ಬಾಂಗ್ಲಾದೇಶದ ವಿರುದ್ಧ ಗೆದ್ದು ಬೀಗಿದ್ದ ಟೀಂ ಇಂಡಿಯಾ

ಅಂದು ಶತಕ ಸಿಡಿಸಿದ್ದ ಮಾಜಿ ಕ್ಯಾಪ್ಟನ್​​ ವಿರಾಟ್​ ಕೊಹ್ಲಿ

ಈ ಬಗ್ಗೆ ಕನ್ನಡಿಗ ರಾಹುಲ್​ ಬಿಚ್ಚಿಟ್ಟ ಅಸಲಿ ಸತ್ಯವೇನು..?

ಇತ್ತೀಚೆಗೆ ಬಾಂಗ್ಲಾದೇಶದ ವಿರುದ್ಧ ನಡೆದ ಐಸಿಸಿ ಏಕದಿನ ವಿಶ್ವಕಪ್​​ 4ನೇ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆದ್ದು ಬೀಗಿದೆ. ಬಾಂಗ್ಲಾದೇಶ ನೀಡಿದ ಗುರಿ ಬೆನ್ನತ್ತಿದ ಟೀಂ ಇಂಡಿಯಾದ ಪರ ಮಾಜಿ ಕ್ಯಾಪ್ಟನ್​​ ವಿರಾಟ್​ ಕೊಹ್ಲಿ ಶತಕ ಸಿಡಿಸಿ ತಂಡವನ್ನು ಗೆಲ್ಲಿಸಿದರು. ಆದರೀಗ, ಕೊಹ್ಲಿ ಸಿಡಿಸಿದ ಶತಕದ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿದೆ.

ಹೌದು, ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಭಾರತ ಪ್ರಚಂಡ ಗೆಲುವು ದಾಖಲಿಸಿದೆ. ಈ ಪಂದ್ಯದಲ್ಲಿ ಕಿಂಗ್​ ಕೊಹ್ಲಿ ಶತಕ ಸಿಡಿಸಿದ್ದು ವೈಯಕ್ತಿಕ ಮೈಲುಗಲ್ಲು ತುಲುಪು ಉದ್ದೇಶದಿಂದ ಅನ್ನೋ ಚರ್ಚೆ ನಡೆಯುತ್ತಿದೆ. ಪರ-ವಿರೋಧದ ಚರ್ಚೆ ಬೆನ್ನಲ್ಲೇ ಈ ವಿವಾದಕ್ಕೆ ಟೀಂ ಇಂಡಿಯಾದ ಸ್ಟಾರ್​ ವಿಕೆಟ್​ ಕೀಪರ್​ ಕೆ.ಎಲ್​​ ರಾಹುಲ್ ತೆರೆ ಎಳೆದಿದ್ದಾರೆ.

ಈ ಕುರಿತು ಮಾತಾಡಿದ ಕೆ.ಎಲ್​ ರಾಹುಲ್​​, ವಿರಾಟ್​ ನನ್ನ ಬಳಿಗೆ ಬಂದು ನೀನು ಸಿಂಗಲ್​ ತೆಗೆದುಕೋ. ನಾನು ಶತಕ ಬಾರಿಸಲು ಎಂದೇ ಸಿಂಗಲ್​ ಓಡುತ್ತಿಲ್ಲ ಎಂದು ಜನ ಕೆಟ್ಟದಾಗಿ ಮಾತಾಡುತ್ತಾರೆ. ಇದು ನನಗೆ ಸರಿ ಕಾಣಿಸುತ್ತಿಲ್ಲ ಎಂದಿದ್ದರು ಎಂದರು.

ನಾನೇ ಸಿಂಗಲ್​​ ಓಡಲ್ಲ ಅಂದೆ ಎಂದ ಕನ್ನಡಿಗ

ಇನ್ನು, ನಾನು ಆಗ ಸಿಂಗಲ್ ರನ್ ಓಡೋದನ್ನ ನಿರಾಕರಿಸಿದೆ. ಜತೆಗೆ ಜನ ಏನಾದ್ರೂ ಮಾತಾಡಿಕೊಳ್ಳಲಿ. ನಾವು ಈಗ ಜಯದ ಸನಿಹದಲ್ಲಿದ್ದೇವೆ. ಸೆಂಚುರಿ ಪೂರ್ಣಗೊಳಿಸಿ ಎಂದು ಹೇಳಿದೆ. ಅದಕ್ಕೆ ಕೊಹ್ಲಿ ಸೆಂಚೂರಿ ಬಾರಿಸಿದ್ದಾರೆ ಎಂದು ಕೆ.ಎಲ್​​ ರಾಹುಲ್​ ಅಸಲಿ ಸತ್ಯ ಬಿಚ್ಚಿಟ್ಟರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ