ಶಮಿ ಆಟಕ್ಕೆ ಬಾಲಿವುಡ್​ ಬೆಡಗಿ ಕ್ಲೀನ್​ಬೋಲ್ಡ್

ಬಾಲಿವುಡ್​ ನಟಿಯ ಅಂತರಂಗದ ಮಾತು ಬಹಿರಂಗ

ಯಾರು ಆ ನಟಿ.? ಏನಿದು ಕಥೆ.? ಕಂಡಿಷನ್ ಏನು.?

ವಿಶ್ವಕಪ್​ ಅಖಾಡದಲ್ಲಿ ಟೀಮ್​ ಇಂಡಿಯಾ ವೇಗಿ ಮೊಹಮ್ಮದ್​ ಶಮಿ ಎಲ್ಲರನ್ನ ನಿಬ್ಬೆರಗಾಗಿಸಿದ್ದಾರೆ. ಶಮಿ ಅಮೋಘ ಆಟಕ್ಕೆ ಎಲ್ರೂ ಮನಸೋತಿದ್ದಾರೆ. ಇಲ್ಲೊಬ್ಲು ಬಾಲಿವುಡ್​ ಬೆಡಗಿಯಂತೂ ಶಮಿ ಆಟ ನೋಡಿ ಎಷ್ಟು ಇಂಪ್ರೆಸ್​ ಆಗಿದ್ದಾಳೆ ಅಂದ್ರೆ, ಮದುವೆಯಾಗೋಕೇ ರೆಡಿಯಾಗಿ ಬಿಟ್ಟಿದ್ದಾಳೆ. ಯಾರು ಆ ಬೆಡಗಿ.? ಏನಿದು ಕಥೆ.? ಈ ಸ್ಟೋರಿ ಓದಿ.

ವಿಶ್ವಕಪ್​ ರಣರಂಗದಲ್ಲಿ ಸ್ಪೀಡ್​ಸ್ಟರ್​ ಮೊಹಮ್ಮದ್​​ ಶಮಿ ಸೆನ್ಸೇಶನ್​ ಸೃಷ್ಟಿಸಿದ್ದಾರೆ. ಅಕ್ಷರಶಃ ಹಸಿದ ಹೆಬ್ಬುಲಿಯಂತೆ ಶಮಿಯ ವಿಕೆಟ್​ ಬೇಟೆಯಾಡ್ತಿದ್ದಾರೆ. ಮೊಹಮ್ಮದ್​ ಶಮಿಯ ಕರಾರುವಕ್​ ದಾಳಿಗೆ ಬ್ಯಾಟ್ಸ್​ಮನ್​ಗಳು ಬಳಲಿ ಬೆಂಡಾಗಿಬಿಟ್ಟಿದ್ದಾರೆ.

ಆನ್​ಫೀಲ್ಡ್​ ಆಟಕ್ಕೆ ಆಫ್​ ದ ಫೀಲ್ಡ್​ನ ಬೆಡಗಿ ಕ್ಲೀನ್​ಬೋಲ್ಡ್.!

ಆನ್​ಫೀಲ್ಡ್​ ಮೊಹಮ್ಮದ್​ ಶಮಿಯ ಬೌಲಿಂಗ್​ ಮುಂದೆ ಬ್ಯಾಟ್ಸ್​ಮನ್​ಗಳು ಕಕ್ಕಾಬಿಕ್ಕಿಯಾಗ್ತಿದ್ದಾರೆ. ಚಿಕ್ಕ ಕ್ಲ್ಯೂ ಕೂಡ ಇಲ್ಲದೇ ಕ್ಲೀನ್​ ಬೋಲ್ಡ್​ ಆಗ್ತಿರೋ ಪರಿಯನ್ನ ನೀವು ನೋಡಿದ್ದೀರಾ. ಅಖಾಡದಲ್ಲಿ ಘಟಾನುಘಟಿ ಆಟಗಾರರನ್ನ ತನ್ನ ಪೇಸ್​ & ಸ್ವಿಂಗ್​ನ ಮ್ಯಾಜಿಕ್​ನಿಂದ ಮೋಡಿ ಮಾಡ್ತಿರೋ ಪರಿಗೆ ಆಫ್​ ದ ಫೀಲ್ಡ್​ನ ಬೆಡಗಿಯೊಬ್ಬಳು ಕ್ಲೀನ್​ ಬೋಲ್ಡ್​ ಆಗಿದ್ದಾಳೆ.

ಬಾಲಿವುಡ್​ ಬೆಡಗಿಯ ಅಂತರಂಗದ ಮಾತು ಬಹಿರಂಗ..!

ಯೆಸ್​. ವಿಶ್ವಕಪ್​ ಶಮಿ ಮಾಡ್ತಿರೋ ಮೋಡಿಗೆ ಎದುರಾಳಿ ಆಟಗಾರರು ಬೆಸ್ತು ಬಿದ್ರೆ, ಫ್ಯಾನ್ಸ್​ ಫುಲ್​ ಇಂಪ್ರೆಸ್​ ಆಗಿದ್ದಾರೆ. ಹೀಗೆ ಫುಲ್​ ಇಂಪ್ರೆಸ್​​ ಆಗಿರುವವರಲ್ಲಿ ಈ ಬಾಲಿವುಡ್​ ನಟಿ ಕೂಡ ಒಬ್ಬಳು. ಶಮಿ ಆಟಕ್ಕೆ ಮನಸೋತಿರೋ ಈಕೆ ಇದೀಗ ಅಂತರಂಗದ ಮಾತನ್ನ ಬಹಿರಂಗ ಪಡಿಸಿದ್ದಾಳೆ. ನಿಮ್ಮನ್ನ ಮದುವೆಯಾಗಲು ನಾನು ರೆಡಿ ಎಂದಿದ್ದಾಳೆ. ಅಂದಹಾಗೆಯೇ ಹೀಗೆ ಹೇಳಿರೋ ಆ ಬೆಡಗಿಯ ಹೆಸರು ಪಾಯಲ್​ ಘೋಷ್..!

ಮದುವೆಗೆ ರೆಡಿ ಆದ್ರೆ ಕಂಡಿಷನ್​ ಅಪ್ಲೈ..!

ಶಮಿಯನ್ನ ಮದುವೆಯಾಗಲು ರೆಡಿ ಅಂದಿರುವ ಬಾಲಿವುಡ್​ ಬೆಡಗಿ ಪಾಯಲ್​ ಘೋಷ್​ ಒಂದು ಕಂಡಿಷನ್​ ಬೇರೆ ಹಾಕಿದ್ದಾಳೆ. ಇಂಗ್ಲೀಷ್​ ಚಾಲೆಂಜ್​ನಲ್ಲಿ ಶಮಿ ಗೆಲ್ಬೇಕಂತೆ. ಹೌದು..! ಶಮಿ ತನ್ನ ಇಂಗ್ಲೀಷ್​ ಅನ್ನ ಇಂಪ್ರೂವ್​ ಮಾಡಿಕೊಂಡ್ರೆ, ಮಾತ್ರ ವಿವಾಹಕ್ಕೆ ಪಾಯಲ್ ಘೋಷ್​​ ರೆಡಿಯಂತೆ. ಹೀಗಂತ ಅಧಿಕೃತ ಸೋಷಿಯಲ್​ ಮೀಡಿಯಾ ಅಕೌಂಟ್​ಗಳಲ್ಲಿ ಪೋಸ್ಟ್​ ಮಾಡಿದ್ದಾಳೆ.

ಯಾರು ಈ ಪಾಯಲ್​ ಘೋಷ್​.?

ಈ ಪ್ರಶ್ನೆ ನಿಮ್ಮನ್ನ ಈಗಾಗಲೇ ಕಾಡಿರುತ್ತೆ ಬಿಡಿ. ಪಾಯಲ್​ ಘೋಷ್ ಪ್ರಯಾಣಮ್​, ಪಟೇಲ್​ ಕಿ ಪಂಜಾಬಿ ಶಾದಿ, ಫೈರ್​ ಆಫ್​ ಲವ್​, ಮಿಸ್ಟರ್​​ ರಾಸ್ಕಲ್​ ಹೀಗೆ ಹಲವು ಚಿತ್ರಗಳಲ್ಲಿ ನಟಿಸುವ ನಟಿ. ಕನ್ನಡದಲ್ಲೂ ವರ್ಷಧಾರೆ ಅನ್ನೋ ಒಂದು ಚಿತ್ರದಲ್ಲೂ ಪಾಯಲ್​ ಘೋಷ್​ ಸ್ಕ್ರೀನ್​ ಶೇರ್​ ಮಾಡಿದ್ದಾಳೆ. ಆದ್ರೆ, ಈಕೆ ಚಿತ್ರದಲ್ಲಿ ನಟಿಸಿದ್ದಕ್ಕಿಂತ ಕಾಂಟ್ರವರ್ಸಿ ಹಾಗೂ ಪೊಲಿಟಕ್ಸ್​ನಿಂದಲೇ ಸುದ್ದಿಯಾಗಿದ್ದೇ ಹೆಚ್ಚು.

ಬಾಲಿವುಡ್​ ಡೈರೆಕ್ಟರ್​​ ಅನುರಾಗ್​ ಕಶ್ಯಪ್​ ವಿರುದ್ಧ ಇದೇ ಪಾಯಲ್​, ಈ ಹಿಂದೆ ಅತ್ಯಾಚಾರದ ಆರೋಪ ಮಾಡಿದ್ರು. ಅದ್ರ ಕೇಸ್​ ಇನ್ನೂ ನಡೀತಾಲೆಯಿದೆ. ಜೊತೆಗೆ ರಾಮಾದಾಸ್ ಅಠಾವಳೆಯ ರಿಪಬ್ಲಿಕನ್​ ಪಾರ್ಟಿ ಆಫ್​ ಇಂಡಿಯಾ ಪಕ್ಷದಲ್ಲೂ ಪ್ರಮುಖ ಹುದ್ದೆಯಲ್ಲಿ ಪಾಯಲ್​ ಇರೋದ್ರಿಂದ ಆಗಾಗ ಸುದ್ದಿಯಾಗ್ತಲೆ ಇರ್ತಾಳೆ.

ಅದೇನೆ ಇರಲಿ. ವೈಯಕ್ತಿಕ ಜೀವನದಲ್ಲಿ ಸಾಕಷ್ಟು ನೋವನ್ನ ಅನುಭವಿಸಿ ಮೊಹಮ್ಮದ್​ ಶಮಿ ಕಮ್​ಬ್ಯಾಕ್​ ಮಾಡಿದ್ದಾರೆ. ಸಾಲಿಡ್​ ಪರ್ಫಾಮೆನ್ಸ್​​ ನೀಡ್ತಿರೋ ಇದೆಲ್ಲದರಿಂದ ವಿಚಲಿತರಾಗದೇ ಟೂರ್ನಿಯಲ್ಲಿ ಅದೇ ಫಾರ್ಮ್​ ಮುಂದುವರೆಸಲಿ. ಟೀಮ್​ ಇಂಡಿಯಾದ ಗೆಲುವಿಗೆ ಕಾರಣರಾಗಲಿ ಅನ್ನೋದು ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ