ಅಮ್ಮನ ಆಸೆ ಬೇರೇನಿಲ್ಲ ಬರೀ 10 ಕೆ.ಜಿ ಟೊಮಾಟೊ ಅಷ್ಟೇ

ದುಬೈನಿಂದ ವಿಮಾನದಲ್ಲಿ ಬಂತು ಅಮ್ಮನಿಗಾಗಿ ಟೊಮಾಟೊ

ಅಮ್ಮನ ಆಸೆ ಈಡೇರಿಸಿದ ಮಗಳು.. ಈ ಸ್ಟೋರಿ ಸಖತ್ತಾಗಿದೆ

ತಾಯಿ ಏನನ್ನೂ ಆಸೆ ಪಡುವವಳಲ್ಲ. ಒಂದು ವೇಳೆ ಆಸೆ ಪಟ್ಟರೆ ಅದು ಮಕ್ಕಳಿಗಾಗಿ ಮತ್ತು ಕುಟುಂಬಕ್ಕಾಗಿಯೇ ಹೊರತು ಮತ್ತೇನಕ್ಕಲ್ಲ. ಆದರೆ ಇಲ್ಲೊಂದು ಮುಗ್ಧ ಹೃದಯ ತನ್ನ ದುಬೈನಲ್ಲಿರುವ ಮಗಳ ಜೊತೆ ತನ್ನಾಸೆಯನ್ನ ಹೇಳಿಕೊಂಡಿದೆ. ಅದೇನು ಗೊತ್ತಾ? ಈ ಸ್ಟೋರಿ ಪೂರ್ತಿ ಓದಿ.

ದುಬೈನಲ್ಲಿ ಸೆಟಲ್​ ಆಗಿದ್ದ ಮಗಳೊಬ್ಬಳು ರಜೆಗೆ ತನ್ನ ಮಕ್ಕಳೊಂದಿಗೆ ಊರಿಗೆ ಬರಲು ಮುಂದಾಗಿದ್ದಾಳೆ. ಈ ವೇಳೆ ತನ್ನ ತಾಯಿಗೆ ಕರೆ ಅಮ್ಮ ನಿನಗೇನು ಬೇಕು? ಎಂದು ಕೇಳಿದ್ದಾಳೆ. ಅದಕ್ಕೆ ತಾಯಿ ನನಗೇನು ಬೇಡ ಟೊಮಾಟೊ ಇದ್ದರೆ ತೆಗೆದುಕೊಂಡು ಬಾ ಎಂದಿದ್ದಾರೆ. ಅದಕ್ಕೆ ತಾಯಿಯ ಆಸೆಯಂತೆ ಮಗಳು 10 ಕೆ.ಜಿ ಟೊಮಾಟೊ ದುಬೈನಿಂದ ತೆಗೆದುಕೊಂಡು ಬಂದಿದ್ದಾಳೆ.

ಸದ್ಯ ಈ ಸಂಗತಿ ಎಲ್ಲೆಡೆ ವೈರಲ್​ ಆಗಿದೆ. ಒಂದು ವೇಳೆ ಟೊಮಾಟೊ ಬೆಲೆ ಗಗನಕ್ಕೇರಿರದಿದ್ದರೆ ಈ ವಿಚಾರ ಸುದ್ದಿಯಾಗುತ್ತಿರಲಿಲ್ಲ. ಆದರಲ್ಲೂ ದೆಹಲಿಯಲ್ಲಿ ಇತ್ತೀಚೆಗೆ ಟೊಮಾಟೊ ಬೆಲೆ 200 ಗಡಿ ಮುಟ್ಟಿತ್ತು. ಆದರೀಗ ಭಾರತದಾದ್ಯಂತ 100 ರೂಪಾಯಿ ಆಸುಪಾಸಿನಲ್ಲಿ ಟೊಮಾಟೋ ಬೆಲೆ ಇದೆ.

My sister is coming to India from Dubai for her children's summer holidays and she asked my mum if she wanted anything from Dubai and my mother said bring 10 kilos of tomatoes. 😑😑 And so now she has packed 10kg tomatoes in a suitcase and sent it.
I mean…….

— Revs 🙂 (@Full_Meals) July 18, 2023

ಟೊಮಾಟೊ ಕುರಿತಂತೆ ಇಂತಹ ಸಾಕಷ್ಟು ಸುದ್ದಿಗಳ:ಉ ಬೆಳಕಿಗೆ ಬಂದಿವೆ. ರೈತರು ಟೊಮಾಟೊ ಕಾಯಲು ಸಿಸಿಕ್ಯಾಮೆರಾ ಇಟ್ಟ ಪ್ರಸಂಗ, ಬಾಡಿಗಾರ್ಡ್​ ನೇಮಿಸಿದ ಪ್ರಸಂಗ ಹೀಗೆ ಇದರೊಂದಿಗೆ ತಾಯಿ ತನ್ನ ಮಗಳಿಗೆ ಭಾರತದಲ್ಲಿ ಟೊಮಾಟೊ ಬೆಲೆ ಜಸ್ತಿ ಎಮದು ದುಬೈನಿಂದ ಟೊಮಾಟೊ ತರಲು ಹೇಳಿರುವುದು ಕೂಡ ವೈರಲ್​ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ