2022ರ T20 ವಿಶ್ವಕಪ್​​ನಲ್ಲಿ ಪಾಕ್ ಸೊಕ್ಕಡಗಿಸಿದ್ದ ಕೊಹ್ಲಿ

ಪ್ರಚಂಡ ಫಾರ್ಮ್​ನಲ್ಲಿ ಕೊಹ್ಲಿ ..ಪಾಕ್ ಸಂಹಾರಕ್ಕೆ ಕಾತರ

ಸೆಪ್ಟೆಂಬರ್​​ 2ಕ್ಕೆ ಬದ್ಧವೈರಿ ಇಂಡೋ-ಪಾಕ್​ ಫೈಟ್

ಕಿಂಗ್​ ಕೊಹ್ಲಿಗೆ ಎದುರಾಳಿ ಯಾರು ಅನ್ನೋದೆ ಮ್ಯಾಟರ್ ಆಗಲ್ಲ. ಅದರಲ್ಲೂ ಬದ್ಧವೈರಿ ಪಾಕಿಸ್ತಾನ ಅಂದ್ರಂತೂ ಮುಗಿದೇ ಹೋಯ್ತು. ಪಾಕ್​ ಸಂಹರಿಸದೇ ವಾಪಾಸ್ಸು ಹೋಗಲ್ಲ. ಸೆಂಚುರಿ ಸರದಾರನ ಈ ಡೆಡ್ಲಿ ಬ್ಯಾಟಿಂಗ್​​ ಸದ್ಯ ಪಾಕ್​​​ಗೆ ನಡುಕ ಹುಟ್ಟಿಸಿದೆ.

ಐರ್ಲೆಂಡ್ ಸರಣಿ ಮುಗಿಸಿದ ಟೀಮ್ ಇಂಡಿಯಾ ನೇರವಾಗಿ ಏಷ್ಯಾಕಪ್​​​​​​ ಅಖಾಡಕ್ಕೆ ಧುಮುಕಲಿದೆ. ಬದ್ಧವೈರಿ ಪಾಕಿಸ್ತಾನದ ಎದುರು ಅಭಿಯಾನ ಆರಂಭಿಸಲಿದ್ದು, ಪಂದ್ಯದ ಬಗ್ಗೆ ಸಾಕಷ್ಟು ಹೈಪ್ ಕ್ರಿಯೇಟ್ ಆಗಿದೆ. ಯಾಕಂದ್ರೆ ಈ ಟೂರ್ನಿಯಲ್ಲಿ ಒಂದಲ್ಲ, ಎರಡಲ್ಲ, ಮೂರು ಬಾರಿ ಇಂಡೋ – ಪಾಕ್​ ಮುಖಾಮುಖಿಯಾಗೋ ಸಾಧ್ಯತೆಯಿದೆ. ಲೀಗ್​ ಹಂತ ಒಂದಾದ್ರೆ, ಸೂಪರ್​ – 4ನಲ್ಲಿ ಇನ್ನೊಮ್ಮೆ, ಇನ್ನು ಕ್ರಿಕೆಟ್​​​ ಕಾ ದುಷ್ಮನ್ಸ್​ ಫೈನಲ್​​​​​​​​​ ಆಡಿದ್ರೆ ಟೂರ್ನಿಯಲ್ಲಿ ಮೂರು ಬಾರಿ ಮುಖಾಮುಖಿಯಾಗಲಿವೆ.

ನಿದ್ದೆಯಲ್ಲೂ ಕೊಹ್ಲಿ ಹೆಸರನ್ನೇ ಕನವರಿಸ್ತಿರೋದ್ಯಾಕೆ ಪಾಕ್​​..?

ಸೆಪ್ಟೆಂಬರ್​​ 2ರಂದು ಹೈವೋಲ್ಟೇಜ್​​​ ಇಂಡೋ-ಪಾಕ್​​ ಪಂದ್ಯ ಕಣ್ತುಂಬಿಕೊಳ್ಳಲು ಕ್ರಿಕೆಟ್ ಜಗತ್ತು ಕಾಯ್ತಿದೆ. ಪಂದ್ಯಕ್ಕಿಂತ ಹೆಚ್ಚಾಗಿ ವಿರಾಟ್ ಕೊಹ್ಲಿ ಮೇಲೆ ವಿಶ್ವದ ಕಣ್ಣು ನೆಟ್ಟಿದೆ. ಈ ಮಹಾಸಮರ ಟೀಮ್ ಇಂಡಿಯಾ ವರ್ಸಸ್​ ಪಾಕಿಸ್ತಾನ ಅಂತ ಕರೆಯುವ ಬದಲು ಕಿಂಗ್ ಕೊಹ್ಲಿ ವರ್ಸಸ್​ ಪಾಕ್ ದಂಗಲ್ ಎಂದೇ ಬಿಂಬಿತವಾಗಿದೆ. ಯಾಕಂದ್ರೆ ಪಾಕ್​ ವಿರುದ್ಧ ಕೊಹ್ಲಿ ಫೆಂಟಾಸ್ಟಿಂಗ್ ರೆಕಾರ್ಡ್​ ಹೊಂದಿದ್ದಾರೆ. ಕೊಹ್ಲಿಯ ಈ ಸಾಲಿಡ್​​​​ ಫಾರ್ಮ್​ ಬಾಬರ್ ಅಝಂ​​​​​ ಪಡೆಯ ನಿದ್ದೆಗೆಡಿಸಿದೆ.

ಏಕದಿನ ಮಾದರಿಯಲ್ಲಿ ಪಾಕ್ ವಿರುದ್ಧ ಕೊಹ್ಲಿ
ಪಂದ್ಯ – 13
ರನ್​ – 536
ಎವರೇಜ್​ – 48.72
100/50 – 2/2

ಕೊಹ್ಲಿ ಪಾಕ್​ ವಿರುದ್ಧ ಈವರೆಗೆ ಒಟ್ಟು 13 ಏಕದಿನ ಪಂದ್ಯಗಳನ್ನ ಆಡಿದ್ದಾರೆ. 48.72 ರ ಬ್ಯಾಟಿಂಗ್​ ಎವರೇಜ್​​ನಲ್ಲಿ 536 ರನ್​ ಬಾರಿಸಿದ್ದಾರೆ. ತಲಾ ಎರಡು ಶತಕ ಹಾಗೂ ಎರಡು ಹಾಫ್​​ಸೆಂಚುರಿ ಮೂಡಿಬಂದಿವೆ.

ಇನ್ನು ಬರೀ ಒನ್ಡೇಯಷ್ಟೇ ಅಲ್ಲ, ಟಿ20 ಮಾದರಿಯಲ್ಲೂ ಕಿಂಗ್ ಕೊಹ್ಲಿ ಪಾಕ್​ ವಿರುದ್ಧ ನರಸಿಂಹನ ಉಗ್ರರೂಪವನ್ನೇ ತಾಳಿದ್ದಾರೆ. ಆ ಬ್ಯಾಟಿಂಗ್​​​ ಖದರ್​​​​​​​​​​​​​​​​ನ ನೀವೆ ನೋಡಿ.

ಟಿ20 ಮಾದರಿಯಲ್ಲಿ ಪಾಕ್ ವಿರುದ್ಧ ಕೊಹ್ಲಿ

ಪಂದ್ಯ – 10
ರನ್​ – 488
ಎವರೇಜ್​ – 81.33
100/50 – 0/5

ಪಾಕಿಸ್ತಾನ ವಿರುದ್ಧ ಆಡಿದ 10 ಟಿ20 ಪಂದ್ಯಗಳಿಂದ 81.33ರ ಬ್ಯಾಟಿಂಗ್ ಎವರೇಜ್​​​ನಲ್ಲಿ ಬರೋಬ್ಬರಿ 488 ರನ್​​ ಕೊಳ್ಳೆ ಹೊಡೆದಿದ್ದಾರೆ. ಇದ್ರಲ್ಲಿ 5 ಹಾಫ್​ಸೆಂಚುರಿ ಹೊಡೆದಿದ್ದಾರೆ.

ಬಿಗ್ ಟೂರ್ನಮೆಂಟ್​ಗಳಲ್ಲಿ ಕೊಹ್ಲಿಯೇ ಬಿಗ್ ಥ್ರೆಟ್​​​​.!

ಬಿಗ್ ಟೂರ್ನಾಮೆಂಟ್​ಗಳಲ್ಲಿ ಕೊಹ್ಲಿ ಬಿಗ್​ ಥ್ರೆಟ್​​​. ಆದ್ರಲ್ಲೂ ಪಾಕ್​​ ಅಂದ್ರಂತೂ ಮತ್ತಷ್ಟು ವೈಲೆಂಟ್ ಆಗ್ತಾರೆ. ಇದಕ್ಕೆ 2022ರ ಟಿ20 ವಿಶ್ವಕಪ್​​ ಪಂದ್ಯವೇ ಸಾಕ್ಷಿ. ಗ್ರೂಪ್​ ಸ್ಟೇಜ್​ ಮ್ಯಾಚ್​ನಲ್ಲಿ ಪಾಕ್​ ಭಾರತ ವಿರುದ್ಧ ಗೆದ್ದೆ ಬಿಟ್ಟೆವು ಅನ್ನೋ ಓವರ್ ಕಾನ್ಫಿಡೆಂಟ್​​ನಲ್ಲಿತ್ತು. ಆದ್ರೆ ಕೊಹ್ಲಿ ಸಿಂಹಘರ್ಜನೆ ನಡೆಸಿ ಪಾಕ್​ ಗೆಲುವಿಗೆ ಕೊಳ್ಳಿಯಿಟ್ಟಿದ್ರು. 53 ಎಸೆತಗಳಲ್ಲಿ ಸಿಡಿಲಬ್ಬರದ 82 ರನ್ ಸಿಡಿಸಿ ಏಕಾಂಗಿಯಾಗಿ ಪಂದ್ಯ ಗೆಲ್ಲಿಸಿಕೊಟ್ಟಿದ್ರು.

ಪ್ರಚಂಡ ಫಾರ್ಮ್​ನಲ್ಲಿ ಕೊಹ್ಲಿ ..ಪಾಕ್ ಸಂಹಾರಕ್ಕೆ ಕಾತರ..

ಪಾಕ್​ ವಿರುದ್ಧ ಅವಕಾಶ ಸಿಕ್ಕಾಗಲೆಲ್ಲಾ ಕೊಹ್ಲಿ ಅಕ್ಷರಶಃ ಅಬ್ಬರಿಸಿ ಬೊಬ್ಬಿರಿದ್ದಾರೆ. ಈ ವ ರ್ಷವಂತೂ ಪ್ರಚಂಡ ಫಾರ್ಮ್​ನಲ್ಲಿದ್ದು ಆಡಿದ 9 ಇನ್ನಿಂಗ್ಸ್​ಗಳಿಂದ 427 ರನ್​​​​​​​​ ಚಚ್ಚಿದ್ದಾರೆ. ಕೊಹ್ಲಿಯ ಈ ಹಾಟ್​​​ಫಾರ್ಮ್​ ಸದ್ಯ ಪಾಕಿಸ್ತಾನಕ್ಕೆ ನಡುಕ ಹುಟ್ಟಿಸಿದೆ. ಒಂದು ವೇಳೆ ಮಾಡ್ರನ್ ಕ್ರಿಕೆಟ್ ದೊರೆ ಏಷ್ಯಾಕಪ್​​​​​ ಟೂರ್ನಿಯಲ್ಲೂ ಇದೇ ರಗಢ್​​ ಫಾರ್ಮ್​ ಕಂಟಿನ್ಯೂ ಮಾಡಿದ್ರೆ ಪಾಕ್​​​ ಉಡೀಸ್​ ಆಗೋದು ಗ್ಯಾರಂಟಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ