ಹಳೆ ಕೇಸ್​​ಗೆ ಮರುಜೀವ, ಕೇಂದ್ರದ ಕೈಗಾರಿಕೆಗಳ ಸಚಿವಗೆ ಸಂಕಷ್ಟ

ಬಿಜೆಪಿ ವಿಪಕ್ಷವಾದ್ರೂ ರಾಜ್ಯದಲ್ಲಿ ಅಸಲೀ ವಿಪಕ್ಷ ನಾಯಕ HDKನಾ?

ಕುಮಾರಸ್ವಾಮಿ ವೇಗಕ್ಕೆ ಬ್ರೇಕ್ ಹಾಕಿದ ಲೋಕಾ ಪ್ರಾಸಿಕ್ಯೂಷನ್

ಈ ಮುಡಾ ಗದ್ದಲ ಸಿಎಂಗೆ ಸಂಕಷ್ಟ ಏನೋ ನಿಜ. ಆದ್ರೆ, ಹೆಚ್.​​ಡಿ ಕುಮಾರಸ್ವಾಮಿಯೂ ಟಾರ್ಗೆಟ್​​ ಆಗ್ತಿದ್ದಾರೆ. 2007ರ ಹಳೆ ಗಣಿ ಕೇಸ್​​ಗೆ ಮರುಜೀವ ಸಿಕ್ಕಿದ್ದು ಸಂಕಟಕ್ಕೆ ಬೀಳಿಸಿದೆ. ಕೇಂದ್ರದ ಬೃಹತ್ ಕೈಗಾರಿಕೆಗಳ ಸಚಿವ ಹೆಚ್​.ಡಿ ಕುಮಾರಸ್ವಾಮಿ ಅಶ್ವಮೇಧ ಯಾಗಕ್ಕೆ ಬ್ರೇಕ್ ಹಾಕಿದೆ.

ಇದನ್ನೂ ಓದಿ: ಸುಪ್ರೀಂ ಕೋರ್ಟ್​ನಿಂದ ಕೈದಿಗಳಿಗೆ ಗುಡ್​ನ್ಯೂಸ್.. 2 ತಿಂಗಳಲ್ಲಿ ಬಿಡುಗಡೆ ಭಾಗ್ಯ

ಒಬ್ಬರ ವಿರುದ್ಧ ಮತ್ತೊಬ್ಬರ ಕೌಂಟರ್​ ಕುಸ್ತಿ. ಅತ್ತ ಸಿಎಂ ಸಿದ್ದರಾಮಯ್ಯ. ಇನ್ನೊಂದ್ಕಡೆ ಡಿ.ಕೆ ಶಿವಕುಮಾರ್. ಈ ಇಬ್ಬರು ಅತಿರಥರ ಜೊತೆ ಏಕಕಾಲಕ್ಕೆ ಬ್ಯಾಲೆನ್ಸಿಂಗ್​​​ ಫೈಟ್​​ ಮಾಡೋದು ಮಹಾರಥಿ ಈ ದಳಪತಿ. ಬಿಜೆಪಿ ವಿಪಕ್ಷವಾದ್ರೂ ರಾಜ್ಯದಲ್ಲಿ ಅಸಲೀ ವಿಪಕ್ಷ ನಾಯಕ ಅದು ಹೆಚ್​​.ಡಿ ಕುಮಾರಸ್ವಾಮಿ ಅನ್ನೋ ವಾತಾವರಣ ಇದೆ. ಮುಡಾ ಹಗರಣದಲ್ಲಿ ಸಿದ್ದರಾಮಯ್ಯ ತಲೆದಂಡಕ್ಕೆ ದಂಡೆತ್ತಿ ಬಂದ ಪಾದಯಾತ್ರೆಗೆ ಸಾರಥ್ಯ ಕೊಟ್ಟ ಹೆಚ್​ಡಿಕೆಗೆ, ಗಣಿ ಅಕ್ರಮ ದಿಢೀರ್​​ ಹೆಗಲೇರಿದೆ.

ಇದನ್ನೂ ಓದಿ: ರಜನಿಕಾಂತ್​​​ಗೆ ಠಕ್ಕರ್ ಕೊಡ್ತಾರಾ ಉಪೇಂದ್ರ..? ಕೂಲಿ ಸಿನಿಮಾದಲ್ಲಿ ರಿಯಲ್ ಸ್ಟಾರ್ ಪಾತ್ರವೇನು?

ದೆಹಲಿ ಮಟ್ಟದಲ್ಲಿ ಹೈಕಮಾಂಡ್​​​ ಅಬ್ಸರ್ವೇಷನ್​​ನಲ್ಲಿ ಹೆಚ್​ಡಿಕೆ?

ಬಿಜೆಪಿ-ಜೆಡಿಎಸ್​​ ಪಾದಯಾತ್ರೆಯಲ್ಲಿ ಮೇನ್​​ ಹೈಲೈಟ್​​ ಆಗಿರೋದೇ ಮಾಜಿ ಸಿಎಂ, ಹಾಲಿ ಸೆಂಟ್ರಲ್​​​ ಮಿನಿಸ್ಟರ್​​ ಕುಮಾರಸ್ವಾಮಿ. ಮಾತಿನ ಡಿಚ್ಚಿ, ಡೈಲಾಗ್​ಗಳ ಗುನ್ನ, ಹಸ್ತ-ದಳಪತಿ ನಡುವೆ ಟೀಕೆ ಟಿಪ್ಪಣಿಗಳ ಕದನ ತಾರಕಕ್ಕೇರಿಸಿತ್ತು.. ಆದ್ರೆ, ರಾಷ್ಟ್ರಮಟ್ಟದಲ್ಲಿ ಇಬ್ಬರ ನಡುವಿನ ಜಗಳ, ಕೂಸು ಬಡವಾಯ್ತು ಅನ್ನೋ ಹಾಗೇ ಹೆಚ್​ಡಿಕೆ ಬಲಿ ಆಗ್ತಾರಾ ಅನ್ನೋ ಚರ್ಚೆ ಇದೆ. ಈ ಚರ್ಚೆಗೆ ಕಾರಣ ಆರೋಗ್ಯ ಸಚಿವ ದಿನೇಶ್​​ ಗುಂಡೂರಾವ್​​ ನೀಡಿದ್ದ ಹೇಳಿಕೆ.

ಹೆಚ್​.ಡಿ ಕುಮಾರಸ್ವಾಮಿಯವರು ತಲೆದಂಡವಾಗುವಂತದ್ದು ರಾಜ್ಯಪಾಲರ ತೀರ್ಮಾನದ ಮೇಲೆ ನಿಂತಿದೆ. ಬಿಜೆಪಿಯವರು ಕುಮಾರಸ್ವಾಮಿಯವರನ್ನ ತೆಗೆಯಬೇಕೆಂದು ಈ ರೀತಿ ಮಾಡಿದ್ದಾರೆಂದು ನನಗೆ ಅನಿಸುತ್ತೆ. ಮೊದಲೇ ಬಿಜೆಪಿಯವರು ಜೆಡಿಎಸ್​ ಅನ್ನು ಮುಗಿಸಬೇಕೆಂದು ಇದ್ದರು. ಈಗ ಈ ದಾರಿಯನ್ನು ಹುಡುಕಿ ಕುಮಾರಸ್ವಾಮಿಯವರನ್ನ ತೆಗೆಸುತ್ತಿದ್ದಾರೆ. ಬಿಜೆಪಿಯವರೇ ಇದನ್ನು ತಗೊಂಡು ಬರ್ತಿದ್ದಾರೆ.

ದಿನೇಶ್​​ ಗುಂಡೂರಾವ್​, ಆರೋಗ್ಯ ಸಚಿವ

ಹೆಚ್​​.ಡಿ.ಕುಮಾರಸ್ವಾಮಿ ಅಶ್ವಮೇಧ ಯಾಗಕ್ಕೆ ಬಿತ್ತಾ ಬ್ರೇಕ್?

ಅಂದ್ಹಾಗೆ ದಾಖಲೆಗಳ ಶೂರ ಹೆಚ್​.ಡಿ ಕುಮಾರಸ್ವಾಮಿಗೆ ಅಕ್ರಮ ಗಣಿಗಾರಿಕೆ ಅನುಮತಿ ಆತಂಕ ಹೆಚ್ಚಿಸಿದೆ. ಪ್ರಧಾನಿ ಸಂಪುಟದಲ್ಲಿ ಪ್ರಬಲ ಖಾತೆ ಗಿಟ್ಟಿಸಿಕೊಂಡು ಪ್ರಭಾವಿಯಾಗಿದ್ದ ಕುಮಾರಸ್ವಾಮಿ ವೇಗಕ್ಕೆ ಲೋಕಾಯುಕ್ತ ಎಸ್​​ಐಟಿ ಬಿಟ್ಟ ಪ್ರಾಸಿಕ್ಯೂಷನ್ ಅಸ್ತ್ರ ಬ್ರೇಕ್​​ ಹಾಕಿಸಿದೆ. ಸದ್ಯ ದೆಹಲಿ ಮಟ್ಟದಲ್ಲಿ ಹೆಚ್​ಡಿಕೆ ಕೊಂಚ ಅಬ್ಸರ್ವೇಷನ್​​ನಲ್ಲಿದ್ದಾರೆ. ಆರೋಪ ಮುಕ್ತವಾಗೋವರೆಗೆ ಕೇಂದ್ರದಲ್ಲಿ ಹೆಚ್​ಡಿಕೆ ಮೌನಾಗ್ನಿ ಆಗಲಿದ್ದಾರೆ. ಅಷ್ಟಕ್ಕೂ ಹೆಚ್​​ಡಿಕೆ ಸೈಲೆಂಟ್​ಗೆ ಹಲವು ಕಾರಣಗಳೂ ಇವೆ.

ದಳಪತಿಗೆ ಢವ ಢವ!

• ಕಾರಣ 01 : HDK ವಿರುದ್ಧ ಅಕ್ರಮ ಗಣಿಗಾರಿಕೆ ಅನುಮತಿ ನೀಡಿರುವ ಆರೋಪ
• ಕಾರಣ 02 : ರಾಷ್ಟ್ರ ಮಟ್ಟದಲ್ಲಿ ಕುಮಾರಸ್ವಾಮಿಗೆ ಮುಖಭಂಗವಾಗುವಂತ ಭಯ
• ಕಾರಣ 03 : ಒಂದು ವೇಳೆ ಪ್ರಾಸಿಕ್ಯೂಷನ್​ ಕೊಟ್ರೆ ಸಚಿವ ಸ್ಥಾನ ಕೈತಪ್ಪುವ ಆತಂಕ
• ಕಾರಣ 04 : ಕೇಂದ್ರ ಸಚಿವ ಸ್ಥಾನ ಕೈತಪ್ಪಿದ್ರೆ ರಾಜ್ಯದಲ್ಲಿ ಹಿಡಿತ ತಪ್ಪುವಂತ ಆತಂಕ
• ಕಾರಣ 05 : ಕೇಂದ್ರ ಸಚಿವ ಸ್ಥಾನ ಕೈತಪ್ಪಿದ್ರೆ ಪಕ್ಷದ ವರ್ಚಸ್ಸು ಕಡಿಮೆಯಾಗೋ ಭೀತಿ

ಇದನ್ನೂ ಓದಿ: ಮೈಸೂರು ನೋಟು ಮುದ್ರಣ ಸಂಸ್ಥೆಯಲ್ಲಿ ಉದ್ಯೋಗಗಳು.. ಸ್ಯಾಲರಿ ಎಷ್ಟು, ಕೊನೆ ದಿನಾಂಕ?

ಈಗಾಗ್ಲೇ ರಾಜ್ಯ ಬಿಜೆಪಿ ನಾಯಕರಿಂದ ಹೈಕಮಾಂಡ್​ ಪ್ರಕರಣಕ್ಕೆ ಸಂಬಂಧಿಸಿದ ವರದಿಯನ್ನ ಪರಿಶೀಲಿಸಿದೆ. ಈ ಮಧ್ಯೆ ಆತಂಕಗಳನ್ನೇ ಹೊತ್ತಿರುವ ಕುಮಾರಸ್ವಾಮಿ ಇವತ್ತು ಹೆಚ್​​.ಡಿ ದೇವೇಗೌಡರ ಜೊತೆ ಡೆಲ್ಲಿ ಫ್ಲೈಟ್​​​ ಹತ್ತಿದ್ದು ತೀವ್ರ ಕುತೂಹಲ ಮೂಡಿಸಿದೆ. ಬಿಜೆಪಿ ಹೈಕಮಾಂಡ್​ ಭೇಟಿ ಮಾಡುವ ಸಾಧ್ಯತೆ ಇದೆ ಅಂತ ಗೊತ್ತಾಗಿದೆ. ಪ್ರಕರಣದ ಕ್ಲೀನ್ ಚಿಟ್ ಪಡೆಯುವ ತನಕ ಮೋದಿ ಸರ್ಕಾರದಲ್ಲಿ ಹೆಚ್​​ಡಿಕೆ ವನವಾಸಕ್ಕೆ ತೆರಳ್ತಾರಾ ಅನ್ನೋ ಚರ್ಚೆಗಳು ಶುರುವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ