ಹಣದ ಆಸೆಗೆ ಮಗಳನ್ನು ಮಾರಾಟ ಮಾಡಿದ ತಾಯಿ

ಪ್ರಿಯಕರನೊಂದಿಗೆ ಜೀವಿಸಲು ಮಗಳಲ್ಲೇ ಮಾರಾಟ ಮಾಡಿದ ಹೆತ್ತಬ್ಬೆ

ಮತ್ತೊಬ್ಬ ಮಗನನ್ನು ಈ ತಾಯಿ ಏನು ಮಾಡಿದ್ದಾಳೆ ಗೊತ್ತಾ?

ಗಂಡನ ಸಾವಿನ ಬಳಿಕ ಹೆಂಡತಿಯೊಬ್ಬಳು ತನ್ನ ಅಪ್ರಾಪ್ತ ಮಗಳನ್ನು ದುಡ್ಡಿಗಾಗಿ ಮಾರಾಟ ಮಾಡಿ ಬಳಿಕ ಪ್ರಿಯಕರನೊಂದಿಗೆ ಪರಾರಿಯಾದ ಘಟನೆ ಜಾರ್ಖಂಡ್​ನಲ್ಲಿ ಬೆಳಕಿಗೆ ಬಂದಿದೆ.
ತಾನೇ ಹೆತ್ತ ಮಗಳನ್ನು ಎರಡುವರೆ ಲಕ್ಷಕ್ಕೆ ಬಿಹಾರದ ಮುಜಾಫರ್​ಪುರದಲ್ಲಿ ಮಾರಾಟ ಮಾಡಿದ್ದಾಳೆ. ಬಳಿಕ ದೆಹಲಿಯಲ್ಲಿ ನೆಲೆಸಿದ್ದ ಪ್ರಿಯಕರನೊಂದಿಗೆ ಓಡಿ ಹೋಗಿದ್ದಾಳೆ.

ಮಗುವಿನ ಅಜ್ಜ ಮತ್ತು ಚಿಕ್ಕಪ್ಪನ ನೀಡಿದ ದೂರಿನ ಅನ್ವಯ ಮಹಿಳೆ ಮತ್ತು ಆಕೆಯ ಪ್ರಿಯಕರನನ್ನು ಬಂಧಿಸಲಾಗಿದೆ. ಬಳಿಕ ಕೋರ್ಟ್​ಗೆ ಹಾಜರುಪಡಿಸಲಾಗಿದೆ.

ಮಹಿಳೆ ಪ್ರಾರಂಭದಲ್ಲಿ ಪುರುಷನೋರ್ವನನ್ನು ವಿವಾಹವಾಗಿ ಮುಜಾಫರ್​ ನಗರಕ್ಕೆ ಬಂದು ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು. ಈ ದಂಪತಿಗೆ 2 ಮಕ್ಕಳಿದ್ದರು. ಆದರೆ ಆಕೆಯ ಪತಿ 2 ವರ್ಷದ ಹಿಂದೆ ಸಾವನ್ನಪ್ಪಿದ್ದ. ಇದರಿಂದ ಆಕೆಗೆ ಒಂಟಿಯಾಗಿ ಜೀವನ ನಡೆಸುವುದು ಕಷ್ಟವಾಗಿತ್ತು. ಈ ವೇಳೆ ಯುವಕನೊಬ್ಬನ ಪರಿಚಯವಾಗಿತ್ತು. ಪರಿಚಯ ಪ್ರೀತಿಗೆ ತಿರುಗಿ ಆತನನ್ನು ವಿವಾಹವಾಗಲು ತೀರ್ಮಾನಿಸುತ್ತಾಳೆ.

ಮಹಿಳೆಯ ಮೊದಲ ಮಕ್ಕಳನ್ನು ನೋಡಿಕೊಳ್ಳಲು ಪ್ರಿಯಕರ ಹಿಂದೆ ಸರಿಯುತ್ತಾನೆ. ಇದರಿಂದಾಗಿ ಮಹಿಳೆ ತಾನು ಜನ್ಮ ಕೊಟ್ಟ ಹೆಣ್ಣು ಮಗಳನ್ನು ಮಾರಾಟ ಮಾಡಲು ಮುಂದಾಗುತ್ತಾಳೆ. ಮಗನನ್ನು ಖಾಸಗಿ ಹಾಸ್ಟೇಲ್​ನಲ್ಲಿ ಬಿಟ್ಟು ಪ್ರಿಯಕರನನ್ನು ವಿವಾಹವಾಗುತ್ತಾಳೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ