ಸಂಜಯ್ ಮಹತೋ ಎಂಬಾತನಿಗೆ ಪತ್ನಿ ಮೇಲೆ ಅತೀವ ಪ್ರೀತಿ

ಹೆಂಡತಿ ಹುಟ್ಟುಹಬ್ಬಕ್ಕೆ ಚಂದಿರನನ್ನೇ ಕರೆತರುವುದಾಗಿ ಭರವಸೆ

ಮುದ್ದಾದ ಹೆಂಡತಿಗೆ ಸೂಪರ್​ ಗಿಫ್ಟ್ ಕೊಟ್ಟ ಖುಷಿ ಪಟ್ಟ ಗಂಡ​

ಇಸ್ರೋದ ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ ಒಂದಾದ ಚಂದ್ರಯಾನ-3 ಯಶಸ್ವಿಯಾಗಿ ಚಂದಿರನ ಅಂಗಳ ಸೇರಿದೆ. ಇದನ್ನೇ ಸ್ಪೂರ್ತಿಯಾಗಿ ಪಡೆದ ಬಂಗಾಳ ಮೂಲದ ಸಂಜಯ್ ಮಹತೋ ತನ್ನ ಪ್ರೀತಿಯ ಪತ್ನಿ ಹುಟ್ಟುಹಬ್ಬಕ್ಕೆ ಚಂದಿರನ ಬಳಿ ಒಂದು ಎಕರೆ ಪ್ರದೇಶ ಖರೀದಿ ಮಾಡಿ ಉಡುಗೊರೆಯಾಗಿ ನೀಡಿದ್ದಾನೆ.

ಹೌದು. ಸಾಮಾನ್ಯವಾಗಿ ಪ್ರೀತಿಯ ಮಡದಿಯ ಬರ್ತ್​​ಡೇಗಾಗಿ ಪತಿ ಏನಾದರೊಂದು ಗಿಫ್ಟ್​ ನೀಡೋದು ಸಹಜ. ಆದರೆ ಇಲ್ಲಿ ಗಂಡ ಒಂದು ಎಕರೆ ಜಾಗವನ್ನು ಖರೀದಿ ಮಾಡಿದ್ದಾನೆ. ಅದು ಚಂದಿರನ ಅಂಗಳದಲ್ಲಿ ಎಂಬುದೇ ಅಚ್ಚರಿಯ ಸಂಗತಿಯಾಗಿದೆ. ಅಷ್ಟು ಮಾತ್ರವಲ್ಲದೆ ಈ ಜಾಗ ಖರೀದಿಗೂ ಒಂದು ಕಾರಣವಿದ್ದು ಈತ ವಿವಾಹಕ್ಕೂ ಮುನ್ನ ಪತ್ನಿಗೆ ಚಂದಿರನನ್ನ ಕರೆತರುವುದಾಗಿ ಭರವಸೆ ನೀಡಿದ್ದರಂತೆ. ಹೀಗಾಗಿ ಚಂದ್ರಯಾನ-3 ಬಳಿಕ ಸಂಜಯ್​ಗೆ ಈ ರೀತಿ ಆಲೋಚನೆ ಬಂದಿದ್ದು, ಲೂನಾ ಸೊಸೈಟಿ ಇಂಟರ್ನ್ಯಾಷನಲ್ ಮೂಲಕ 10,000 ರೂಪಾಯಿ ಹಣ ನೀಡಿ ಚಂದಿರನಲ್ಲಿ ಪ್ರದೇಶ ಖರೀದಿ ಮಾಡಿದ್ದಾರೆ.

ಸದ್ಯ ಈ ವಿಚಾರ ಎಲ್ಲೆಡೆ ವೈರಲ್​ ಆಗುತ್ತಿದೆ. ಪತ್ನಿಯ ಹುಟ್ಟುಹಬ್ಬಕ್ಕೆ ಗಂಡ ದೊಡ್ಡದಾದ ಸಿಹಿಸುದ್ದಿಯ ಜೊತೆಗೆ ಗಿಫ್ಟ್​ ನೀಡಿದ್ದಾನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ