ಎಡಗೈ ವೇಗಿಗಳೆ ಕೊಹ್ಲಿ ಪಾಲಿಗೆ ವಿಲನ್ಸ್​.!

ಯಾಮಾರಿದ್ರೆ ವಿರಾಟ್​​ ಟೆಸ್ಟ್​ ಕರಿಯರ್​ ಖತಂ.!

ಹಿಂದೆ ಮಾಡಿದ ತಪ್ಪಿನಿಂದ ಪಾಠ ಕಲಿತಿಲ್ವಾ.?

ಇಂಡೋ – ವಿಂಡೀಸ್​​ ಟೆಸ್ಟ್​ ಸರಣಿ ಆರಂಭಕ್ಕೆ ಕೌಂಟ್​ಡೌನ್​ ಸ್ಟಾರ್ಟ್​ ಆಗಿದೆ. ಸತತ ಕ್ರಿಕೆಟ್​ನಿಂದ​ ಬಳಲಿದ್ದ ಆಟಗಾರರು ಒಂದು ತಿಂಗಳ ಅಂತರದ ಬಳಿಕ ಮೈದಾನಕ್ಕೆ ಮರಳಲು ಸಜ್ಜಾಗಿದ್ದಾರೆ. ಆಟಗಾರರ ಮೇಲೆ ನಿರೀಕ್ಷೆಯೂ ಅಭಿಮಾನಿಗಳ ವಲಯದಲ್ಲಿ ದುಪ್ಪಟ್ಟಿದೆ. ಅದರಲ್ಲೂ ವಿರಾಟ್​ ಕೊಹ್ಲಿಯಂತೂ ಅಬ್ಬರಿಸ್ತಾರೆ, ಸೆಂಚುರಿ ಸಿಡಿಸ್ತಾರೆ ಅಂತಾ ಫ್ಯಾನ್ಸ್​​ ಫಿಕ್ಸ್​ ಆಗ್ಬಿಟ್ಟಿದ್ದಾರೆ.

3 ವರ್ಷಗಳ ಕಾಲ ಫಾರ್ಮ್​ ಸಮಸ್ಯೆ ಎದುರಿಸಿದ್ದ ವಿರಾಟ್​ ಕೊಹ್ಲಿ, ಕ್ರಿಕೆಟ್​ನಿಂದ ಗ್ಯಾಪ್​ ತೆಗೆದುಕೊಂಡು ಕಣಕ್ಕಿಳಿದ ಬಳಿಕ ಸೆಂಚೂರಿ ಬರಕ್ಕೆ ಬ್ರೇಕ್​ ಹಾಕಿದ್ರು. ಈಗಲೂ ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ ಅಂತ್ಯದ ಬಳಿಕ ಮೈದಾನದಿಂದ ಹೊರಗುಳಿದಿದ್ದ ಕೊಹ್ಲಿ, ಕಮ್​ಬ್ಯಾಕ್​ಗೆ ಸಜ್ಜಾಗಿದ್ದಾರೆ. ಫುಲ್​ ಫ್ರೆಶ್​​ ಮೂಡ್​ ಧಮಾಕಾ ಸೃಷ್ಟಿಸ್ತಾರೆ ಅನ್ನೋದು ಫ್ಯಾನ್ಸ್​ ನಂಬಿಕೆಯಾಗಿದೆ. ಆದ್ರೆ, ನಂಬಿಕೆ ಹುಸಿಯಾಗೋ ಸಾಧ್ಯತೆಯೆ ಜಾಸ್ತಿಯಿದೆ.

ಅಭ್ಯಾಸದಲ್ಲೇ ತಡವರಿಸಿದ ವಿರಾಟ್​​ ಕೊಹ್ಲಿ

ಕೆಲವೇ ದಿನಗಳಲ್ಲಿ ಆರಂಭವಾಗಲಿರುವ ವೆಸ್ಟ್​ ಇಂಡೀಸ್​ ವಿರುದ್ಧದ ಟೆಸ್ಟ್​ ಸರಣಿಗೆ ಟೀಮ್​ ಇಂಡಿಯಾದ ಸಿದ್ಧತೆ ಜೋರಾಗಿದೆ. ಕೆರಬಿಯನ್​ ನಾಡಲ್ಲಿ ನೆಟ್ಸ್​​ನಲ್ಲಿ ಬೆವರಿಳಿಸಿರೋ ಟೀಮ್​ ಇಂಡಿಯನ್ಸ್​ ಸದ್ಯ ಅಭ್ಯಾಸ ಪಂದ್ಯವನ್ನಾಡ್ತಿದ್ದಾರೆ. ಈ ಮೊದಲ ಅಭ್ಯಾಸದಲ್ಲೇ ಕಿಂಗ್​ ಕೊಹ್ಲಿ ವೀಕ್​ನೆಸ್​​ ಎಕ್ಸ್​​ಪೋಸ್​​ ಆಗಿದೆ.

ಅಭ್ಯಾಸ ಪಂದ್ಯದಲ್ಲಿ ಕಿಂಗ್​ ಕೊಹ್ಲಿ ಪೆವಿಲಿಯನ್​ಗೆ ಮರಳಿದ ಪರಿಯಿದು. ಲೆಫ್ಟ್​ ಆರ್ಮ್​ ಪೇಸರ್​​ ಜಯದೇವ್​ ಉನಾದ್ಕತ್​​ ಹಾಕಿದ ಔಟ್​ ಸೈಡ್​ ಆಫ್​ ಸ್ಟಂಪ್​ ಎಸೆತವನ್ನ ಸುಮ್ಮನಿರಲಾರದೇ ಕೆಣಕಿದ ಕೊಹ್ಲಿ, ಸ್ಲಿಪ್​ನಲ್ಲಿದ್ದ ಫೀಲ್ಡರ್​​ಗೆ ಕ್ಯಾಚ್​ ನೀಡಿ ನಿರ್ಗಮಿಸಿದ್ರು. ಇದನ್ನ ನೋಡಿದ ಮೇಲೇ ಹಲವು ಪ್ರಶ್ನೆಗಳು ಹುಟ್ಟಿರೋದು.

Virat kohli is dismissed to unadkat in the practice match. pic.twitter.com/GNGKzrRpyd

— MOHIT SHUKLA (@MohitShukla1030) July 5, 2023

ಹಿಂದೆ ಮಾಡಿದ ತಪ್ಪಿನಿಂದ ಪಾಠ ಕಲಿತಿಲ್ವಾ.?

ಕೊಹ್ಲಿಯ ಈ ಸಮಸ್ಯೆ ನಿನ್ನೆ ಮೊನ್ನೆಯದಲ್ಲ. ಕಳೆದ ಕೆಲ ವರ್ಷದ ಸಮಸ್ಯೆಯಿದು. ಆಫ್​ ಸ್ಟಂಪ್​ ಲೈನ್​ನಲ್ಲಿ ಬಾಲ್​ ಬಂದ್ರೆ ಸಾಕು ಸುಮ್ಮನಿರಲಾರದೇ ಕೆಣಕ್ತಿದ್ದಾರೆ. ಕವರ್​ ಡ್ರೈವ್​ ಹೊಡೆಯೋಕೆ ಹೋಗಿ ಹಲವು ಬಾರಿ ಔಟ್​​ ಆಗಿದ್ದರ ಉದಾಹರಣೆ ಸಿಕ್ಕಾಪಟ್ಟೆಯಿದೆ. ಹೀಗಾಗಿ ಈ ಹಿಂದೆ ಮಾಡಿದ ತಪ್ಪುಗಳಿಂದ ವಿರಾಟ್​​ ಪಾಠ ಕಲಿತಿಲ್ವಾ? ಅನ್ನೋ ಪ್ರಶ್ನೆ ಹುಟ್ಟಿದೆ.

ಎಡಗೈ ವೇಗಿಗಳೆ ಕೊಹ್ಲಿ ಪಾಲಿಗೆ ವಿಲನ್ಸ್​.!

ವಿರಾಟ್​ ಕೊಹ್ಲಿಯನ್ನ ಎಡಗೈ ವೇಗಿಗಳು ಬೆಂಬಿಡದೆ ಕಾಡ್ತಿದ್ದಾರೆ. ಅಭ್ಯಾಸ ಪಂದ್ಯದಲ್ಲಿ ಹೇಗೆ ಔಟ್​ ಆದ್ರೋ ಹಾಗೆ ಸೇಮ್​ ಟು ಸೇಮ್​ ಹಲವು ಬಾರಿ ವಿಕೆಟ್​ ಒಪ್ಪಿಸಿದ್ದಾರೆ. 56 ಟೆಸ್ಟ್​ ಇನ್ನಿಂಗ್ಸ್​​ಗಳಲ್ಲಿ ಎಡಗೈ ವೇಗಿಗಳನ್ನ ಎದುರಿಸಿರೋ ಕೊಹ್ಲಿ, 16 ಬಾರಿ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ ಸೇರಿದ್ದಾರೆ.

ಯಾಮಾರಿದ್ರೆ ಟೆಸ್ಟ್​ ಕರಿಯರ್​ ಖತಂ.!

ಈಗಾಗಲೇ ವಿರಾಟ್​ ಕೊಹ್ಲಿ ಟಿ20 ಕರಿಯರ್​ ಬಹುತೇಕ ಖತಂ ಆಗಿದೆ. ಕಳೆದ ಟಿ20 ವಿಶ್ವಕಪ್​ ಬಳಿಕ ಯಾವ ಟಿ20 ಸರಣಿಗೂ ಕೊಹ್ಲಿ ಸೆಲೆಕ್ಟ್​​ ಆಗಿಲ್ಲ. ಈಗ ಮಾಡ್ತಿರೋ ತಪ್ಪಿಂದ ಪಾಠ ಕಲೀದಿದ್ರೆ, ಟೆಸ್ಟ್​ ಸ್ಥಾನಕ್ಕೂ ಕುತ್ತು ಬರಲಿದೆ. ಈಗಾಗಲೇ ಕೊಹ್ಲಿಯನ್ನ ರಿಪ್ಲೇಸ್​ ಮಾಡೋಕೆ ಟ್ಯಾಲೆಂಟೆಡ್​​ ಯಂಗ್​ಸ್ಟರ್ಸ್ ಕಾದು ಕುಳಿತಿದ್ದಾರೆ. ಬಿಸಿಸಿಐ & ಸೆಲೆಕ್ಷನ್​ ಕಮಿಟಿ ಕೂಡ ಅನುಭವಿಗಳಿಗಿಂತ ಯುವ ಆಟಗಾರರಿಗೆ ಹೆಚ್ಚಿನ ಆದ್ಯತೆ ನೀಡ್ತಿದೆ.

ಒಟ್ಟಿನಲ್ಲಿ, ವಿರಾಟ್​ ಕೊಹ್ಲಿ ಮಾಡ್ರನ್​ ಕ್ರಿಕೆಟ್​ ಲೋಕದ ಲೆಜೆಂಡ್​ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಅಸಾದ್ಯವಾದುದನ್ನ ಸುಲಭಕ್ಕೆ ಸಾಧಿಸಿರುವ ಕೊಹ್ಲಿಯ ಟ್ರ್ಯಾಕ್​ ರೆಕಾರ್ಡ್​ ಇದನ್ನ ಸಾರಿ ಸಾರಿ ಹೇಳುತ್ತೆ. ಆದ್ರೆ, ತಪ್ಪುಗಳನ್ನ ಸರಿಪಡಿಸಿಕೊಳ್ಳದೆ ಇರೋದು ಎಷ್ಟು ಸರಿ.? ಪಂದ್ಯದಿಂದ ಪಂದ್ಯಕ್ಕೆ ವೀಕ್​ನೆಸ್​ನ ಓವರ್​ಕಮ್​ ಮಾಡಬೇಕು. ಆದ್ರೆ, ಕೊಹ್ಲಿ ಮತ್ತದೇ ತಪ್ಪನ್ನೇ ಮಾಡ್ತಿದ್ದಾರೆ. ಇದೀಗ ಅಭ್ಯಾಸ ಪಂದ್ಯದಲ್ಲಾದ ತಪ್ಪನ್ನ ಅಸಲಿ ಕದನದಲ್ಲಾದ್ರೂ ಕೊಹ್ಲಿ ತಿದ್ದಿಕೊಳ್ತಾರಾ.? ಕಾದು ನೋಡೋಣ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ