ಟಗರಿಗೆ 1 ಕೋಟಿ ರೂ.ಗಳನ್ನು ಕೊಡುವುದರ ಹಿಂದೆ ಇದೇ ಕಾರಣ

1 ಕೋಟಿ ರೂ.ಗಳನ್ನು ಕೊಟ್ಟರು ನಮಗೆ ಲಾಸ್​ ಇಲ್ಲ ಎನ್ನುತ್ತಿದ್ದಾರೆ

ಕಳೆದ ಈದ್​ ಹಬ್ಬಕ್ಕೆ ಈ ಟಗರಿಗೆ ಎಷ್ಟು ಲಕ್ಷಕ್ಕೆ ಕೇಳಿದ್ದರು ಗೊತ್ತಾ..?

ಜೈಪುರ್: ಈದ್​ ಮುಬಾರಕ್ ಆಚರಣೆ ಹಿನ್ನೆಲೆಯಲ್ಲಿ ಒಂದು ಟಗರಿಗೆ ಬರೋಬ್ಬರಿ 1 ಕೋಟಿ ರೂಪಾಯಿ ನೀಡುತ್ತೇವೆ ಎಂದರೂ ಕುರಿಗಾಹಿಯೊಬ್ಬರು ಅಂತಹ ಆಫರ್​ ಅನ್ನು ನಿರಾಕರಣೆ ಮಾಡಿದ್ದಾರೆ. ಅಷ್ಟಕ್ಕೂ ಆ ಟಗರಿಗೆ 1 ಕೋಟಿ ರೂ.ಗಳನ್ನು ನೀಡುವುದಕ್ಕೆ ಬಲವಾದ ಕಾರಣವೂ ಇದೆ. ಹೀಗಾಗಿಯೇ 1 ಕೋಟಿ ರೂಪಾಯಿ ಆಫರ್ ಮಾಡಿದರು ಕುರಿಗಾಹಿ ವ್ಯಕ್ತಿ ಮಾತ್ರ ತನ್ನ ನಿರ್ಧಾರ ಬದಲಿಸಿಲ್ಲ.

ರಾಜಸ್ಥಾನದ ಚುರು ಜಿಲ್ಲೆಯ ಕುರಿಗಾಹಿ ರಾಜು ಸಿಂಗ್​ ಎನ್ನುವರು ಸಾಕಷ್ಟು ಕುರಿಗಳನ್ನು ಮೇಯಿಸುತ್ತಾ ಅವುಗಳಿಂದ ಜೀವನ ಸಾಗಿಸುತ್ತಿದ್ದಾರೆ. ಅವರ ಕುರಿಗಳಲ್ಲಿನ ಒಂದು ಟಗರಿನ ಮೈ ಮೇಲೆ 786 ಎಂದು ಅದು ಹುಟ್ಟುವಾಗಲೇ ಬಂದು ಬಿಟ್ಟಿದೆ. ಹೀಗಾಗಿ ಅದನ್ನು ಖರೀದಿ ಮಾಡಿದರೆ ನಮಗೆ ಒಳ್ಳೆಯದಾಗುತ್ತೆ ಎಂದು ಮುಸ್ಲಿಂ ಸಮುದಾಯದವರು ಮುಗಿಬಿದ್ದಿದ್ದಾರೆ. ಈ ವೇಳೆ ಆ ಟಗರಿನ ಮೇಲೆ ಹರಾಜು ಕೂಗಿದ್ದು ಬರೋಬ್ಬರಿ 1 ಕೋಟಿ ರೂಪಾಯಿ ಕೊಡುತ್ತೇವೆ ಎಂದು ರಾಜು ಸಿಂಗ್​ಗೆ  ಹೇಳಿದ್ದಾರೆ. ಆದರೆ ಆತನು ಟಗರನ್ನು ಕೊಡುವುದಿಲ್ಲ. ಅದನ್ನು ನಾನು ಪ್ರೀತಿಯಿಂದ ಬೆಳೆಸಿದ್ದೇನೆ ಎಂದು ಹೇಳಿ ಅವರ ಮಾತನ್ನು ನಿರಾಕರಣೆ ಮಾಡಿದ್ದಾನೆ ಎಂದು ಹೇಳಲಾಗಿದೆ.

ಭಾರತದಲ್ಲಿ ವಾಸಿಸುವ ಮುಸ್ಲಿಂ ಸಮುದಾಯ 786 ನಂಬರ್​ ಎಂದರೆ ಹೆಚ್ಚಾಗಿ ನಂಬುತ್ತಾರೆ. ಮಸೀದಿಯಲ್ಲೂ ಈ ನಂಬರ್ ಅನ್ನು ಬರೆದಿರುತ್ತಾರೆ. 786 ಎಂದರೆ ಬಿಸ್ಮಿಲ್ಲಾ ಇರ್- ರಹಮಾನ್ ಇರ್ -ರಹೀಮ್ ಎಂಬ ಅರ್ಥ ಬರುತ್ತದೆ. ಹೀಗಾಗಿಯೇ ಅವರು ಈ ನಂಬರ್​ಗೆ ಹೆಚ್ಚು ಪ್ರಾಮುಖ್ಯತೆ ಕೊಡುತ್ತಾರೆ ಎಂದು ಹೇಳಲಾಗುತ್ತದೆ.

ಮೊದ ಮೊದಲು ರಾಜು ಸಿಂಗ್​ಗೆ ನನ್ನ ಟಗರಿಗೆ ಯಾಕೆ ಇಷ್ಟು ಬೆಲೆ ಕಟ್ಟುತ್ತಾರೆಂದು ತಿಳಿದಿರಲಿಲ್ಲ. ಆ ಮೇಲೆ ಕೆಲವರನ್ನು ವಿಚಾರಿಸಿದಾಗ ಆ ನಂಬರ್​ ಬಗ್ಗೆ ಅಸಲಿ ಕಥೆ ತಿಳಿದುಕೊಂಡಿದ್ದಾರೆ. ಇನ್ನು ಕಳೆದ ವರ್ಷವು ಇದೇ ಟಗರಿಗೆ 70 ಲಕ್ಷ ರೂ.ಗಳನ್ನು ಬಿಡ್​ ಮಾಡಲಾಗಿತ್ತು. ಆದರೆ ಈ ಬಾರಿ ಬರೋಬ್ಬರಿ 1 ಕೋಟಿ ರೂಪಾಯಿಗಳ ಆಫರ್​ ಮಾಡಿದರೂ ರಾಜು ಸಿಂಗ್​ ಆ ಆಫರ್​ ಅನ್ನು ನಿರಾಕರಣೆ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ