ಬೆಂಗಳೂರಿನ ಮೆಡಿಕಲ್​ ಸ್ಟೋರ್​ ಮಾಲೀಕರೇ ಎಚ್ಚರ!

ಯಾವ ಟೈಮ್​ನಲ್ಲೂ ಬೇಕಾದ್ರೂ ಕಳ್ಳರು ನುಗ್ಗಬಹುದು..!

ಹಾಡಹಗಲೇ ಮೆಡಿಕಲ್​ ಸ್ಟೋರ್​​ಗೆ ಕನ್ನ ಹಾಕಿದ ಖದೀಮರು

ಬೆಂಗಳೂರು: ಸಿಲಿಕಾನ್​​ ಸಿಟಿ ಬೆಂಗಳೂರಿನಲ್ಲಿ ಕಳ್ಳತನ ಮಿತಿಮೀರಿದೆ. ಮೊಬೈಲ್​​ ಆಯ್ತು, ಲ್ಯಾಪ್​ಟಾಪ್​​ ಆಯ್ತು, ಸರಗಳ್ಳತನ ಆಯ್ತು.. ಈಗ ಮೆಡಿಕಲ್​ ಸ್ಟೋರ್​​ಗಳೇ ಇವರ ಟಾರ್ಗೆಟ್​​. ಹಾಡಹಗಲೇ ಮೆಡಿಕಲ್​ ಸ್ಟೋರ್​ಗಳಿಗೆ ನುಗ್ಗಿ ದರೋಡೆ ಮಾಡಲಾಗುತ್ತಿದೆ. ಹೀಗಾಗಿ ಪೊಲೀಸರು ಖದೀಮರಿಗೆ ಬ್ರೇಕ್ ಹಾಕಲು ಹರಸಾಹಸ ಪಡುತ್ತಿದ್ದಾರೆ.

ಹೌದು, ಅಪೋಲೋ ಫಾರ್ಮಸಿಗಳೇ ಖತರ್ನಾಕ್​ ಕಳ್ಳರ ಟಾರ್ಗೆಟ್​​​ ಆಗಿದೆ. ಕಳೆದೊಂದು ವಾರದಲ್ಲಿ ಸುಮಾರು ಕಡೆ ಅಪೋಲೋ ಫಾರ್ಮಸಿಗಳಲ್ಲಿ ಕಳ್ಳತನ ನಡೆದಿದೆ. ಕೊತ್ತನೂರು, ಹೆಚ್​ಎಸ್​ಆರ್ ಲೇಔಟ್, ಮಾರತ್ತಹಳ್ಳಿ, ಗೊಟ್ಟಿಗೆರೆ ಅಪೊಲೋ ಫಾರ್ಮಸಿಗಳಲ್ಲಿ ಖದೀಮರು ಕೈಚಳಕ ತೋರಿಸಿದ್ದಾರೆ.

ಮೆಡಿಕಲ್​ ಸ್ಟೋರ್​ಗೆ ಹೋದವ್ರು ಮೆಡಿಸಿನ್​ ತೆಗೆದುಕೊಂಡು ವಾಪಾಸ್​ ಬರ್ಬೇಕು.. ಅದನ್ನ ಬಿಟ್ಟು ಇಲ್ಲೋರ್ವ ಸಿಬ್ಬಂದಿ ಇರೋ ಜಾಗಕ್ಕೆ ಹೋಗಿ ಹೆದರಿಸಿ ಬೆದರಿಸಿ ಹಣ, ಮೆಡಿಸಿನ್​ಗಳನ್ನೇ ದರೋಡೆ ಮಾಡೋಕೆ ಮುಂದಾಗಿದ್ದಾನೆ. ಅಷ್ಟೇ ಅಲ್ಲ, ಮೆಡಿಕಲ್​ ಶಾಪ್​ನವನು ಆಗಲ್ಲ ಅಂದಿದ್ದಕ್ಕೆ ಚಾಕುವಿನಿಂದ ಹಲ್ಲೆ ಮಾಡಿ, ನಗದು ಮತ್ತು ಕೈಗೆ ಸಿಕ್ಕ ಸಿಕ್ಕದನ್ನು ದೋಚಿಕೊಂಡು ಹೋಗಿದ್ದಾನೆ.

ಗ್ರಾಹಕರ ಸೋಗಿನಲ್ಲಿ ಬಂದು ದರೋಡೆ

ಗ್ರಾಹಕರ ಸೋಗಿನಲ್ಲಿ ಬಂದು ದರೋಡೆ ಮಾಡಿರೋದು ಬನ್ನೇರುಘಟ್ಟ ಮುಖ್ಯರಸ್ತೆ ಗೊಟ್ಟಿಗೆರೆಯ ಅಪೋಲೋ ಫಾರ್ಮಸಿಯಲ್ಲಿ. ಕ್ಯಾಶ್ ಕೌಂಟರ್​​ನಲ್ಲಿದ್ದ 52 ಸಾವಿರ ನಗದು, ಹಾಗೂ ಕೆಲ ಮೆಡಿಸಿನ್​ ಗಳನ್ನ ದೋಚಿ ಪರಾರಿಯಾಗಿದ್ದಾನೆ. ಫಾರ್ಮಸಿ ಸಿಬ್ಬಂದಿ ವಿಘ್ನೇಶ್​ನ ಎರಡು ಕಾಲಿಗೆ ಚಾಕುವಿನಿಂದ ಚುಚ್ಚಿ ಎಸ್ಕೇಪ್​ ಆಗಿದ್ದಾನೆ. ಬಳಿಕ ಸ್ಥಳಕ್ಕೆ ಹುಳಿಮಾವು ಪೋಲೀಸರು ಭೇಟಿ ಪರಿಶೀಲನೆ ನಡೆಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ