ಇವರೇನಾ ವಿರಾಟ್​​ ಕೊಹ್ಲಿ-ಗೌತಮ್ ಗಂಭೀರ್​​?

ಇಬ್ಬರ ಬಾಂಡಿಂಗ್ ಕಂಡು ಎಲ್ಲರೂ ಶಾಕ್​​​..!

ಏನಿಲ್ಲ, ಏನಿಲ್ಲ, ನಮ್ಮ ನಡುವೆ ಈಗ ಏನೇನಿಲ್ಲ..!

ವಿರಾಟ್ ಕೊಹ್ಲಿ-ಗೌತಮ್​​ ಗಂಭೀರ್​​​​ ಹಗೆತನ ಯಾರಿಗೆ ಗೊತ್ತಿಲ್ಲ ಹೇಳಿ. ಇಬ್ಬರೂ ಹಾವು-ಮುಂಗುಸಿ ರೀತಿಯಲ್ಲಿ ಆಡುತ್ತಿದ್ದರು. ಆನ್​ಫೀಲ್ಡ್​ನಲ್ಲೇ ಜಿದ್ದಿಗೆ ಬಿದ್ದು ಕಿತ್ತಾಡುತ್ತಿದ್ದರು. ಆದರೀಗ ಇದೇ ಕಿರಿಕ್ ಜೋಡಿಗಳಾದ​ ಕೊಹ್ಲಿ ಹಾಗೂ ಗಂಭೀರ್​ ನಂಬಲಾಗದಷ್ಟು ಬದಲಾಗಿದ್ದಾರೆ.

ಇವರೇನಾ ಕೊಹ್ಲಿ-ಗೌತಿ?
ವಿರಾಟ್ ಕೊಹ್ಲಿ -ಗೌತಮ್ ಗಂಭೀರ್​​. ಅಗ್ರೆಸ್ಸಿವ್​ ಕ್ರಿಕೆಟರ್ಸ್​. ಆನ್​ಫೀಲ್ಡ್​ನಲ್ಲಿ ದಿಗ್ಗಜದ್ವಯರ ಕಿರಿಕ್​​​ ಬಗ್ಗೆ ದೊಡ್ಡ ಇತಿಹಾಸವೇ ಇದೆ. ಇಬ್ಬರೂ ಆಡಿದ್ದು ಒಂದೇ ದೇಶದ ಪರವಾದ್ರು, ಒಬ್ಬರನ್ನ ಕಂಡ್ರೆ ಒಬ್ಬರಿಗೆ ಆಗ್ತಿರ್ಲಿಲ್ಲ. ಹಾವು-ಮುಂಗಿಸಿ ಸಂಬಂಧ. ಅನೇಕ ಬಾರಿ ಇಬ್ಬರ ಮಧ್ಯೆ ವಾಗ್ಯುದ್ಧ ಏರ್ಪಟ್ಟಿದೆ. ಇಂತಹ ದುಷ್ಮನ್ಸ್​​ ಈಗ ಬೆಸ್ಟ್​ ಫ್ರೆಂಡ್ಸ್​ ಆಗಿದ್ದಾರೆ. ಗೌತಮ್ ಗಂಭೀರ್​​​​​​​ ಟೀಮ್ ಇಂಡಿಯಾ ಹೆಡ್​ಕೋಚ್ ಆದ್ಮೇಲೆ ಕೊಹ್ಲಿ-ಗೌತಿ ನಡುವೆ ಸ್ಪೆಷಲ್​ ಬಾಂಡಿಂಗ್ ಬೆಳೆದಿದೆ. ವೈರತ್ವ ಮಾಯವಾಗಿದೆ. ದಿನಕಳೆದಂತೆ ಇಬ್ಬರ ನಡುವೆ ಆತ್ಮೀಯತೆ ಗಾಢವಾಗ್ತಿದೆ.

ಇದನ್ನೂ ಓದಿ:ಕಾನ್ಪುರ ಪಿಚ್​​ನ ಮಣ್ಣಿನಲ್ಲಿ ವಿಶೇಷ ಗುಣ; ಏನಿದು ಉನ್ನಾವೋ ಕಪ್ಪು ಮಣ್ಣು..?

ಗಡ್ಡ ಮುಟ್ಟಿ ಕೊಹ್ಲಿ ಮಾತನಾಡಿಸಿದ ಗಂಭೀರ್

ಈ ಒಂದು ಪೋಟೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ. ಟೀಮ್ ಇಂಡಿಯಾ ಕಾನ್ಪರ ಟೆಸ್ಟ್​​ಗೆ ಭರ್ಜರಿ ಸಿದ್ಧತೆ ನಡೆಸಿತ್ತು. ಈ ಪ್ರಾಕ್ಟೀಸ್​​​ ಸೆಷನ್​ ವೇಳೆ ಹೆಡ್​ಕೋಚ್​​​​ ಗೌತಮ್ ಗಂಭೀರ್​ ಹಾಗೂ ಕಿಂಗ್ ಕೊಹ್ಲಿ ಮುಖಾಮುಖಿಯಾದ್ರು. ಈ ವೇಳೆ ಹೆಡ್​ಕೋಚ್​​ ಗಂಭೀರ್​​​ ಪ್ರೀತಿಯಿಂದ ಕೊಹ್ಲಿಯ ಗಡ್ಡ ಮಟ್ಟಿ ಮುಖಕ್ಕಂಟಿಂದ ಏನನ್ನೋ ವರೆಸಿದ್ದಾರೆ. ಈ ಪೋಟೋ ನೋಡಿದ ಫ್ಯಾನ್ಸ್​​ ಫುಲ್ ಖುಷ್ ಆಗಿದ್ದು, ಇಬ್ಬರ ಬಾಂಡಿಂಗ್ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ.

ಚೆನ್ನೈನಿಂದ ಡೆಲ್ಲಿಗೆ ಜೊತೆಯಾಗಿ ಪ್ರಯಾಣ

ಚೆಪಾಕ್ ಟೆಸ್ಟ್​ ಮುಗಿದ ಬೆನ್ನಲ್ಲೆ ಟೀಮ್​ ಅನ್ನ ಬಿಟ್ಟು ಕಿಂಗ್ ಕೊಹ್ಲಿ, ಕೋಚ್ ಗಂಭೀರ್ ಹಾಗೂ ರಿಷಬ್ ಪಂತ್​​​​ ಡೆಲ್ಲಿಗೆ ಪ್ರಯಾಣ ಬೆಳೆಸಿದ್ರು. ಮೂವರು ಡೆಲ್ಲಿ ಏರ್​ಪೋರ್ಟ್​ನಲ್ಲಿ ಕಾಣಿಸಿಕೊಂಡ ವಿಡಿಯೋ ವೈರಲ್ ಆಗಿತ್ತು.

ಗಾಲ್ಫ್​ ಕಾರ್ಟ್​ನಲ್ಲಿ ಗಂಭೀರ್​​​-ಕೊಹ್ಲಿ

ಡೆಲ್ಲಿಗೆ ಜೊತೆಯಾಗಿ ಪ್ರಯಾಣಿಸಿದ ಕೊಹ್ಲಿ ಹಾಗೂ ಹೆಡ್​ಕೋಚ್​ ಗಂಭೀರ್​​​​​​​​, ಒಟ್ಟಾಗಿಯೇ ಕಾನ್ಪುರ ಏರ್​ಪೊರ್ಟ್​ನಲ್ಲಿ ಕಾಣಿಸಿಕೊಂಡ್ರು. ಅಲ್ಲದೇ ಅಕ್ಕಪಕ್ಕ ಕುಳಿತು ಕೊಹ್ಲಿ ಹಾಗೂ ಗಂಭೀರ್​​​​ ಗಾಲ್ಫ್​​​ ಕಾರ್ಟ್​ನಲ್ಲಿ​ ಜಾಲಿ ರೈಡ್ ಮಾಡಿದ್ರು. ಚೆಪಾಕ್ ಟೆಸ್ಟ್​​ ಪಂದ್ಯದ ವೇಳೆ ಕಿಂಗ್ ಕೊಹ್ಲಿ, ಕ್ಯಾಪ್ಟನ್ ರೋಹಿತ್ ಶರ್ಮಾ ಹಾಗೂ ಹೆಡ್​ಕೋಚ್ ಗಂಭೀರ್​ ಡ್ರೆಸ್ಸಿಂಗ್ ರೂಮ್​ನಲ್ಲಿ ಜೊತೆಯಾಗಿ ಕೂತಿದ್ರು. ಈ ವೇಳೆ ವಿರಾಟ್ ಏನೋ ಜೋಕ್​ ಕಟ್​ ಮಾಡಿದ್ರು. ಅದನ್ನ ಕೇಳಿ ಗೌತಿ ನಕ್ಕು ನಕ್ಕು ಸುಸ್ತಾಗಿದ್ರು.

ಇದನ್ನೂ ಓದಿ:ಅಪರೂಪದ ಸೊಳ್ಳೆಯಿಂದ ಹರಡುತ್ತೆ ‘EEE’ ವೈರಸ್​​! ಎಚ್ಚರಿಕೆಯಿಂದಿರಿ ಎಂದಿದೆ ಸರ್ಕಾರ

ಡ್ರೆಸ್ಸಿಂಗ್ ರೂಮ್​​​ನಲ್ಲಿ ಹೆಂಗೆ?

ಗಂಭೀರ್​​​​ ಟೀಮ್ ಇಂಡಿಯಾ ಹೆಡ್​ಕೋಚ್​​ ಹುದ್ದೆಗೇರಿದ್ದೆ ತಡ, ವಿರಾಟ್​​​​ ಡ್ರೆಸ್ಸಿಂಗ್ ರೂಮ್​​​ನಲ್ಲಿ ಗೌತಿ ಜೊತೆನೇ ಹೆಚ್ಚು ಟೈಮ್​ ಸ್ಪೆಂಡ್ ಮಾಡ್ತಿದ್ದಾರೆ. ಶ್ರೀಲಂಕಾ ಪ್ರವಾಸದಲ್ಲಿ ಔಟ್​ ಆದ ಬಳಿಕ ನೇರವಾಗಿ ಗಂಭೀರ್ ಬಳಿ ಹೋಗಿ ಕೊಹ್ಲಿ ಚರ್ಚಿಸ್ತಾ ಇದ್ರು.

ಕೊಹ್ಲಿ-ಗಂಭೀರ್​ ನಗೆ ಬುಗ್ಗೆ

ಶ್ರೀಲಂಕಾ ವಿರುದ್ಧ ಸರಣಿ ವೇಳೆ ಟೀಮ್ ಇಂಡಿಯಾ ಆಟಗಾರರು ಗಂಭೀರವಾಗಿ ಸಿದ್ಧತೆ ನಡೆಸಿದ್ರು. ಈ ಟೈಮ್​ನಲ್ಲಿ ಹೆಡ್​ಕೋಚ್​ ಗಂಭೀರ್​​​​, ಕೊಹ್ಲಿ ಬಳಿ ಬರ್ತಾರೆ. ಕೆಲ ಕಾಲ ಮಾತುಕತೆ ನಡೆಸ್ತಾರೆ. ಆಗ ಕೊಹ್ಲಿ ಮತ್ತೆ ಜೋಕ್​ ಮಾಡ್ತಾರೆ. ಅದನ್ನ ಕೇಳಿ ತಡಿಯಲಾಗದೇ ಗಂಭಿರ್​​ ಹೊಟ್ಟೆ ಹುಣ್ಣಾಗುವಷ್ಟು ನಕ್ಕಿದ್ರು. ಒಂದು ಟೈಮ್​​ನಲ್ಲಿ ಒಬ್ಬರನ್ನೊಬ್ರು ಕಂಡ್ರೆ ಕಿಂಗ್ ಕೊಹ್ಲಿ ಹಾಗೂ ಗೌತಮ್​ ಗಂಭೀರ್​ ಉರಿದು ಬೀಳ್ತಿದ್ರು. ಈಗ ನೋಡಿ ಇಬ್ಬರ ಬಾಂಡಿಂಗ್​​​​ ಹೇಗಿದೆ ಅನ್ನೋದನ್ನ. ಅದಕ್ಕೆ ಹೇಳೋದು ಕಾಲ ಎಲ್ಲವನ್ನೂ ಬದಲಿಸುತ್ತೆ, ಎಲ್ಲರನ್ನ ಬದಲಿಸುತ್ತೆ ಅಂತ.

ಇದನ್ನೂ ಓದಿ:RCBಗೆ ಪಂತ್ ಕ್ಯಾಪ್ಟನ್​ ಆಗಿ ಬರುವುದು ಕೊಹ್ಲಿಗೆ ಇಷ್ಟ ಇಲ್ವಾ.. ಅಭಿಮಾನಿ ವಿರುದ್ಧ ರಿಷಬ್​ ಗರಂ ಆಗಿದ್ದೇಕೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್