ಲಂಡನ್​ಗೆ ಹೋದ್ರೂ ತಪ್ಪಲಿಲ್ಲ ಕೊಹ್ಲಿಗೆ ಕಾಟ..!

ಅಂದುಕೊಂಡಿದ್ದೆ ಒಂದು.. ಆಗ್ತಿರೋದೆ ಇನ್ನೊಂದು..!

ವಿರಾಟ್​ ಕೊಹ್ಲಿ ಹಿಂದೆ ಇವ್ರು ಬಿದ್ದಿರೋದ್ಯಾಕೆ..?

ಕಿಂಗ್​ ಕೊಹ್ಲಿ ಮಾರ್ಡನ್​ ಕ್ರಿಕೆಟ್​ನ ದೊರೆ ಮಾತ್ರವಲ್ಲ. ಜಾಹೀರಾತು ಲೋಕಕ್ಕೂ ವಿರಾಟನೇ ಸುಲ್ತಾನ. ಕೊಹ್ಲಿ ಇವ್ರನ್ನ ಬಿಟ್ರು, ಇವ್ರು ಕೊಹ್ಲಿಯನ್ನ ಬಿಡಲ್ಲ. ಕ್ರಿಕೆಟ್​ನಿಂದ ದೂರ ಉಳಿದು. ಪ್ರೈವಸಿ ಬೇಕು ಅಂತಾ ಭಾರತವನ್ನೇ ಬಿಟ್ಟು, ವಿದೇಶದಲ್ಲಿ ಕೊಹ್ಲಿ ಬೀಡು ಬಿಟ್ಟಿದ್ದಾರೆ. ಇಲ್ಲೂ ವಿರಾಟ್​ ಕೊಹ್ಲಿಯನ್ನ ಇವ್ರು ಬಿಟ್ಟಿಲ್ಲ. ಕೊಹ್ಲಿಗೆ ಸಖತ್​ ಕಾಟ ಕೊಡ್ತಿದ್ದಾರೆ.

ಕ್ರಿಕೆಟ್​ ಲೋಕದ ಅಧಿಪತಿ ವಿರಾಟ್​ ಕೊಹ್ಲಿ, ಈ ವರ್ಷದ ಆರಂಭದಿಂದ ವಿದೇಶ ವಾಸಿ ಆಗ್ಬಿಟ್ಟಿದ್ದಾರೆ. ಕ್ರಿಕೆಟ್​ ಇದ್ದಾಗ ಮಾತ್ರ ಭಾರತಕ್ಕೆ ಬರ್ತಾ ಇರೋ ಕೊಹ್ಲಿ, ಸರಣಿ ಅಥವಾ ಟೂರ್ನಿ ಮುಗಿದ್ರೆ ಸಾಕು ಲಂಡನ್​ಗೆ ಶಿಫ್ಟ್​ ಆಗ್ತಿದ್ದಾರೆ. ಈ ತಿಂಗಳ ಆರಂಭದಲ್ಲಿ ಲಂಡನ್​ನಿಂದ ನೇರವಾಗಿ ಕೊಲಂಬೋಗೆ ಬಂದಿದ್ದ ಕೊಹ್ಲಿ ಲಂಕಾ ಎದುರು 3 ಪಂದ್ಯವನ್ನಾಡಿದ್ರು. ಅದ್ರ ಬೆನ್ನಲ್ಲೇ ಡೈರೆಕ್ಟ್​ ಫ್ಲೈಟ್​ ಏರಿ ಲಂಡನ್​ಗೆ ಹಾರಿದ್ರು. ಟಿ20 ವಿಶ್ವಕಪ್​ ಗೆದ್ದ ಬಳಿಕ ಭಾರತಕ್ಕೆ ಬಂದಾಗಲೂ ಇದೇ ಕಥೆ. ಸಂಭ್ರಮಾಚಾರಣೆ ಮುಗಿದ ಮರುದಿನವೇ ಬೆಳ್ಳಂಬೆಳಗ್ಗೆ ಮುಂಬೈನಿಂದ, ಲಂಡನ್​ಗೆ ಹಾಡಿದ್ರು.

ಇದನ್ನೂ ಓದಿ:ತುಂಬಾ ವರ್ಷಗಳ ನಂತರ.. ಮತ್ತೆ ತಂಡ ಕೂಡಿಕೊಳ್ಳಲಿದ್ದಾರೆ RCB ಮೂವರು ಹಳೇ ಆಟಗಾರರು..!

ಕಿಂಗ್​ ಕೊಹ್ಲಿಯ ವಿದೇಶ ವಾಸ್ತವ್ಯದ ಸೀಕ್ರೆಟ್​ ಏನು?
ವಿರಾಟ್​ ಕೊಹ್ಲಿಯ ಸದ್ಯದ ನಡೆಯನ್ನ ನೋಡಿದ ಮೇಲೆ ನಿಮ್ಮನ್ನೂ ಈ ಪ್ರಶ್ನೆ ಕಾಡದೇ ಇರಲ್ಲ. ವಿಶ್ವ ಕ್ರಿಕೆಟ್​ ಲೋಕದ ಸುಲ್ತಾನ ವಿರಾಟ್​ ಕೊಹ್ಲಿ ಸದ್ಯ ನೆಮ್ಮದಿಯ ಜೀವನದ ಹುಡುಕಾಟ ನಡೆಸ್ತಿದ್ದಾರೆ. ಪತ್ನಿ, ಮಕ್ಕಳೊಂದಿಗೆ ಹೆಚ್ಚು ಸಮಯ ಕಳೆಯಬೇಕು ಅನ್ನೋ ಏಕೈಕ ಕಾರಣಕ್ಕೆ ಭಾರತವನ್ನ ಬಿಟ್ಟು ವಿದೇಶದಲ್ಲಿ ಬೀಡು ಬಿಟ್ಟಿದ್ದಾರೆ. ಏನ್​ ಮಾಡೋದು ಕಿಂಗ್​ ಕೊಹ್ಲಿ ಅಂದು ಕೊಂಡಿದ್ದೇ ಒಂದು ಆಗ್ತಿರೋದೆ ಒಂದು. ಕೊಹ್ಲಿಗೆ ಕೆಲವರು ಕ್ವಾಟ್ಲೆ ಕೊಡ್ತಿದ್ದಾರೆ.

ಲಂಡನ್​ನಲ್ಲಿ ಕೊಹ್ಲಿಗೆ ಜಾಹೀರಾತುದಾರರ ಕಾಟ
ಕೊಹ್ಲಿಗೆ ಕ್ವಾಟ್ಲೆ ಅಂದ ತಕ್ಷಣ ಫ್ಯಾನ್ಸ್​​ ಕಾಟ ಕೊಡ್ತಿರಬಹದು ಅನ್ನೋ ಯೋಚನೆ ನಿಮ್ಮ ತಲೆಗೆ ಬಂದಿರಬಹುದು. ಅಸಲಿಗೆ ಕಾಟ ಕೊಡ್ತಿರೋದು ಜಾಹೀರಾತುದಾರರು. ನೆಮ್ಮದಿ ಜೀವನ ಬೇಕು ಅಂತಾ ಕೊಹ್ಲಿ, ಲಂಡನ್​ ಹೋದ್ರೂ ಬಿಡ್ತಿಲ್ಲ ನೋಡಿ ಬ್ರ್ಯಾಂಡ್​ಗಳು. ಕೆಲ ದಿನಗಳ ಹಿಂದಷ್ಟೇ ನಡೆದ ಫೋಟೋ ಶೂಟ್​ನ ವಿಡಿಯೋ ಇದು. ಲಂಡನ್​ನಲ್ಲೇ ನಡೆದ ಶೂಟ್​ ಝಲಕ್​ನ ಸ್ವತಃ ವಿರಾಟ್​ ಕೊಹ್ಲಿ ಹಂಚಿಕೊಂಡಿದ್ದಾರೆ. ಇದೊಂದೇ ಅಲ್ಲ.. ಕಳೆದ ಕೆಲ ದಿನಗಳಿಂದ ಹಲವು ಬ್ರ್ಯಾಂಡ್​ಗಳ ಸಾಲು-ಸಾಲು ಶೂಟ್​​ಗಳಲ್ಲಿ ವಿರಾಟ್​ ಫುಲ್​ ಬ್ಯುಸಿಯಾಗಿ ಬಿಟ್ಟಿದ್ದಾರೆ.

ಇದನ್ನೂ ಓದಿ:ಸ್ಟಾರ್​​ಗಳಿಗೊಂದು ನ್ಯಾಯ, ಉಳಿದವರಿಗೊಂದು ನ್ಯಾಯ; ಬಿಸಿಸಿಐ ವಿರುದ್ಧ ಭುಗಿಲೆದ್ದ ಆಕ್ರೋಶ

ಆನ್​ ಫೀಲ್ಡ್​​, ಆಫ್​ ಫೀಲ್ಡ್​​.. ಎಲ್ಲೆಲ್ಲೂ ಕೊಹ್ಲಿ ಕಿಂಗ್​
ದೂರದ ಲಂಡನ್​ಗೆ ಹೋಗಿ ಬೀಡು ಬಿಟ್ಟಿದ್ರೂ ಜಾಹೀರಾತುದಾರರು ಕೊಹ್ಲಿ ಹಿಂದೆ ಬಿದ್ದಿರೋ ಸೀಕ್ರೆಟ್​ ಇದೇ ನೋಡಿ. ಈ ಕ್ರಿಕೆಟ್​ ಲೋಕದ ಸುಲ್ತಾನನಿಗಿರೋ ಕ್ರೇಜ್​, ವಿಶ್ವದ ಬೇರಾವ ಕ್ರಿಕೆಟರ್​ಗೂ ಇಲ್ಲ. ಇನ್​ಫ್ಯಾಕ್ಟ್​​ ಕ್ರಿಕೆಟ್​ ದೇವರು ಅನ್ನಿಸಿಕೊಳ್ಳೋ ಸಚಿನ್​ರನ್ನೇ ವಿರಾಟ್​ ಕೊಹ್ಲಿ ಮೀರಿಸಿದ್ದಾರೆ ಅಂದ್ರೆ ತಪ್ಪಾಗಲ್ಲ. ಕಿಂಗ್​ ಕೊಹ್ಲಿಯ ಹವಾ ಹಂಗಿದೆ. ವಿಶ್ವದಾದಂತ್ಯ ಅಸಂಖ್ಯ ಅಭಿಮಾನಿಗಳ ಬಳಗ ಕೊಹ್ಲಿಗಿದೆ. ವಿರಾಟ್​​, ಕ್ರೀಸ್​​ಗೆ ಇಳಿದ್ರೆ ಸಾಕು ಕಣ್ತುಂಬಿಕೊಳ್ಳಲು ಫ್ಯಾನ್ಸ್​ ಕಾಯ್ತಿದ್ದಾರೆ. ಸ್ಟೇಡಿಯಂನ ವಾತಾವರಣವೇ ಬದಲಾಗುತ್ತೆ. ಸ್ಟೇಡಿಯಂ ಮಾತ್ರವಲ್ಲ. ಟಿವಿ ಮುಂದೆ ಕೂಡ ರೆಪ್ಪೆಯಾಡಿಸದೆ ಪಂದ್ಯ ವೀಕ್ಷಿಸೋ ಕೋಟ್ಯಾಂತರ ಫ್ಯಾನ್ಸ್ ಇದ್ದಾರೆ. ಕೊಹ್ಲಿ ಆರಾಧಕರ ಬಳಗವೇ ಇದೆ.

ಸೋಷಿಯಲ್​ ಮೀಡಿಯಾಗೂ ಕೊಹ್ಲಿಯೇ ಕಿಂಗ್
ಆನ್​ಫೀಲ್ಡ್​ ಮಾತ್ರವಲ್ಲ..ಆಫ್​ ದ ಫೀಲ್ಡ್​ನಲ್ಲೂ ಕೊಹ್ಲಿಯ ಕ್ರೇಜ್​​ ಜೋರಾಗಿದೆ. ವಿಶ್ವದಲ್ಲೇ ಅತಿ ಹೆಚ್ಚು ಫಾಲೋವರ್ಸ್​ ಹೊಂದಿರೋ 3ನೇ ಅಥ್ಲೀಟ್​ ಕೊಹ್ಲಿ. ಕೊಹ್ಲಿಯ ಅಧಿಕೃತ ಅಕೌಂಟ್​ ಮಾತ್ರವಲ್ಲ. ಫ್ಯಾನ್ಸ್​ ಪೇಜ್​ಗಳಿಗೂ ಮಿಲಿಯನ್​​ಗಟ್ಟಲೇ ಫಾಲೋವರ್ಸ್​ ಇದ್ದಾರೆ. ಹೀಗಾಗಿ ಸೋಷಿಯಲ್​ ಮೀಡಿಯಾಗಳಲ್ಲಂತೂ ಕೊಹ್ಲಿ ಸದಾ ಟಾಪಿಕ್​ ಆಗಿರ್ತಾರೆ. ಗೂಗಲ್​ನಲ್ಲೂ ಕೊಹ್ಲಿ ಹುಡುಕಾಟ ಜೋರಾಗಿ ನಡೆಯುತ್ತೆ. ಇಷ್ಟೆಲ್ಲಾ ಕ್ರೇಜ್​ ಇರೋದ್ರಿಂದಲೇ ಮಾರ್ಕೆಟಿಂಗ್ ಕಂಪನಿಗಳು ಇದೀಗ ಕೊಹ್ಲಿ ಇದ್ದಲ್ಲಿಗೆ ಹುಡುಕಿಕೊಂಡು ಹೋಗಿರೋದು.

ಇದನ್ನೂ ಓದಿ:ಗಾಯಕ್ವಾಡ್​​ಗೆ ಬಿಗ್ ಶಾಕ್; ಧೋನಿ ಶಿಷ್ಯನಿಗೆ ಗಾಳ ಹಾಕಿದ CSK, ಕ್ಯಾಪ್ಟನ್ಸಿ ಆಫರ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್