ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್..​!

‘ರೋಹಿತ್​​ಗೆ​ ಅಷ್ಟು ಕೋಟಿ ಕೊಟ್ಟು ನಾವೇನು ಮಾಡಬೇಕು’

ಐಪಿಎಲ್​ ತಂಡದ ಮಾಲೀಕನ ಬಹಿರಂಗ ಆಕ್ರೋಶಕ್ಕೆ ಕಾರಣವೇನು?

ಮುಂಬೈ ಇಂಡಿಯನ್ಸ್ ತಂಡವು ರೋಹಿತ್ ಶರ್ಮಾ ಅವರನ್ನು ರಿಲೀಸ್​ ಮಾಡುತ್ತೋ ಇಲ್ಲವೋ ಗೊತ್ತಿಲ್ಲ. ಆದರೆ, ಈಗ ಹಬ್ಬಿರುವ ಊಹಾಪೋಹಗಳು ಅನಗತ್ಯ. ರೋಹಿತ್ ಹರಾಜಿಗೆ ಬಂದರೂ, ಒಬ್ಬ ಆಟಗಾರನಿಗೆ 50 ಕೋಟಿ ನೀಡಿದ್ರೆ, ಉಳಿದ 22 ಆಟಗಾರರನ್ನು ಹೇಗೆ ನಿರ್ವಹಿಸುತ್ತೀರಿ? ಎಂದು ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಮಾಲೀಕ ಸಂಜೀವ್​​ ಗೋಯೆಂಕಾ ಪ್ರಶ್ನೆ ಮಾಡಿದ್ದಾರೆ.

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​ ಸೀಸನ್​​ಗೆ ಭರ್ಜರಿ ತಯಾರಿ ನಡೆಯುತ್ತಿದೆ. 6 ತಿಂಗಳ ನಂತರ ನಡೆಯಲಿರೋ ಐಪಿಎಲ್​​ ಲೀಗ್​​​ ಈಗಿನಿಂದಲೇ ರೋಚಕತೆ ಹುಟ್ಟಿಸಿದೆ. ವರ್ಷದ ಕೊನೆಗೆ ಮೆಗಾ ಹರಾಜು ನಡೆಯಲಿದ್ದು, ಟೀಮ್ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಯಾವ ತಂಡಕ್ಕೆ ಸೇಲ್ ಆಗಲಿದ್ದಾರೆ ಅನ್ನೋ ಕುತೂಹಲ ಮನೆ ಮಾಡಿದೆ.

ಮೆಗಾ ಹರಾಜಿಗೆ ತಂಡದಲ್ಲಿ ಯಾರನ್ನು ಉಳಿಸಿಕೊಳ್ಳಬೇಕು? ಯಾರನ್ನು ರಿಲೀಸ್​ ಮಾಡಬೇಕು? ಅನ್ನೋದರ ಬಗ್ಗೆ ಐಪಿಎಲ್​ ತಂಡಗಳ ಮಾಲೀಕರು ಪ್ಲಾನ್​ ಮಾಡುತ್ತಿದ್ದಾರೆ. ಸದ್ಯದಲ್ಲೇ ಎಲ್ಲಾ ತಂಡಗಳು ಬಿಸಿಸಿಐಗೆ ರೀಟೈನ್​ ಲಿಸ್ಟ್​ ಕೂಡ ಸಲ್ಲಿಸಬೇಕಿದೆ. ಹಾಗಾಗಿ ರೋಹಿತ್ ಶರ್ಮಾ ಹರಾಜು ಅಂಗಳಕ್ಕೆ ಇಳಿಯುತ್ತಾರಾ ಎಂಬ ಪ್ರಶ್ನೆ ಉದ್ಭವಿಸಿದೆ. ಈ ಬಗ್ಗೆ ಹಲವು ವದಂತಿಗಳು ಹರಿದಾಡುತ್ತಿವೆ.

ರೋಹಿತ್​ ಬಗ್ಗೆ ಸಂಜೀವ್​​ ಖಡಕ್​ ರಿಯಾಕ್ಷನ್​​!

ರೋಹಿತ್ ಶರ್ಮಾ ಅವರನ್ನು ತಮ್ಮ ತಂಡಕ್ಕೆ ಸೇರಿಸಿಕೊಳ್ಳುವ ಬಗ್ಗೆ ಹಲವು ತಂಡಗಳು ಆಸಕ್ತಿ ಹೊಂದಿವೆ. ಈ ಪಟ್ಟಿಯಲ್ಲಿ ಎಲ್‌ಎಸ್‌ಜಿ ಹೆಸರು ಕೂಡ ಇದೆ. ಹಿಟ್‌ಮ್ಯಾನ್ ಅವರನ್ನು ಮುಂಬೈ ಇಂಡಿಯನ್ಸ್ ಬಿಡುಗಡೆ ಮಾಡಲಿದೆ. ಲಕ್ನೋ ಸೂಪರ್ ಜೈಂಟ್ಸ್ ರೋಹಿತ್​ ಖರೀದಿಗೆ 50 ಕೋಟಿ ಎತ್ತಿಡಲಿದೆ ಎಂಬ ವದಂತಿಗಳು ಹಬ್ಬಿದ್ದವು. ಇದಕ್ಕೆ ಗೋಯೆಂಕಾ ಖಡಕ್​ ಉತ್ತರ ನೀಡಿ, ಎಲ್ಲಾ ವದಂತಿಗಳು ತೆರೆ ಎಳೆದರು.

ಇದನ್ನೂ ಓದಿ: ಟೀಮ್​ ಇಂಡಿಯಾದಲ್ಲಿ ಕನ್ನಡಿಗನಿಗೆ ಭಾರೀ ಮೋಸ; ಗಳಗಳನೆ ಕಣ್ಣೀರಿಟ್ಟ ಸ್ಟಾರ್​ ಕ್ರಿಕೆಟರ್​​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ