ಸುಖಾ ಸುಮ್ಮನೆ ಭಾರತೀಯರ ಕೆಣಕಿದ ಮೈಕಲ್​​ ವಾನ್​

ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗನಿಗೆ ಡಿಸೈನ್​ ಡಿಸೈನ್​ ಕ್ಲಾಸ್​..!

ಎಲ್ಲಿಯ ಕೊಹ್ಲಿ, ಎಲ್ಲಿಯ ರೂಟ್​, ಹೇಗೆ ಹೋಲಿಕೆ..?

ಕ್ರಿಕೆಟ್​ ಕಾಶಿ ಲಾರ್ಡ್​ನಲ್ಲಿ ಇಂಗ್ಲೆಂಡ್​ ಹಾಗೂ ಶ್ರೀಲಂಕಾ ನಡುವೆ ಟೆಸ್ಟ್​ ಫೈಟ್​ ನಡೀತಾಯಿದೆ. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿರೋ ಆಂಗ್ಲ ಪಡೆ ಪಂದ್ಯದ ಮೇಲೆ ಬಿಗಿ ಹಿಡಿತ ಸಾಧಿಸಿದೆ. ಇದೇ ಟೆಸ್ಟ್​ ಫೈಟ್​ನಲ್ಲಿ ಇಂಗ್ಲೆಂಡ್​ ಬ್ಯಾಟ್ಸ್​ಮನ್​ ಜೋ ರೂಟ್​, ಕ್ಲಾಸಿಕ್​ ಸೆಂಚುರಿ ಸಿಡಿಸಿ ಗಮನ ಸೆಳೆದಿದ್ದಾರೆ. ಈ ಪಂದ್ಯದ ನಡುವೆ ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗ ಕಿಂಗ್ ಕೊಹ್ಲಿ ಕಾಲೆಳೆಲು ಹೋಗಿ ತಾವೇ ದುಪ್ಪೆಂದು ಬಿದ್ದಿದ್ದಾರೆ.

33ನೇ ಟೆಸ್ಟ್​ ಸೆಂಚುರಿ ಸಿಡಿಸಿದ ಜೋ ರೂಟ್​.!
ಪಂದ್ಯದಲ್ಲಿ ಇಂಗ್ಲೆಂಡ್​ ಸಂಕಷ್ಟಕ್ಕೆ ಸಿಲುಕಿದ್ದ ವೇಳೆ ಸಾಲಿಡ್​ ಇನ್ನಿಂಗ್ಸ್​ ಕಟ್ಟಿದ ಜೋ ರೂಟ್​, 206 ಎಸೆತಗಳನ್ನ ಎದುರಿಸಿದ್ರು. ಎಚ್ಚರಿಕೆಯ, ತಾಳ್ಮೆಯ ಆಟದಿಂದ ಗಮನ ಸೆಳೆದ ರೂಟ್​, 18 ಬೌಂಡರಿಗಳನ್ನ ಸಹಿತ 143 ರನ್​ ಸಿಡಿಸಿದ್ರು. ಈ ಮೂಲಕ ಟೆಸ್ಟ್​ ಕ್ರಿಕೆಟ್​​ನ 33ನೇ ಸೆಂಚುರಿ ಸಿಡಿಸಿದ್ರು.

ಇದನ್ನೂ ಓದಿ:ಗಾಯಕ್ವಾಡ್​​ಗೆ ಬಿಗ್ ಶಾಕ್; ಧೋನಿ ಶಿಷ್ಯನಿಗೆ ಗಾಳ ಹಾಕಿದ CSK, ಕ್ಯಾಪ್ಟನ್ಸಿ ಆಫರ್..!

ಸುಖಾ ಸುಮ್ಮನೆ ಭಾರತೀಯರ ಕೆಣಕಿದ ಮೈಕಲ್​ ವಾನ್​
ಪಂದ್ಯ ನಡೀತಿರೋದು ಶ್ರೀಲಂಕಾ-ಇಂಗ್ಲೆಂಡ್​ ನಡ್ವೆ. ಸೆಂಚುರಿ ಹೊಡೆದಿದ್ದು ಇಂಗ್ಲೆಂಡ್​ನ ಜೋ ರೂಟ್​. ಈ ಸೆಂಚುರಿ ಬೆನ್ನಲ್ಲೇ ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗನಿಗೆ ನೆನಪಾಗಿರೋದು ಮಾತ್ರ ಇಂಡಿಯನ್ಸ್​ ಹಾಗೂ ಟೀಮ್​ ಇಂಡಿಯಾದ ಕಿಂಗ್​ ವಿರಾಟ್​ ಕೊಹ್ಲಿ. ಟೆಸ್ಟ್​ನಲ್ಲಿ ರೂಟ್​ ಮತ್ತು ಕೊಹ್ಲಿಯ ಬ್ಯಾಟಿಂಗ್​ ರೆಕಾರ್ಡ್ಸ್​​ನ ಹೋಲಿಕೆ​ ಮಾಡಿರೋ ಈ ವಾನ್​, ಮಾರ್ನಿಂಗ್​ ಇಂಡಿಯಾ ಟ್ವೀಟ್​ ಮಾಡಿದ್ದಾರೆ.

ಕಾಲೆಳೆಯಲು ಹೋಗಿ ತಾನೇ ಜಾರಿ ಬಿದ್ದ ವಾನ್​
ಮೈಕಲ್​ ವಾನ್​ ಅನ್ನೋ ಈ ಮಹಾಶಯ ಹಾಕಿದ ಪೋಸ್ಟ್​ ಹಿಂದಿನ ಉದ್ದೇಶ ಇಂಡಿಯನ್​ ಫ್ಯಾನ್ಸ್​ನ ಕಾಲೆಳೆಯೋದಾಗಿತ್ತು. ಆಗಿದ್ದು ಉಲ್ಟಾ. ಕಾಲೆಳೆಯಲು ಹೋದ ಮೈಕಲ್​ ವಾನ್​ ತಾವೇ ಜಾರಿ ಬಿದ್ದಿದ್ದಾರೆ. ರೊಚ್ಚಿಗೆದ್ದ ಇಂಡಿಯನ್​​ ಫ್ಯಾನ್ಸ್​, ಕಮೆಂಟ್​​ ಬಾಕ್ಸ್​ನಲ್ಲಿ ಸರಿಯಾಗಿ ರುಬ್ಬಿದ್ದಾರೆ.

ಎಲ್ಲಿಯ ಕೊಹ್ಲಿ, ಎಲ್ಲಿಯ ರೂಟ್​, ಹೇಗೆ ಹೋಲಿಕೆ?
ಇಂಗ್ಲೆಂಡ್​ ಪರ 82 ಟೆಸ್ಟ್​​, 86 ಏಕದಿನ ಪಂದ್ಯವನ್ನಾಡಿರೋ ಮೈಕಲ್​​ ವಾನ್​ ತಂಡದ ಕ್ಯಾಪ್ಟನ್​ ಕೂಡ ಆಗಿದ್ರು. ಟೆಸ್ಟ್​ ಕ್ರಿಕೆಟ್​ನಲ್ಲಿ ಈವರೆಗೆ 191 ಇನ್ನಿಂಗ್ಸ್​ಗಳನ್ನಾಡಿರುವ ಕೊಹ್ಲಿ, 49.15ರ ಸರಾಸರಿಯಲ್ಲಿ, 8848 ರನ್​ಗಳಿಸಿದ್ದಾರೆ. 29 ಸೆಂಚುರಿ, 30 ಅರ್ಧಶತಕ ಸಿಡಿಸಿದ್ದಾರೆ. 263 ಇನ್ನಿಂಗ್ಸ್​ ಆಡಿರುವ ಜೋ ರೂಟ್​​, 50.33ರ ಸರಾಸರಿ ಹೊಂದಿದ್ದು, 12,131 ರನ್​​ಗಳಿಸಿದ್ದಾರೆ. 32 ಶತಕ, 64 ಅರ್ಧಶತಕ ಸಿಡಿಸಿದ್ದಾರೆ. ಮೇಲ್ನೋಟಕ್ಕೆ ನೋಡಿದ್ರೆ ರನ್​, ಸರಾಸರಿ, ಸೆಂಚುರಿ, ಹಾಫ್​ ಸೆಂಚುರಿ ವಿಚಾರದಲ್ಲಿ ರೂಟ್​​ ಮೇಲಿದ್ದಾರೆ. ಜೊತೆಗೆ 72 ಇನ್ನಿಂಗ್ಸ್​ಗಳನ್ನೂ ಹೆಚ್ಚುವರಿಯಾಗಿ ಆಡಿದ್ದಾರೆ.

ಇದನ್ನೂ ಓದಿ:20 ಸಿಕ್ಸರ್ 241 ಜೊತೆಯಾಟ.. ಆರ್​ಸಿಬಿಯ ಅನುಜ್ ರಾವತ್ ವಿಧ್ವಂಸಕಾರಿ ಬ್ಯಾಟಿಂಗ್​​..!

Morning India 🇮🇳 pic.twitter.com/Ax5g75yLyS

— Michael Vaughan (@MichaelVaughan) August 30, 2024

ಅಂದ್ಹಾಗೆ ರೂಟ್​​ ಗ್ರೇಟ್​ ಬ್ಯಾಟ್ಸ್​ಮನ್​ ಅನ್ನುವ ಮೈಕಲ್​ ವಾನ್​ ಇನ್ನೊಂದು ಸತ್ಯ ಗೊತ್ತಿಲ್ಲ ಅನ್ಸುತ್ತೆ. ಇಂಗ್ಲೆಂಡ್​ ಬದ್ಧವೈರಿಗಳಾದ ಆಸ್ಟ್ರೇಲಿಯಾ ವಿರುದ್ಧ ರೂಟ್​ ಬ್ಯಾಟ್​ ಸೈಲೆಂಟ್​ ಆಗುತ್ತೆ. ಕಾಂಗರೂಗಳ ನಾಡಲ್ಲಂತೂ ಇದುವರೆಗೂ ಒಂದೂ ಶತಕವನ್ನ ಸಿಡಿಸೋಕೆ ರೂಟ್​ರಿಂದ ಆಗಿಲ್ಲ. ಆದ್ರೆ, ವಿರಾಟ್​​ ಕೊಹ್ಲಿ 5 ಟೆಸ್ಟ್​ ಶತಕಗಳನ್ನ ಕಾಂಗೂರುಗಳ ನಾಡಲ್ಲೇ ಸೆಂಚುರಿ ಸಿಡಿಸಿದ್ದಾರೆ.

ಕೊಹ್ಲಿ VS ರೂಟ್​ ರನ್​​ಗಳಿಕೆಯನ್ನ ಹೋಲಿಕೆ ಮಾಡಲು ಹೋದ ಮೈಕಲ್​​ ವಾನ್​ ಭಾರತೀಯರನ್ನ ಕೆಣಕಿ ಪಜೀತಿಗೆ ಸಿಲುಕಿದ್ದಾರೆ. ಇಂಡಿಯನ್ಸ್​ ಫ್ಯಾನ್ಸ್​ ನೀಡ್ತಿರೋ ಡಿಸೈನ್​ ಡಿಸೈನ್​ ಉತ್ತರಗಳಿಗೆ ಸೈಲೆಂಟ್​ ಮೂಡ್​ಗೆ ಜಾರಿದ್ದಾರೆ. ಒಂತರಾ ಇರಲಾರದೆ ಇರುವೆ ಬಿಟ್ಟುಕೊಳ್ಳೋ ಕೆಲಸ ಮಾಡಿದಂತಾಗಿದೆ ನೋಡಿ ಸದ್ಯದ ವಾನ್ ಪರಿಸ್ಥಿತಿ.

ಇದನ್ನೂ ಓದಿ:ಮೂವರು ಸ್ಟಾರ್ ಆಲ್​ರೌಂಡರ್​​ ಖರೀದಿಗೆ RCB ಬಿಗ್ ಟಾರ್ಗೆಟ್; ಇವರು ಬಂದ್ರೆ ಕಪ್ ಪಕ್ಕಾ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ