ಸಿಂಗರ್​ ಸ್ವಿಫ್ಟ್ ಸಹಿ ಇರುವ ಗಿಟಾರ್ ವೇದಿಕೆಯಲ್ಲಿ ಒಡೆದು ಹಾಕಿದ ವೃದ್ಧ

4 ಸಾವಿರ ಯುಎಸ್ ಡಾಲರ್​ಗೆ ಖರೀದಿಸಿದ ಗಿಟಾರ್​ ಸುತ್ತಿಗೆಯಿಂದ ಜಜ್ಜಿದ

ವೃದ್ಧರೊಬ್ಬರ ಈ ನಡೆಯನ್ನು ಕೊಂಡ ಆಕ್ರೋಶಗೊಂಡ ಸ್ವಿಫ್ಟ್ ಅಭಿಮಾನಿಗಳು

ಸಂಗೀತ ಜಗತ್ತಿನಲ್ಲಿ ಅತಿಹೆಚ್ಚು ಅಭಿಮಾನಿಗಳನ್ನು ಹೊಂದಿದ ಪ್ರತಿಭೆ ಅಂದ್ರೆ ಅದು ಟೇಲರ್​ ಸ್ವಿಫ್ಟ್. ಈ ಅಮೆರಿಕನ್ ಸಿಂಗರ್​​​​ ಜಾಗತಿಕವಾಗಿ ಬಹುದೊಡ್ಡ ಅಭಿಮಾನಿಗಳನ್ನು ಹೊಂದಿದ್ದಾರೆ. ಸಾಧಕರಿಗೆ ಅಭಿಮಾನಿಗಳು ಇದ್ದಷ್ಟೇ ವೈರಿಗಳು ಕೂಡ ಇರುತ್ತಾರೆ. ಅದೇ ರೀತಿ ಟೇಲರ್ ಸ್ವಿಫ್ಟ್​ಳನ್ನು ದೂರುವ ಜನರು ಇದ್ದಾರೆ. ಅಂತಹುದೇ ಒಬ್ಬ ವ್ಯಕ್ತಿ ಟೇಲರ್​ ಸ್ವಿಫ್ಟ್ ಅವರ ಸಹಿ ಇರುವ ಗಿಟಾರ್​​ನ್ನು 4 ಸಾವಿರ ಯುಎಸ್​ ಡಾಲರ್ ಅಂದ್ರೆ ಭಾರತದ 4 ಲಕ್ಷ ರೂಪಾಯಿ ಕೊಟ್ಟು ಖರೀದಿಸಿ ಅದನ್ನು ಸುತ್ತಿಗೆಯಿಂದು ಒಡೆದು ಹಾಕಿದ ಒಂದು ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಇದನ್ನೂ ಓದಿ: ಶಾಕಿಂಗ್​ ನ್ಯೂಸ್​ ಕೊಟ್ಟ ಇಸ್ರೇಲ್ ಪ್ರಧಾನಿ.. ಹೆಜ್ಬುಲ್ಲಾ ಪ್ರದೇಶಗಳ ಮೇಲೆ ನಿರಂತರ ವಾಯುದಾಳಿ ​

ವಿಡಿಯೋವೊಂದರಲ್ಲಿ ವೃದ್ಧರೊಬ್ಬರು ಸಹಜವಾಗಿ ನಡೆದುಕೊಂಡು ಹೋಗಿ ಗಿಟಾರ್​​ನ್ನು ತೆಗೆದುಕೊಳ್ಳುತ್ತಾರೆ. ನಂತರ ವೇದಿಕೆಯ ಮೇಲೆಯೇ ಅದನ್ನು ಸುತ್ತಿಗೆಯಿಂದ ಒಡೆದು ಹಾಕುತ್ತಾರೆ. ಟೇಲರ್ ಸ್ವಿಫ್ಟ್ ಸಹಿ ಇರುವ ಗಿಟಾರ್​​ನ್ನು ಖರೀದಿ ಮಾಡುವುದು ಅನೇಕ ಅಭಿಮಾನಿಗಳ ಕನಸಾಗಿರುತ್ತದೆ. ಇಂತಹ ಅವಕಾಶಗಳಿಗಾಗಿಯೇ ಅವರು ಕಾದಿರುತ್ತಾರೆ. ಆದ್ರೆ ವೇದಿಕೆಯಲ್ಲಿ ನಡೆದ ಈ ಹಠಾತ್ ಬೆಳವಣಿಗೆ ಕಂಡು ಅಲ್ಲಿ ನೆರದಿದ್ದ ಅಭಿಮಾನಿಗಳು ಶಾಕ್​ಗೆ ಒಳಗಾಗಿದ್ದಾರೆ.

Man smashes signed Taylor Swift guitar after buying it for $4,000 at auction. pic.twitter.com/1mzVv5yt4v

— Pop Base (@PopBase) September 30, 2024

ಇದನ್ನೂ ಓದಿ: ಹಿಜ್ಬುಲ್ಲಾ ಮುಖಂಡ ಹಸನ್ ನಸ್ರುಲ್ಲಾ ಕಥೆ ಮುಗಿಸಿದ ಇಸ್ರೇಲ್,ಇತ್ತ ಇರಾನ್​ಗೆ ತಳಮಳ ಶುರುವಾಗಿದ್ದು ಏಕೆ..?

ಈ ಒಂದು ವಿಡಿಯೋ ಸೆಪ್ಟಂಬರ್ 30 ರಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಆದ್ರೆ ಇದು ನಿಜಕ್ಕೂ ನಡೆದಿದ್ದು ಯಾವಾಗ ಎಲ್ಲಿ ಎಂಬ ಬಗ್ಗೆ ಇನ್ನೂ ಕೂಡ ಯಾವುದೇ ಸ್ಪಷ್ಟವಾದ ಮಾಹಿತಿಯೂ ಬಂದಿಲ್ಲ. ಆದ್ರೆ ವೃದ್ಧರೂ ನಡೆದುಕೊಂಡ ರೀತಿಯನ್ನು ಸ್ವಿಫ್ಟ್​ ಅಭಿಮಾನಿಗಳು ಖಂಡಿಸಿದ್ದಾರೆ. ಇದು ದ್ವೇಷದ ಪರಾಕಾಷ್ಠೆ. ಇದನ್ನು ಯಾರು ಕೂಡ ಒಪ್ಪುವುದಿಲ್ಲ ಎಂದು ಆಕ್ರೋಶ ಹೊರ ಹಾಕಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ