ಎಲಿಮಿನೇಟರ್ ಪಂದ್ಯದಲ್ಲಿ ಗೆದ್ದ ರೋಹಿತ್ ಪಡೆ

8 ವಿಕೆಟ್ ಕಳೆದುಕೊಂಡು 182 ರನ್ ಗಳಿಸಿದ್ದ ಮುಂಬೈ

ಕ್ವಾಲಿಫಯರ್ 2 ಪಂದ್ಯದಲ್ಲಿ ರೋಚಕ ಹಣಾಹಣಿ

ಐಪಿಎಲ್​ನ ಎಲಿಮಿನೇಟರ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್, 8 ವಿಕೆಟ್ ಕಳೆದುಕೊಂಡು 182 ರನ್​ಗಳಿಸಿದೆ. ಎದುರಾಳಿ ಎಲ್​ಎಸ್​ಜಿ ತಂಡದ ಬೌಲರ್​, ಮುಂಬೈ ಬ್ಯಾಟ್ಸ್​ಮನ್​ಗಳಿಗೆ ಸಿಕ್ಕಾಪಟ್ಟೆ ಕಾಟ ಕೊಟ್ಟರೂ, ಬಹೃತ್ ರನ್ ಕಲೆ ಹಾಕುವಲ್ಲಿ ರೋಹಿತ್ ಬಳಗ ಯಶಸ್ವಿಯಾಗಿದೆ.

ಮುಂಬೈ ಇಂಡಿಯನ್ಸ್​​ ಪರ ಕ್ಯಾಮರೂನ್ ಗ್ರೀನ್ 41 ರನ್​ಗಳ ಕಾಣಿಕೆಯನ್ನು ನೀಡಿದರು. ಸೂರ್ಯಕುಮಾರ್ ಯಾದವ್ 44, ತಿಲಕ್ ವರ್ಮಾ 26, ವದೇರಾ 23 ರನ್​ಗಳನ್ನು ಬಾರಿಸಿದರು. ಇನ್ನು ಇಶಾನ್ ಕಿಶನ್ 15 ರನ್​ಗಳ ಕಾಣಿಕೆ ನೀಡಿದ್ರೆ, ರೋಹಿತ್ ಶರ್ಮಾ 11 ರನ್​ ಚಚ್ಚಿದರು.

ನವೀನ್ ಉಲ್ ಹಕ್ ನಾಲ್ಕು ಓವರ್ ಮಾಡಿ 4 ವಿಕೆಟ್ ಕಿತ್ತರು. ಇನ್ನು ಯಶ್ ಟಾಕೂರ್ 3 ವಿಕೆಟ್​​ಗಳನ್ನು ಕಬಳಿಸಿದರು. ಮೊಹ್ಸಿನ್ ಖಾನ್ ಒಂದು ವಿಕೆಟ್ ಪಡೆದರು. ಐಪಿಎಲ್​ನಲ್ಲಿ ಫೈನಲ್ ಪ್ರವೇಶ ಮಾಡಬೇಕು ಅಂದರೆ ಇವತ್ತಿನ ಪಂದ್ಯವು ಎರಡೂ ತಂಡಗಳಿಗೆ ತುಂಬಾನೇ ಇಂಪಾರ್ಟೆಂಟ್. ಇವತ್ತು ಸೋತ ತಂಡವು ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಳ್ಳಲಿದೆ. ಗೆದ್ದ ತಂಡವು ಕ್ವಾಲಿಫೈಯರ್ 2 ಪಂದ್ಯದಲ್ಲಿ ಗುಜರಾತ್ ವಿರುದ್ಧ ಸೆಣಸಾಟ ನಡೆಸಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ