ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿ!

ಮುಂದಿನ ಸೀಸನ್​ಗೆ ಲಕ್ನೋ ತಂಡ ಈಗಿನಿಂದಲೇ ಭರ್ಜರಿ ತಯಾರಿ

ಲಕ್ನೋ ತಂಡದ ಹೊಸ ಮೆಂಟರ್​ ಆಗಿ ದಿಗ್ಗಜ​​ ಜಹೀರ್​ ಖಾನ್​ ಆಯ್ಕೆ​

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಗೆ ಇನ್ನೂ 6 ತಿಂಗಳು ಬಾಕಿ ಇದೆ. ವರ್ಷದ ಕೊನೆಗೆ 2025ರ ಮೆಗಾ ಆಕ್ಷನ್​ ನಡೆಯಲಿದೆ. ಈ ಮುನ್ನವೇ ಲಕ್ನೋ ಸೂಪರ್​ ಜೈಂಟ್ಸ್​ ತಂಡದ ಹೊಸ ಮೆಂಟರ್​ ಆಗಿ ಟೀಮ್ ಇಂಡಿಯಾ ಮಾಜಿ ವೇಗಿ ಜಹೀರ್‌ ಖಾನ್‌ ನೇಮಕಗೊಂಡಿದ್ದಾರೆ.

ಐಪಿಎಲ್‌ 2023 ಟೂರ್ನಿ ಬಳಿಕ ಗೌತಮ್ ಗಂಭೀರ್‌ ಎಲ್‌ಎಸ್‌ಜಿ ಮೆಂಟರ್‌ ಸ್ಥಾನ ತೊರೆದು ಕೆಕೆಆರ್​​​ ತಂಡ ಸೇರಿದ್ದರು. ಅಂದಿನಿಂದ ಲಕ್ನೋ ತಂಡದ ಮೆಂಟರ್​ ಸ್ಥಾನ ಖಾಲಿ ಇತ್ತು. ಮೆಂಟರ್​ ಸ್ಥಾನಕ್ಕೆ ಈಗ ಎಲ್​​ಎಸ್‌ಜಿ ಫ್ರಾಂಚೈಸಿ ಜಹೀರ್ ಖಾನ್‌ ಅವರನ್ನು ಕರೆ ತಂದಿದೆ.

ಜಹೀರ್​ ಖಾನ್​ ಮೆಂಟರ್​ ಆದ ಬಗ್ಗೆ ಲಕ್ನೋ ತಂಡದ ಮಾಲೀಕ ಸಂಜೀವ್‌ ಗೋಯೆಂಕಾ ಮಾತಾಡಿದ್ರು. ಇದೇ ಸಂದರ್ಭದಲ್ಲಿ ಮುಂಬರುವ ಮೆಗಾ ಆಕ್ಷನ್​​ಗೆ ತಂಡದ ಪ್ಲಾನ್​ ಬಗ್ಗೆ ಕೂಡ ಹೇಳಿದ್ರು.

ಕೆ.ಎಲ್​ ರಾಹುಲ್​​ ನಮ್ಮ ಕುಟುಂಬದ ಭಾಗ ಎಂದ ಸಜೀವ್​​

ಇನ್ನು, ಈ ವೇಳೆ ಕೆ.ಎಲ್​ ರಾಹುಲ್​ ಬಗ್ಗೆ ಮಾತಾಡಿದ ಸಂಜೀವ್​ ಅವರು, ನಾನು ಇತ್ತೀಚೆಗೆ ಅವರನ್ನು ಭೇಟಿ ಮಾಡಿದ್ದೆ. ನಾನು ಕೆ.ಎಲ್​ ರಾಹುಲ್​ ಅವರನ್ನು ಭೇಟಿ ಮಾಡಿದ ವಿಚಾರ ಯಾಕಿಷ್ಟು ಚರ್ಚೆ ಆಗುತ್ತಿದೆ ಎಂದು ಗೊತ್ತಿಲ್ಲ. ನಾವು ಯಾವಾಗಲೂ ಸಿಗುತ್ತಲೇ ಇರುತ್ತೇವೆ. ಕೆ.ಎಲ್​ ರಾಹುಲ್​​ ನಮ್ಮ ಕುಟುಂಬದ ಸದಸ್ಯರು ಇದ್ದಂತೆ. ಹಾಗಾಗಿ ಅವರನ್ನು ಬಿಟ್ಟು ಕೊಡುವ ಮಾತೇ ಇಲ್ಲ ಎಂದರು. ಜತೆಗೆ ಕ್ಯಾಪ್ಟನ್​​ ಯಾರು? ಯಾರನ್ನು ಖರೀದಿ ಮಾಡಬೇಕು? ಎಂಬ ನಿರ್ಧಾರ ಮಾಡಲು ಇನ್ನೂ ಸಮಯ ಇದೆ ಎಂದರು. ಈ ಮೂಲಕ ಕೆ.ಎಲ್​ ರಾಹುಲ್​​ ಮುಂದಿನ ಸೀಸನ್​ಗೆ ಕ್ಯಾಪ್ಟನ್​ ಅಲ್ಲ ಅನ್ನೋದು ಪರೋಕ್ಷವಾಗಿ ಕನ್ಫರ್ಮ್​​​ ಮಾಡಿದ್ರು.

ಇದನ್ನೂ ಓದಿ: KL ರಾಹುಲ್​ಗೆ ಬಿಗ್​ ಶಾಕ್​​.. ಲಕ್ನೋ ತಂಡಕ್ಕೆ ವಿರಾಟ್​ ಕೊಹ್ಲಿ ಆಪ್ತನ ಎಂಟ್ರಿ; ರೋಲ್​ ಏನು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ