49ನೇ ಶತಕ ಸಿಡಿಸಿ ಸಚಿನ್​ ದಾಖಲೆ ಸರಿಗಟ್ಟಿದ ಕೊಹ್ಲಿ

ಕೊಹ್ಲಿ ಶತಕದ ಬಗ್ಗೆ ಕೇಳಿದ್ದಕ್ಕೆ ಉರ್ಕೊಂಡ ಮೆಂಡೀಸ್​​

ಶ್ರೀಲಂಕಾ ಕ್ಯಾಪ್ಟನ್​ ಕುಸಲ್​ ಮೆಂಡೀಸ್​ ಹೇಳಿದ್ದೇನು..?

ಇತ್ತೀಚೆಗೆ ಕೋಲ್ಕತ್ತಾದ ಈಡನ್​ ಗಾರ್ಡನ್​​ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಸೌತ್​ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆದ್ದಿದ್ದಕ್ಕಿಂತ ವಿರಾಟ ಕೊಹ್ಲಿಯ ವೀರಾವೇಷವೇ ಸೆನ್ಸೇಷನ್​ ಸೃಷ್ಟಿಸಿದೆ. ಎಲ್ಲರೂ ಅಸಾಧ್ಯ ಎಂದಿದ್ದ ದಾಖಲೆಯನ್ನು 35ನೇ ವಸಂತಕ್ಕೆ ಕಾಲಿಟ್ಟ ದಿನವೇ ಕಿಂಗ್​ ಕೊಹ್ಲಿ, ಸರಿಗಟ್ಟಿದ ರೀತಿ ಹಾಗಿತ್ತು. ಕ್ರಿಕೆಟ್​ ಕಾಶಿಯಲ್ಲಿ ಕಿಂಗ್​ ಕೊಹ್ಲಿ ಕಟ್ಟಿದ್ದು ಅಂತಾ ಕ್ಲಾಸಿಕ್​ ಇನ್ನಿಂಗ್ಸ್​.

ರಾಜಗಾಂಭೀರ್ಯದಲ್ಲಿ ಕಣಕ್ಕಿಳಿದ ಕಿಂಗ್​ ಕೊಹ್ಲಿಯ ಎಂಟ್ರಿಯೇ ಹರಿಣಗಳ ಪಡೆಯಲ್ಲಿ ನಡುಕ ಹುಟ್ಟಿಸಿತ್ತು. ಆರಂಭದಲ್ಲೇ ಆರ್ಭಟಿಸಲು ಶುರುವಿಟ್ಟುಕೊಳ್ತಿದ್ದಂತೆ, ಫ್ಯಾನ್ಸ್​ ವಲಯದಲ್ಲಿ ಸೆಂಚುರಿ ಇನ್ನಿಂಗ್ಸ್​ ಪಕ್ಕಾ ಆಗಿತ್ತು. ಅಷ್ಟು ಪರ್ಫೆಕ್ಟ್​ ಆಗಿ ಇನ್ನಿಂಗ್ಸ್​​ ಸ್ಟಾರ್ಟ್​ ಮಾಡಿದ್ರು ವಿರಾಟ್​.

ಸೌತ್​ ಆಫ್ರಿಕಾದ ದಮನಕಾರಿ ಬೌಲಿಂಗ್​ ದಾಳಿಯನ್ನ ದಿಟ್ಟವಾಗಿ ಎದುರಿಸಿದ ಕೊಹ್ಲಿ 205 ನಿಮಿಷಗಳ ಕಾಲ ಕ್ರೀಸ್​ ಕಚ್ಚಿ ನಿಂತಿದ್ರು. 121 ಎಸೆತವನ್ನ ಸಮರ್ಥವಾಗಿ ಎದುರಿಸಿ, 10 ಬೌಂಡರಿ ಸಹಿತ 101 ರನ್​ ಚಚ್ಚಿ ಅಜೇಯರಾಗುಳಿದ್ರು.

ಹೊಟ್ಟೆ ಉರ್ಕೊಂಡ ಶ್ರೀಲಂಕಾ ಕ್ಯಾಪ್ಟನ್​​..!

ಇನ್ನು, ಕೊಹ್ಲಿ 49ನೇ ಶತಕ ಸಿಡಿಸೋ ಮೂಲಕ ಸಚಿನ್​​ ತೆಂಡೂಲ್ಕರ್​ ದಾಖಲೆ ಸರಿಗಟ್ಟಿದ್ರು. ಈ ಬಗ್ಗೆ ಶ್ರೀಲಂಕಾದ ಕ್ಯಾಪ್ಟನ್​​ ಕುಸಲ್​ ಮೆಂಡೀಸ್​ಗೆ, ಕೊಹ್ಲಿ ವಿಶ್ವದಾಖಲೆ ಶತಕದ ಬಗ್ಗೆ ನೀವೇನು ಹೇಳಲು ಬಯಸುತ್ತೀರಿ? ಎಂದು ಜರ್ನಲಿಸ್ಟ್​ ಒಬ್ಬರು ಪ್ರಶ್ನೆ ಕೇಳಿದ್ರು. ಇದಕ್ಕೆ ನಾನೇಕೆ ವಿಶ್​ ಮಾಡಬೇಕು? ಎಂದು ಕುಸಲ್​ ಮೆಂಡೀಸ್​ ರೀಪ್ಲೆ ಮಾಡಿದ್ರು.

Reporter: Virat Kohli has just scored his 49th ODI ton. Would you like to congratulate him?

Kusal Mendis: Why would I want to congratulate him
(Courtesy ICC)#CWC23 #Cricket pic.twitter.com/83mYiR1JqW

— Saj Sadiq (@SajSadiqCricket) November 5, 2023

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್