ಸಚಿನ್​ ತೆಂಡೂಲ್ಕರ್​ ದಾಖಲೆ ಉಡೀಸ್​ ಮಾಡಿದ ಕೊಹ್ಲಿ

ಕೇವಲ 277 ಇನ್ನಿಂಗ್ಸ್​ನಲ್ಲಿ 49 ಶತಕ ಸಿಡಿಸಿದ ವಿರಾಟ್​​..!

ತನ್ನ ಹುಟ್ಟುಹಬ್ಬದಂದೇ ಕಿಂಗ್​​ ಬರೆದ್ರು ಹೊಸ ದಾಖಲೆ

ಇಂದು ಕೋಲ್ಕತ್ತಾದ ಈಡನ್​ ಗಾರ್ಡನ್​ ಇಂಟರ್​ ನ್ಯಾಷನಲ್​​ ಸ್ಟೇಡಿಯಮ್​ನಲ್ಲಿ ನಡೆಯುತ್ತಿರೋ ರೋಚಕ ಪಂದ್ಯದಲ್ಲಿ ಸೌತ್​ ಆಫ್ರಿಕಾಗೆ ಟೀಂ ಇಂಡಿಯಾ ಬರೋಬ್ಬರಿ 327 ರನ್​ ಬಿಗ್​ ಟಾರ್ಗೆಟ್​ ಕೊಟ್ಟಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡುತ್ತಿರೋ ಟೀಂ ಇಂಡಿಯಾದ ಪರ ಓನ್​ ಡೌನ್​ ಆಗಿ ಕಣಕ್ಕಿಳಿದ ಕಿಂಗ್​​ ವಿರಾಟ್​​ ಕೊಹ್ಲಿ ಕೊನೆವರೆಗೂ ಕ್ರೀಸ್​ನಲ್ಲೇ ಇದ್ದು, ಅತ್ಯುತ್ತಮ ಬ್ಯಾಟಿಂಗ್​ ಮಾಡಿದ್ರು.

ಬ್ಯಾಕ್​ ಟು ಬ್ಯಾಕ್​​ ವಿಕೆಟ್​ ಹೋದ್ರೂ ಟಫ್​ ಫಿಚ್​ನಲ್ಲಿ ಸ್ಟ್ರೈಕ್​ ರೊಟೇಟ್​ ಮಾಡುತ್ತಲೇ ಟೀಂ ಇಂಡಿಯಾ ಬೃಹತ್​ ಮೊತ್ತ ಪೇರಿಸಲು ಸಹಕಾರಿಯಾದರು. ತನ್ನ ಹುಟುಹಬ್ಬದಂದೇ ಕೊಹ್ಲಿ ಶತಕ ಸಿಡಿಸಿದ್ದು ಮಾತ್ರ ರೋಚಕ.

ಕೊಹ್ಲಿ ತಾನು ಎದುರಿಸಿದ 121 ಬಾಲ್​ಗಳಲ್ಲಿ 10 ಫೋರ್​ ಸಮೇತ 101 ರನ್​ ಚಚ್ಚಿದ್ರು. ಈ ಮೂಲಕ ಮಾಸ್ಟರ್​ ಬ್ಲಾಸ್ಟರ್​​ ಸಚಿನ್​ ತೆಂಡೂಲ್ಕರ್​​ ರೆಕಾರ್ಡ್​​ ಸರಿಗಟ್ಟಿದರು. ಅಲ್ಲದೇ ಕೊಹ್ಲಿ ಕೇವಲ 277 ಇನ್ನಿಂಗ್ಸ್​ಗಳಲ್ಲಿ 49 ಏಕದಿನ ಶತಕ ಸಿಡಿಸಿ 452 ಇನ್ನಿಂಗ್ಸ್​ಗಳಲ್ಲಿ 49 ಶತಕ ಸಿಡಿಸಿದ್ದ ಸಚಿನ್​ ದಾಖಲೆ ಉಡೀಸ್​ ಮಾಡಿದ್ರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ