ಚೆಪಾಕ್​​​ ಟೆಸ್ಟ್​​ನಲ್ಲಿ ಕಿಂಗ್ ಕೊಹ್ಲಿ ಫ್ಲಾಪ್​ ಶೋ

ಬಾಂಗ್ಲಾ ಚಕ್ರವ್ಯೂಹಕ್ಕೆ ಸಿಲುಕಿ ಕೊಹ್ಲಿ ವಿಲವಿಲ

ಎಲ್ಲಿ ಹೋಯ್ತು ರನ್​​ ಮಷೀನ್​​​​​​​​ ಹಳೇ ಖದರ್​​..?

ಕಿಂಗ್ ಕೊಹ್ಲಿ ಅಂದ್ರೆ ಎದುರಾಳಿ ಪಡೆ ಬೆಚ್ಚಿಬೀಳುವ ಕಾಲ ಇತ್ತು. ಅಂತಹ ಎದುರಾಳಿ ತಂಡಗಳೇ ಈಗ ಕೊಹ್ಲಿಯನ್ನ ಸುಲಭವಾಗಿ ಖೆಡ್ಡಾಗೆ ಬೀಳಿಸ್ತಿವೆ. ಬಾಂಗ್ಲಾದೇಶದ ವಿರುದ್ಧ ವಿರಾಟ್​​​​​​​ ಅಟ್ಟರ್​​ ಫ್ಲಾಪ್​ ಶೋ ಕಂಟಿನ್ಯೂ ಆಗಿದೆ. ಜೊತೆಗೆ ತಾನೆಸಗಿದ ಮಹಾ ಪ್ರಮಾದಿಂದ ಎದುರಾಳಿಗೆ ವಿಕೆಟ್​​ ಗಿಫ್ಟ್​​​​​ ನೀಡಿ, ಫ್ಯಾನ್ಸ್ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಚೆಪಾಕ್​​​ ಟೆಸ್ಟ್​​ನಲ್ಲಿ ಕಿಂಗ್ ಕೊಹ್ಲಿ ಫ್ಲಾಪ್​ ಶೋ
ಚೆಪಾಕ್ ಟೆಸ್ಟ್​​ನಲ್ಲಿ ಟೀಮ್ ಇಂಡಿಯಾ ಪ್ರವಾಸಿ ಬಾಂಗ್ಲಾದೇಶ ತಂಡದ ವಿರುದ್ಧ ಕಂಪ್ಲೀಟ್​​ ಪಾರಮ್ಯ ಮೆರೆದಿದೆ. ಫಸ್ಟ್​​ ಡೇ ಆಲ್​ರೌಂಡರ್ಸ್​ ಆರ್ಭಟಿಸಿದ್ರೆ ಎರಡನೇ ದಿನ ಬೌಲರ್ಸ್​ ಬೆಂಕಿ ಉಗುಳಿದ್ರು. 308 ರನ್​​ ಮುನ್ನಡೆ ಗಳಿಸಿರೋ ರೋಹಿತ್ ಪಡೆ ಈಸಿಯಾಗಿ ಬಾಂಗ್ಲಾವನ್ನ ಬೇಟೆಯಾಡುವ ಹುಮ್ಮಸ್ಸಿನಲ್ಲಿದೆ. ಆದರೆ ಭಾರತ ಬೊಂಬಾಟ್​ ಪರ್ಫಾಮೆನ್ಸ್​ ನೀಡಿದ್ರೂ ಕಿಂಗ್ ಕೊಹ್ಲಿ ಮಾತ್ರ ಅಟ್ಟರ್ ಫ್ಲಾಪ್​​​ ಆಗಿದ್ದಾರೆ.

ಇದನ್ನೂ ಓದಿ:ಗಿಲ್, ಪಂತ್ ಜವಾಬ್ದಾರಿಯುತ ಶತಕ.. ಟೆಸ್ಟ್​ನಲ್ಲೂ ಬೌಂಡರಿ, ಸಿಕ್ಸರ್​ಗಳ ಸುರಿಮಳೆಗೈದ ಪಂತ್..!

ಮೊದಲ ಇನ್ನಿಂಗ್ಸ್​ಗೆ ಒಂದಂಕಿಗೆ ಕೊಹ್ಲಿ ಸುಸ್ತು
8 ತಿಂಗಳ ಬಳಿಕ ರೆಡ್​ಬಾಲ್ ಕ್ರಿಕೆಟ್​ಗೆ ಮರಳಿದ ಕಿಂಗ್ ಕೊಹ್ಲಿ ಮೇಲೆ ಬೆಟ್ಟದಷ್ಟು ನಿರೀಕ್ಷೆಗಳಿತ್ತು. ಅದನ್ನ ರನ್ ಮಷೀನ್ ಹುಸಿಯಾಗಿಸಿದ್ರು. ರೆಡ್​ ಸಾಡ್​ ಪಿಚ್​ನಲ್ಲಿ ಅಬ್ಬರಿಸಿ ತಂಡಕ್ಕೆ ಅಪತ್ಬಾಂಧವನಾಗಬೇಕಿದ್ದ ಕೊಹ್ಲಿ ಮೊದಲ ಇನ್ನಿಂಗ್ಸ್​ನಲ್ಲಿ ಬರೀ 6 ರನ್​ಗೆ ವಿಕೆಟ್​​​​ ಒಪ್ಪಿಸಿ ನಿರಾಸೆ ಮೂಡಿಸಿದ್ರು.

2ನೇ ಇನ್ನಿಂಗ್ಸ್​ನಲ್ಲಿ ಅದೇ ಕಥೆ..
ಮೊದಲ ಇನ್ನಿಂಗ್ಸ್​ನಲ್ಲಿ ಫೇಲ್ಯೂರ್​ ಆದ ಎರಡನೇ ಇನ್ನಿಂಗ್ಸ್​​ನಲ್ಲಿ ಅದೇ ಚಾಳಿ ಮುಂದವರಿಸಿದ್ರು. ಪಾಸಿಟಿವ್​ ಆಗಿ ಕಾಣಿಸ್ತಿದ್ದ ವಿರಾಟ್, 17 ರನ್​ ಗಳಿಸಿದ್ದಾಗ ಮೆಹಿದಿ ಹಸನ್ ಸ್ಪಿನ್​ ಬಲೆಗೆ ಬಿದ್ರು. ಇದರೊಂದಿಗೆ ಲ್ಯಾಂಗ್​​​​ಗ್ಯಾಪ್ ಬಳಿಕ ಬಿಗ್ ಇನ್ನಿಂಗ್ಸ್ ಕಟ್ಟುವ ಸುವರ್ಣ ಅವಕಾಶವನ್ನ ಕೈಚೆಲ್ಲಿದ್ರು.

ಬ್ಯಾಟ್​​​ ಎಡ್ಜ್​​​​ ಆಗಿದ್ರೂ DRS ತೆಗೆದುಕೊಳ್ಳದ ವಿರಾಟ್​
ಮೆಹಿದಿ ಹಸನ್​ಗೆ ಕೊಹ್ಲಿ LBW ಗೆ ಅಪೀಲ್ ಮಾಡಿದ್ದೇ ತಡ, ಅಂಪೈರ್ ಔಟ್​​​ ರಿಚರ್ಡ್ ಕೆಟಲ್ಬರೋ ಔಟ್​​​ ಎಂದು ತೀರ್ಪು ನೀಡಿದ್ರು. ಆದ್ರೆ ಅಸಲಿಗೆ ಕೊಹ್ಲಿ ಔಟಾಗಿರ್ಲೆ ಇಲ್ಲ. ಯಾಕಂದ್ರೆ ಅಲ್ಟ್ರಾಎಡ್ಜ್​ನಲ್ಲಿ ಚೆಂಡು ಮೊದಲು ಬ್ಯಾಟ್​​ಗೆ ತಾಗಿದ್ದು, ಕ್ಲಿಯರ್ ಆಗಿ ಕಾಣ್ತಿತ್ತು. ಆದ್ರೆ ಇದನ್ನ ಕೊಹ್ಲಿ ಜಡ್ಜ್​ ಮಾಡುವಲ್ಲಿ ಫೇಲಾದ್ರು.

ಇದನ್ನೂ ಓದಿ:ಆಕೆ ನನಗೆ ಚೆನ್ನಾಗಿ ಪರಿಚಯ- ಮಹಿಳೆಯ ಗಂಭೀರ ಆರೋಪಕ್ಕೆ ಟ್ವಿಸ್ಟ್ ಕೊಟ್ಟ ಮುನಿರತ್ನ

ಗಲಿಬಿಲಿಯಲ್ಲೆ ಹೊರನಡೆದ ಸಾಮ್ರಾಟ
ಆನ್​​ಫೀಲ್ಡ್​ನಲ್ಲಿ ಫುಲ್​ ಆ್ಯಕ್ಟಿವ್ ಆಗಿರುವ ಕೊಹ್ಲಿ ನಿನ್ನೆ ಮಾತ್ರ ತಮ್ಮ ಬ್ಯಾಟ್​ಗೆ ಬಾಲ್​ ತಾಗಿದೆ ಅನ್ನೋದನ್ನ ಜಡ್ಜ್ ಮಾಡ್ಲಿಲ್ಲ. ಇದಕ್ಕೆ ಕಾರಣ ರನ್​ ಬರ. ಈ ವರ್ಷಪೂರ್ತಿ ರೆಡ್​ಬಾಲ್​​​ ಕ್ರಿಕೆಟ್​ನಲ್ಲಿ ದಯನೀಯ ವೈಫಲ್ಯ ಕಂಡಿದ್ದಾರೆ. ಇದರ ಜೊತೆಗೆ ಲಂಡನ್​ನಿಂದ ನೇರವಾಗಿ ಭಾರತಕ್ಕೆ ಬಂದಿಳಿದು ಸರಿಯಾಗಿ ಅಭ್ಯಾಸ ನಡೆಸಲಿಲ್ಲ. ಹಾಗೇನೆ ಅಖಾಡಕ್ಕೆ ಧುಮುಕಿದ್ರು. ಈ ಎರಡು ಕಾರಣದಿಂದ ಗಲಿಬಿಲಿ ಆದ ಕೊಹ್ಲಿ ಡಿಆರ್​​ಎಸ್​ ತೆಗೆದುಕೊಳ್ಳುವ ಅವಕಾಶವಿದ್ರೂ ಹಿಂದೆ ಮುಂದೆ ಯೋಚಿಸದೇ ಔಟ್ ಎಂದು ಭಾವಿಸಿ ಹೊರನಡೆದ್ರು.

2024ರಲ್ಲಿ ಕಿಂಗ್ ಕೊಹ್ಲಿ ಅತಿ ಕೆಟ್ಟ ಪ್ರದರ್ಶನ
ಪ್ರಸಕ್ತ ಬಾಂಗ್ಲಾ ಟೆಸ್ಟ್​ ಸರಣಿ ಅಷ್ಟೇ ಅಲ್ಲ. ಈ ವರ್ಷದುದ್ದಕ್ಕೂ ವಿರಾಟ್​​​​​​​ ಕೆಟ್ಟ ಪ್ರದರ್ಶನ ನೀಡಿದ್ದಾರೆ. 2024 ರ ಟಿ20 ವಿಶ್ವಕಪ್ ಫೈನಲ್​ ಪಂದ್ಯದ ಅರ್ಧಶತಕ ಹೊರತುಪಡಿಸಿದ್ರೆ , ಮೂರು ಫಾರ್ಮೆಟ್​ನಲ್ಲಿ ದಯನೀಯ ವೈಫಲ್ಯ ಕಂಡಿದ್ದಾರೆ. 17 ಇನ್ನಿಂಗ್ಸ್​​​​​​ಗಳಿಂದ 18.76 ರ ಎವರೇಜ್​ನಲ್ಲಿ ಬರೀ 319 ರನ್ನಷ್ಟೇ ಗಳಿಸಿದ್ದಾರೆ. ಇದು ಅವರ ವೃತ್ತಿ ಜೀವನದ ಅತಿ ಕೆಟ್ಟ ಪ್ರದರ್ಶನವಾಗಿದೆ. ಕಿಂಗ್ ಕೊಹ್ಲಿ ಫಾರ್ಮ್​ ಭಾರತಕ್ಕೆ ತುಂಬಾನೇ ಮುಖ್ಯ. ಚೆಪಾಕ್​​​ನಲ್ಲಿ ಸೈಲೆಂಟಾದ ವಿರಾಟ್​​ ಕಾನ್ಪುರ ಟೆಸ್ಟ್​​ನಲ್ಲಾದ್ರು ವಿಜೃಂಭಿಸ್ತಾರಾ ? ಇಲ್ಲ ಎರಡನೇ ಟೆಸ್ಟ್​​ನಲ್ಲೂ ಕೊಹ್ಲಿ ಬ್ಯಾಟ್​ ಸೈಲೆಂಟಾಗುತ್ತಾ ಅನ್ನೋದನ್ನ ಕಾದು ನೋಡೋಣ.

ಇದನ್ನೂ ಓದಿ:ಬೂಮ್ರಾ ಔಟ್, ಕಿಶನ್ ಇನ್! KL ರಾಹುಲ್​​ಗೆ ಇಲ್ಲ ಸ್ಥಾನ? 2ನೇ ಟೆಸ್ಟ್​ಗೆ ಸಂಭಾವ್ಯ ತಂಡ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ