬ್ಯಾಟಿಂಗ್​​ ಆಯ್ದುಕೊಂಡಿದೆ. ಭಾರತ ತಂಡದ ಪರ ಓಪನರ್​ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಔಟಾದ ಬಳಿಕ ಕ್ರೀಸ್​ಗೆ ಬಂದ ವಿರಾಟ್​​ ಕೊಹ್ಲಿ ಜವಾಬ್ದಾರಿಯಿಂದಲೇ ಬ್ಯಾಟ್​ ಬೀಸಿದ್ರು.

ಕೊಹ್ಲಿ ತಾನು ಎದುರಿಸಿದ 106 ಬಾಲ್​​ನಲ್ಲಿ 1 ಬಿಗ್​ ಸಿಕ್ಸರ್​​​, 8 ಫೋರ್​ ಸಮೇತ 100 ರನ್ ಸಿಡಿಸಿದ್ದಾರೆ. ಈ ಮೂಲಕ 2023ರ ಐಸಿಸಿ ಏಕದಿನ ವಿಶ್ವಕಪ್​ ಟೂರ್ನಿಯಲ್ಲಿ 3ನೇ ಶತಕ ಸಿಡಿಸಿದ್ದಾರೆ. ಜತೆಗೆ ಏಕದಿನ ಮಾದರಿಯಲ್ಲೇ 50 ಶತಕ ಬಾರಿಸಿ ಟೀಂ ಇಂಡಿಯಾದ ದಿಗ್ಗಜ ಮಾಸ್ಟರ್​ ಬ್ಲಾಸ್ಟರ್​ ಸಚಿನ್​​ ತೆಂಡೂಲ್ಕರ್​​ ದಾಖಲೆಯನ್ನು ಕೊಹ್ಲಿ ಮುರಿದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ