ಬಹುನಿರೀಕ್ಷಿತ 2023ರ ಏಕದಿನ ವಿಶ್ವಕಪ್​​ ಟೂರ್ನಿ

49ನೇ ಶತಕ ಸಿಡಿಸಿದ ಕಿಂಗ್​​ ಕೊಹ್ಲಿ ಹೊಸ ಸಾಧನೆ

ಕೊಹ್ಲಿ ಒಬ್ಬ ಸ್ವಾರ್ಥಿ ಎಂದು ಮೊಹಮ್ಮದ್​ ಹಫೀಜ್​​​

ಇತ್ತೀಚೆಗೆ ಸೌತ್​ ಆಫ್ರಿಕಾ ವಿರುದ್ಧ ನಡೆದ ಐಸಿಸಿ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ಟೀಂ ಇಂಡಿಯಾದ ಸ್ಟಾರ್​​ ಪ್ಲೇಯರ್​​ ವಿರಾಟ್​​ ಕೊಹ್ಲಿ ತನ್ನ 49ನೇ ಶತಕ ಸಿಡಿಸೋ ಮೂಲಕ ಸಚಿನ್​ ​ದಾಖಲೆಯನ್ನು ಸರಿಗಟ್ಟಿದರು. ಇದಕ್ಕೆ ಇಡೀ ಕ್ರೀಡಾ ಜಗತ್ತೇ ಕೊಹ್ಲಿಯನ್ನು ಹಾಡಿಹೊಗಳುತ್ತಿದೆ. ಆದರೆ, ಪಾಕ್​​ ಮಾಜಿ ಕ್ರಿಕೆಟರ್​​ ಮೊಹಮ್ಮದ್ ಹಫೀಜ್ ಮಾತ್ರ ಕೊಹ್ಲಿ ಬಗ್ಗೆ ಕೊಂಕು ಮಾತುಗಳನ್ನು ಆಡಿದ್ದಾರೆ.

ಸದ್ಯ ನಡೆಯುತ್ತಿರೋ ವಿಶ್ವಕಪ್ ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಸ್ವಾರ್ಥದಿಂದ ಕೂಡಿದೆ. ನಾನು ಮೂರನೇ ಬಾರಿಗೆ ಕೊಹ್ಲಿ ಬ್ಯಾಟಿಂಗ್​ನಲ್ಲಿ ಸ್ವಾರ್ಥವನ್ನು ಕಂಡಿದ್ದೇನೆ. ಕೊಹ್ಲಿ ಶತಕಕ್ಕೆ ಇನ್ನೇನು ಒಂದು ರನ್​ ಬೇಕಿತ್ತು. 49ನೇ ಓವರ್​ನಲ್ಲಿ ಕೊಹ್ಲಿ ಬೇಕಂತಲೇ ಸಿಂಗಲ್​ ತೆಗೆದುಕೊಂಡರು. ಆಗ ಕೊಹ್ಲಿಗೆ ತಂಡ ನೆನಪಾಗಲಿಲ್ಲ ಎಂದರು ಹಫೀಜ್.

ರೋಹಿತ್​ ಶರ್ಮಾ ಸ್ವಾರ್ಥಿ ಅಲ್ಲ ಎಂದ ಹಫೀಜ್​​​

ರೋಹಿತ್​ ಶರ್ಮಾ ಕೂಡ ಸ್ವಾರ್ಥದಿಂದ ಕ್ರಿಕೆಟ್​ ಆಡಬಹುದಿತ್ತು. ಆದರೆ, ರೋಹಿತ್​ ಟೀಮ್​ಗಾಗಿ ಪಂದ್ಯ ಆಡಿದ್ರು. ತಮ್ಮ ಸ್ವಾರ್ಥಕ್ಕಾಗಿ ಎಂದೂ ಕ್ರಿಕೆಟ್​ ಆಡಿಲ್ಲ ಎಂದರು.

ನಾನು ಕೊಹ್ಲಿ ಚೆನ್ನಾಗಿ ಆಡಲಿಲ್ಲ ಎಂದು ಹೇಳುತ್ತಿಲ್ಲ. ಬದಲಿಗೆ 97 ರನ್​​ ಗಳಿಸೋವರೆಗೂ ಚೆನ್ನಾಗಿಯೇ ಆಡಿದ ಕೊಹ್ಲಿ ಬಳಿಕ ಶತಕಕ್ಕಾಗಿ 3 ಸಿಂಗಲ್​ ತೆಗೆದುಕೊಂಡರು. ಬೌಂಡರಿ ಬಾರಿಸದೆ ಸಿಂಗಲ್​​ಗಾಗಿ ಎದುರು ನೋಡುತ್ತಿದ್ದರು. ಇದರ ಬಗ್ಗೆ ನಾನು ಮಾತಾಡುತ್ತಿದ್ದೇನೆ ಎಂದರು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್