ನಾಳೆಯಿಂದ ವಿಂಡೀಸ್​​ ವಿರುದ್ಧದ ಏಕದಿನ ಸರಣಿ ಶುರು

ಬಾರ್ಬಡೋಸ್‌ ಕೆನ್ಸಿಂಗ್ಟನ್ ಓವಲ್‌ನಲ್ಲಿ ಮೊದಲ ಪಂದ್ಯ

ಹಲವು ದಾಖಲೆಗಳ ಮೇಲೆ ರೋಹಿತ್​​, ವಿರಾಟ್​​​ ಕಣ್ಣು..!

ಇತ್ತೀಚೆಗೆ ನಡೆದ ಟೆಸ್ಟ್​ ಸರಣಿಯಲ್ಲಿ ಗೆದ್ದು ಬೀಗಿದ ಟೀಂ ಇಂಡಿಯಾ ವೆಸ್ಟ್​​ ಇಂಡೀಸ್​​ ವಿರುದ್ಧದ ಏಕದಿನ ಟೂರ್ನಿ ಗೆಲ್ಲಲು ಮುಂದಾಗಿದೆ. ನಾಳೆಯಿಂದಲೇ ಬಾರ್ಬಡೋಸ್‌ನ ಕೆನ್ಸಿಂಗ್ಟನ್ ಓವಲ್‌ನಲ್ಲಿ ವಿಂಡೀಸ್​ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿ ಶುರುವಾಗಲಿದೆ. ಸದ್ಯದಲ್ಲೇ ನಡೆಯೋ 2023 ಐಸಿಸಿ ಏಕದಿನ ವಿಶ್ವಕಪ್​​ ದೃಷ್ಟಿಕೋನದಿಂದ ಈ ಟೂರ್ನಿ ಮಹತ್ವದ್ದಾಗಿದೆ. ಇನ್ನೊಂದೆಡೆ ವಿಂಡೀಸ್​ ವಿರುದ್ಧದ ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ, ಕ್ಯಾಪ್ಟನ್​ ರೋಹಿತ್​ ಶರ್ಮಾ ಹೊಸ ದಾಖಲೆಗಳ ಮೇಲೆ ಕಣ್ಣಿಟ್ಟಿದ್ದಾರೆ.

ಸಚಿನ್​ ದಾಖಲೆ ಮುರಿಯಲಿದ್ದಾರೆ ವಿರಾಟ್​​..!

ಏಕದಿನ ಕ್ರಿಕೆಟ್‌ನಲ್ಲಿ 13 ಸಾವಿರ ರನ್ ಪೂರೈಸಲು ಕೊಹ್ಲಿಗೆ ಕೇವಲ 102 ರನ್​ ಬೇಕು. ಒಂದು ವೇಳೆ ಕೊಹ್ಲಿ 102 ರನ್​ ಗಳಿಸಿ 13 ಸಾವಿರ ರನ್​​ ಪೂರೈಸಿದರೆ ಕೊಹ್ಲಿ ಮತ್ತೊಂದು ದಾಖಲೆ ಸೃಷ್ಟಿಸಲಿದ್ದಾರೆ. 13 ಸಾವಿರಕ್ಕೂ ಹೆಚ್ಚು ರನ್​ ಪೂರೈಸಿದ ವಿಶ್ವದ 5ನೇ ಮತ್ತು ಸಚಿನ್ ನಂತರ ಭಾರತದ 2ನೇ ಬ್ಯಾಟರ್​ ಆಗಲಿದ್ದಾರೆ.

ಸಚಿನ್ 321 ಇನ್ನಿಂಗ್ಸ್‌ಗಳಲ್ಲಿ 13,000 ರನ್‌ ಗಳಿಸಿದರು. ಒಂದು ವೇಳೆ ಕೊಹ್ಲಿ ಈ ಸೀರೀಸ್​ನಲ್ಲಿ 102 ರನ್​ ಗಳಿಸಿದರೆ ಏಕದಿನ ಕ್ರಿಕೆಟ್‌ನಲ್ಲಿ 13,000 ರನ್‌ಗಳ ಮೈಲುಗಲ್ಲು ಸ್ಥಾಪಿಸಿದ ಅತ್ಯಂತ ವೇಗದ ಬ್ಯಾಟರ್ ಆಗಲಿದ್ದಾರೆ. ಈ ಮೂಲಕ ಕೊಹ್ಲಿ ಭಾರತದ ಲೆಜೆಂಡ್ ಸಚಿನ್ ದಾಖಲೆ ಮುರಿಯಲಿದ್ದಾರೆ.

ಹೊಸ ದಾಖಲೆ ನಿರ್ಮಿಸಲಿರುವ ರೋಹಿತ್​

ಟೀಂ ಇಂಡಿಯಾದ ಹಾಲಿ ಕ್ಯಾಪ್ಟನ್​ ರೋಹಿತ್​ ಶರ್ಮಾಗೆ ಏಕದಿನ ಕ್ರಿಕೆಟ್‌ನಲ್ಲಿ 10,000 ರನ್ ಪೂರೈಸಲು 175 ರನ್ ಬೇಕಿದೆ. ಒಂದು ವೇಳೆ ರೋಹಿತ್​​ 175 ರನ್​ ಬಾರಿಸಿದರೆ ಏಕದಿನ ಕ್ರಿಕೆಟ್‌ನಲ್ಲಿ ವೇಗವಾಗಿ 10,000 ರನ್ ಗಳಿಸಿದ ಕೊಹ್ಲಿ ನಂತರದ ಎರಡನೇ ಬ್ಯಾಟರ್​ ಆಗಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್