ಕೊಹ್ಲಿ ‘ನಿಗೂಢ ಸಂದೇಶ’ ಯಾರಿಗೆ? ಯಾಕೆ?

ಕೊಹ್ಲಿಗೆ ಕಾಡ್ತಿದ್ಯಾ ಭಯ, ಅನುಮಾನ, ಚಿಂತೆ?

WTC ಫೈನಲ್ ಬೆನ್ನಲ್ಲೇ ಹೆಚ್ಚಾದ ಅನುಮಾನ

ವಿಶ್ವ ಟೆಸ್ಟ್​​ ಚಾಂಪಿಯನ್​​ಶಿಪ್​ ಫೈನಲ್​ ಅಂತ್ಯದ ಬೆನ್ನಲ್ಲೇ, ಮತ್ತೆ ಟೀಮ್​ ಇಂಡಿಯಾದಲ್ಲಿ ಎಲ್ಲವೂ ಸರಿಯಿಲ್ವಾ ಅನ್ನೋ ಪ್ರಶ್ನೆ ಮತ್ತೆ ಹುಟ್ಟಿದೆ. ಈ ಬಗ್ಗೆ ಚರ್ಚೆಗಳು ಭುಗಿಲೆದ್ದಿವೆ. ವಿರಾಟ್​ ಕೊಹ್ಲಿಯ ನಿಗೂಢ ನಡೆಯೇ ಇದಕ್ಕೆಲ್ಲಾ ಕಾರಣವಾಗಿದೆ. ಅಷ್ಟಕ್ಕೂ ವಿರಾಟ್​ ಕೊಹ್ಲಿ ಮಾಡಿದ್ದೇನು ಅನ್ನೋದ್ರ ವಿವರ ಇಲ್ಲಿದೆ.

ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಫೈಟ್​ ಅಂತ್ಯ ಕಂಡು 2 ದಿನ ಆಯ್ತು. ಆದ್ರೂ ಈ ಸೋಲಿನ ಆಘಾತದಿಂದ ಭಾರತೀಯ ಕ್ರಿಕೆಟ್​ ಅಭಿಮಾನಿಗಳು ಇನ್ನೂ ಹೊರಬಂದಿಲ್ಲ. ಫೈನಲ್​ ಫೈಟ್​​ನಲ್ಲಿ ಟೀಮ್​ ಇಂಡಿಯಾ ಮುಗ್ಗರಿಸಿದ್ದಕ್ಕೆ ಸಾಲು ಸಾಲು ಕಾರಣಗಳಿವೆ. ಈ ಸೋಲಿಗೆ ಕಾರಣಗಳನ್ನು ಹುಡುಕೋದ್ರಲ್ಲಿ ಕ್ರಿಕೆಟ್​​ ಎಕ್ಸ್​​ಪರ್ಟ್ಸ್​​, ಮಾಜಿ ಕ್ರಿಕೆಟರ್ಸ್​​ ಬ್ಯುಸಿಯಾಗಿದ್ದಾರೆ. ಇದ್ರ ನಡುವೆಯೇ ಕ್ರಿಕೆಟ್​ ವಲಯದಲ್ಲಿ ಮತ್ತೊಂದು ಚರ್ಚೆ ಹುಟ್ಟಿದೆ. ಟೀಮ್​ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಎಲ್ಲವೂ ಸರಿಯಿಲ್ವಾ ಎಂಬ ಪ್ರಶ್ನೆ ಎಲ್ಲರನ್ನೂ ಕಾಡ್ತಿದೆ. ಇದಕ್ಕೆಲ್ಲಾ ಕಾರಣ ವಿರಾಟ್​ ಕೊಹ್ಲಿ.

ಟೀಮ್​ ಇಂಡಿಯಾ ಡ್ರೆಸ್ಸಿಂಗ್​ರೂಮ್​ನಲ್ಲಿ ಬಿರುಗಾಳಿ​​..?

ಟೆಸ್ಟ್​ ಚಾಂಪಿಯನ್​​ಶಿಪ್​ ಫೈನಲ್​ ಅಂತ್ಯದ ಬೆನ್ನಲ್ಲೇ ಟೀಮ್​ ಇಂಡಿಯಾ ಆಟಗಾರರ ಒಗ್ಗಟ್ಟಿನ ಬಗ್ಗೆ ಪ್ರಶ್ನೆ ಎದ್ದಿದೆ. ಟೀಮ್​ ಇಂಡಿಯಾದಲ್ಲಿ ಪ್ರತಿಷ್ಠೆಯ ಫೈಟ್​ ನಡೀತಿದೆ ಅನ್ನೋ ಸೀಕ್ರೆಟ್​ ಆಗೇನೂ ಉಳಿದಿಲ್ಲ. ಆದ್ರೂ ಕಳೆದ ಕೆಲ ವರ್ಷಗಳಿಂದಲೂ ಆಗಾಗ ಈ ಬಗ್ಗೆ ಚರ್ಚೆಯಾದಾಗಲೆಲ್ಲಾ, ಆಟಗಾರರು ಇದಕ್ಕೆ ತೇಪೆ ಹಚ್ಚೋ ಕೆಲಸ ಮಾಡ್ತಿದ್ದಾರೆ. ಒಂದಲ್ಲ ಒಂದು ವಿಷ್ಯದಲ್ಲಿ ಇದು ರಿವೀಲ್​ ಆಗ್ತಲೇ ಇರುತ್ತೆ. ಇದೀಗ ವಿರಾಟ್​ ಕೊಹ್ಲಿ ಹಾಕಿರೋ ಒಂದು ಪೋಸ್ಟ್​ ಮತ್ತೆ ಬಿರುಗಾಳಿ ಎಬ್ಬಿಸಿದೆ.

ಕೊಹ್ಲಿಯ ‘ನಿಗೂಢ ಸಂದೇಶ’ ಯಾರಿಗೆ? ಯಾಕೆ?

ಮೊದಲೆಲ್ಲಾ ಸೋಷಿಯಲ್​ ಮೀಡಿಯಾಗಳಿಂದ ಸಿಕ್ಕಾಪಟ್ಟೆ ದೂರ ಇದ್ದ ಕೊಹ್ಲಿ, ಕಮರ್ಷಿಯಲ್​ ಪೋಸ್ಟ್​ಗಳ ಮಾತ್ರ ಮಾಡ್ತಿದ್ರು. ಕಳೆದ ಕೆಲ ತಿಂಗಳಿಂದ ಕೊಹ್ಲಿ ನಡೆ ಬದಲಾಗಿದೆ. ಎಸ್ಪೆಷಲಿ ತಮ್ಮ ಇನ್ಸ್​​ಸ್ಟಾಗ್ರಾಂ ಖಾತೆಯಲ್ಲಿ ಹಲವು ಕೋಟ್​ಗಳನ್ನ ಹಾಕೋಕೆ ಶುರುವಿಟ್ಟುಕೊಂಡಿದ್ದಾರೆ. ಟೆಸ್ಟ್​ ಚಾಂಪಿಯನ್​ ಶಿಪ್​ ಸೋಲಿನ ಬಳಿಕವೂ ಒಂದು ಪೋಸ್ಟ್​ ಹಾಕಿದ್ದಾರೆ. ಅದೇ ವಿವಾದದ ಕೇಂದ್ರ ಬಿಂದುವಾಗಿರೋದು.

ಮೌನ ಬಲಿಷ್ಠ ಬಲದ ಮೂಲವಾಗಿದೆ.. ಇಷ್ಟೇ ಕೊಹ್ಲಿ ಹಾಕಿರೋ ಪೋಸ್ಟ್​ನ ಅರ್ಥ. ವಿಶ್ವ ಟೆಸ್ಟ್​​ ಚಾಂಪಿಯನ್​ಶಿಪ್​ ಸೋಲಿನ ಕಾರಣಕ್ಕೆ ಟೀಕೆಗಳು ವ್ಯಕ್ತವಾಗ್ತಿವೆ ಅದಕ್ಕೆ ಕೊಹ್ಲಿ ಈ ಪೋಸ್ಟ್​ ಹಾಕಿದ್ದಾರೆ ಎಂದು ನೀವು ಹೇಳ್ಬೋದು. ಪಂದ್ಯದ 4ನೇ ದಿನದಾಟದ ಅಂತ್ಯದ ಬಳಿಕ ಹಾಕಿದ್ದ ಸ್ಟೋರಿ ಬೇರೆನೆ ಕಥೆ ಹೇಳುತ್ತೆ.

ಪೈನಲ್​ ಪಂದ್ಯದ 2ನೇ ಇನ್ನಿಂಗ್ಸ್​ನ 4ನೇ ದಿನದಾಟದಲ್ಲಿ ವಿರಾಟ್​ ಕೊಹ್ಲಿ ಸಖತ್​ ಆಗಿ ಇನ್ನಿಂಗ್ಸ್​ ಕಟ್ಟಿದ್ರು. ಕಾನ್ಫಿಡೆಂಟ್​ ಆಗಿ ಬ್ಯಾಟಿಂಗ್​ ನಡೆಸ್ತಿದ್ದ ಕೊಹ್ಲಿ ದಿನದ ಅಂತ್ಯಕ್ಕೆ ಅರ್ಧಶತಕ ಸನಿಹ ಬಂದು ನಿಂತಿದ್ರು. ಕೊಹ್ಲಿ ಬ್ಯಾಟ್​ನಿಂದ ಇನ್ನೊಂದು ಸೆಂಚುರಿ ಫಿಕ್ಸ್​ ಎಂದು ಫ್ಯಾನ್ಸ್​ ಅಂದುಕೊಂಡಿದ್ರು. ಕೊಹ್ಲಿ ಅಷ್ಟು ಸಾಲಿಡ್​ ಆಗಿ ಬ್ಯಾಟಿಂಗ್​ ನಡೆಸ್ತಾ ಇದ್ರು. ಆದ್ರೆ ದಿನದಾಟ ಮುಗಿದಿದ್ದೇ ಮುಗಿದಿದ್ದು ಕೊಹ್ಲಿ ನಿಗೂಢ ಪೋಸ್ಟ್​ ಹಾಕಿ ಹಲ ಅನುಮಾನ ಹುಟ್ಟಿಸಿದ್ರು.
‘ಬಿಟ್ಟು ಬಿಡುವುದನ್ನ ಕಲಿಯಬೇಕಿದೆ’

‘ನಮಗೆ ಹಲವಾರು ಚಿಂತೆಗಳು, ಭಯಗಳು ಮತ್ತು ಅನುಮಾನಗಳು ಇದ್ದರೆ, ಅಲ್ಲಿ ಇರಲು ಅಥವಾ ಪ್ರೀತಿಸಲು ಅವಕಾಶವೇ ಇರಲ್ಲ. ಹೀಗಾಗಿ ನಾವು ಬಿಟ್ಟು ಬಿಡುವುದನ್ನ ಕಲಿಯಬೇಕಿದೆ’
ವಿರಾಟ್ ಕೊಹ್ಲಿ

ಡ್ರೆಸ್ಸಿಂಗ್​ ರೂಮ್​ನಲ್ಲಿ ಭಯ, ಅನುಮಾನ?

ಕೊಹ್ಲಿ 4ನೇ ದಿನದ ಅಂತ್ಯದಲ್ಲಿ ಹಾಕಿದ್ದ ಪೋಸ್ಟ್​ಗೂ, 5ನೇ ದಿನದಾಟದ ಅಂತ್ಯದ ಬಳಿಕ ಹಾಕಿದ ಪೋಸ್ಟ್​ಗೂ ಕನೆಕ್ಷನ್​​ ಇರೋದು ಪಕ್ಕಾ. ಹೀಗಾಗಿಯೇ ಈ ಸ್ಟೋರಿ ನೋಡಿರೋ ಫ್ಯಾನ್ಸ್​, ರೋಹಿತ್​ ಶರ್ಮಾ ಕಡೆಗೆ ಬೊಟ್ಟು ಮಾಡ್ತಿದ್ದಾರೆ. ಆನ್​ಫೀಲ್ಡ್​ ಹಾಗೂ ಆಫ್​ ಫೀಲ್ಡ್​​ನಲ್ಲಿ ಕೊಹ್ಲಿ-ರೋಹಿತ್​ ಸದಾ ಅಂತರ ಕಾಯ್ದುಕೊಂಡೆ ಇರ್ತಾರೆ. ಹೀಗಾಗಿಯೇ ಕೊಹ್ಲಿ ಹೇಳಿದಂತೆ ಟೀಮ್​ ಇಂಡಿಯಾದಲ್ಲಿ ಭಯ & ಅನುಮಾನದ ವಾತಾವರಣ ಇದ್ಯಾ ಎಂಬ ಪ್ರಶ್ನೆ ಹುಟ್ಟಿದೆ.

ಕೊಹ್ಲಿ ಸಲಹೆ ನೀಡಿದ್ರೆ ದಿವ್ಯ ನಿರ್ಲಕ್ಷ್ಯ?

ಈ ತೆರನಾದ ಒಂದು ಸುದ್ದಿಯೂ ಟೀಮ್​ ಕ್ಯಾಂಪ್​ನಿಂದ ಹೊರಬಿದ್ದಿದೆ. ಇದೇ ಕಾರಣಕ್ಕೆ ಸೋಲಿನ ಬಳಿಕ ಕೊಹ್ಲಿ ಸ್ಟೋರಿಗಳನ್ನ ಹಾಕಿದ್ದು ಎನ್ನಲಾಗ್ತಿದೆ. ಫೈನಲ್​ ಪಂದ್ಯದ ಆರಂಭಕ್ಕೂ ಮುನ್ನವೇ ಟೀಮ್​ ಸೆಲೆಕ್ಷನ್​ ವಿಚಾರದಲ್ಲಿ ಕೊಹ್ಲಿ ಬಹುಮುಖ್ಯ ಸಲಹೆ ನೀಡಿದ್ರಂತೆ. ಕ್ಯಾಪ್ಟನ್​-ಕೋಚ್​ ಇದನ್ನ ನಿರ್ಲ್ಯಕ್ಷಿಸಿದ್ರಂತೆ.. ಇದೇ ಕಾರಣಕ್ಕೆ ವಿರಾಟ್​ ಅಸಮಾಧಾನಗೊಂಡಿದ್ದಾರೆ ಅನ್ನೋದು ತಂಡದ ಮೂಲಗಳ ಮಾಹಿತಿಯಾಗಿದೆ.

ಈ ಹಿಂದಿನ ಫೀಲ್ಡಿಂಗ್​ ಕೋಚ್​ ಆರ್​.ಶ್ರೀಧರ್​​ ತಮ್ಮ ಆತ್ಮಕಥೆಯಲ್ಲೇ ಕೊಹ್ಲಿ vs ರೋಹಿತ್​ ನಡುವೆ ಪ್ರತಿಷ್ಠೆಯ ಫೈಟ್​ ಇದ್ದಿದ್ದನ್ನ ಬಿಚ್ಚಿಟ್ಟಿದ್ರು. ಇಷ್ಟು ದಿನ ಇದು ಬೂದಿ ಮುಚ್ಚಿದ ಕೆಂಡದಂತಿತ್ತು. ಇದೀಗ ಮತ್ತೆ ಮುನ್ನಲೆಗೆ ಬಂದಿದೆ. ಮುಂದೆ ಏನಾಗುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್