ಬಾಂಗ್ಲಾದೇಶ-ಪಾಕಿಸ್ತಾನದ ನಡುವೆ ಮೊದಲ ಟೆಸ್ಟ್​

ಪಾಕ್ ನಾಯಕ ಮಸೂದ್ ಮಾಡಿದ ತಪ್ಪೇನು ಗೊತ್ತಾ?

ರಾವಲ್ಪಿಂಡಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಮೊದಲ ಟೆಸ್ಟ್ ಪಂದ್ಯ

ಬಾಂಗ್ಲಾದೇಶ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನ ತಂಡದ ನಾಯಕ ಮಸೂದ್​ ಪಾಕ್ ಕ್ರಿಕೆಟ್ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಆಗಿದ್ದೇನು..?
ಟಾಸ್ ಗೆದ್ದಿರುವ ಬಾಂಗ್ಲಾದೇಶ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ 6 ವಿಕೆಟ್ ಕಳೆದುಕೊಂಡು 448 ರನ್​​ಗಳಿಗೆ ಡಿಕ್ಲೈರ್ ಮಾಡಿಕೊಂಡಿದೆ. ಇಲ್ಲಿ ವಿವಾದಕ್ಕೆ ಕಾರಣವಾಗಿರೋದು ವಿಕೆಟ್ ಕೀಪರ್ ರಿಜ್ವಾನ್​ ವಿಚಾರ. ರಿಜ್ವಾನ್ ಬಾಂಗ್ಲಾ ವಿರುದ್ಧ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. 171 ರನ್​ಗಳಿಸಿ ಆಡುತ್ತಿದ್ದ ರಿಜ್ವಾನ್​ಗೆ ಪಾಕ್ ನಾಯಕ ದ್ವಿಶತಕ ಬಾರಿಸಲು ಅವಕಾಶ ಮಾಡಿಕೊಡಲಿಲ್ಲ. 6 ವಿಕೆಟ್ ಕಳೆದುಕೊಂಡು 448 ರನ್​ಗಳಿಸುತ್ತಿದ್ದಂತೆಯೇ ನಾಯಕ ಮಸೂದ್ ಡಿಕ್ಲೈರ್ ಮಾಡಿಕೊಂಡಿದ್ದಾರೆ.

ರಿಜ್ವಾನ್​​ಗೆ ದ್ವಿಶತಕ ಬಾರಿಸಲು ಕೇವಲ 29 ರನ್​​ ಬೇಕಿತ್ತು. ಅದಕ್ಕೆ ಮಸೂದ್ ಅವಕಾಶ ಮಾಡಿಕೊಡಲಿಲ್ಲ ಎಂದು ರಿಜ್ವಾನ್ ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸ್ತಿದ್ದಾರೆ. ಕ್ರೀಸ್​ನಿಂದ ಪೆವಿಲಿಯನ್​ಗೆ ಬರುತ್ತಿದ್ದಂತೆಯೇ ರಿಜ್ವಾನ್​​​, ತಮ್ಮ ಬ್ಯಾಟ್​ ಅನ್ನು ಮಾಜಿ ನಾಯಕ ಬಾಬರ್ ಅಜಂನತ್ತ ಎಸೆದಿದ್ದಾರೆ. ಆಗ ಬಾಬರ್ ಅಜಂ ಬ್ಯಾಟನ್ನು ಕ್ಯಾಚ್ ಹಿಡಿದು ನಕ್ಕಿದ್ದಾರೆ.

ಇತ್ತ 4 ವಿಕೆಟ್ ಕಳೆದುಕೊಂಡಿರುವ ಬಾಂಗ್ಲಾದೇಶ 201ರನ್​ಗಳಿಸಿದೆ. 247 ರನ್​​​ಗಳ ಹಿನ್ನಡೆ ಅನುಭವಿಸಿರುವ ಬಾಂಗ್ಲಾ ಪಾಕ್​ಗೆ ಟಕ್ಕರ್​​ ನೀಡುವ ಛಲದಲ್ಲಿದೆ. ರಾವಲ್ಪಿಂಡಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಟೆಸ್ಟ್ ಪಂದ್ಯ ನಡೆಯುತ್ತಿದೆ.

ಇದನ್ನೂ ಓದಿ:ಕಳೆದ ಬಾರಿ ಹಸರಂಗ ಯಾಕೆ IPL ಆಡಲಿಲ್ಲ? ಇಲ್ಲೂ ಇದೆ ಆರ್​ಸಿಬಿಯ ಒಂದು ನಿರ್ಧಾರದ ಕತೆ..!

Muhammad Rizwan threw his bat towards Babar Azam after the innings was declared.
They are always having fun 😂❤️#PAKvBAN #PakistanCricket pic.twitter.com/Sbwfq6LHPN

— Rao kashif (@raokash) August 22, 2024

ಇದನ್ನೂ ಓದಿ:ಕಳೆದ ಬಾರಿ ಹಸರಂಗ ಯಾಕೆ IPL ಆಡಲಿಲ್ಲ? ಇಲ್ಲೂ ಇದೆ ಆರ್​ಸಿಬಿಯ ಒಂದು ನಿರ್ಧಾರದ ಕತೆ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್