ಮಾಜಿ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿಗೆ ಕೋಚ್​ ಇಟ್ಟ ನಿಕ್​ ನೇಮ್

ಧೋನಿ ಕರೆದ್ರೆ ಸುಮ್ಮನಿರ್ತಾರೆ, ಬೇರೆಯವರು ಕರೆದ್ರೆ ಫುಲ್ ಗರಂ

ಆ ನಿಕ್​ ನೇಮ್ ಸ್ಟಂಪ್​ ಮೈಕ್​ನಲ್ಲಿ ರೆಕಾರ್ಡ್​ ಆಗಿ ಈಗ ವೈರಲ್​..!

ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​, ರನ್​ ಮೆಷಿನ್ ವಿರಾಟ್​ ಕೊಹ್ಲಿಗೆ ಚೀಕು ಎಂಬ ನಿಕ್​ ನೇಮ್​ ಬಂದಿದ್ದೇಗೆ ಎನ್ನುವುದೇ ಇವತ್ತಿನ ಸಖತ್​ ಸ್ಟೋರಿಯ ಎಳೆ.

ಕಿಂಗ್​ ಕೊಹ್ಲಿ, ರನ್​ಮಷೀನ್​, ಚೇಸ್​ ಮಾಸ್ಟರ್​, ಡೆಲ್ಲಿ ಡ್ಯಾಶರ್​… ಒಂದಾ..? ಎರಡಾ.? ಟೀಮ್​ ಇಂಡಿಯಾ ಮಾಜಿ ನಾಯಕ ವಿರಾಟ್​ ಕೊಹ್ಲಿಯನ್ನ ಕ್ರಿಕೆಟ್​​ ಜಗತ್ತು ಹಲವು ಹೆಸರಿಂದ ಕರೆಯುತ್ತೆ. ಆದ್ರೆ, ಇವೆಲ್ಲವುಕ್ಕಿಂತ ವಿರಾಟ್​ ಕೊಹ್ಲಿಗೆ ಆಪ್ತವಾದ ಒಂದು ಹೆಸರಿದೆ. ಅದೇ ಚೀಕು. ಧೋನಿ ಟೀಮ್​ ಇಂಡಿಯಾದಲ್ಲಿ ಕೊಹ್ಲಿಯನ್ನ ಚೀಕು ಎಂದೇ ಕರೆಯುತ್ತಿದ್ದರು. ಧೋನಿ ಕರೆಯುತ್ತಿದ್ದ ಹೆಸರು ಸ್ಟಂಪ್​ ಮೈಕ್​ನಲ್ಲಿ ರೆಕಾರ್ಡ್​ ಆದ ಮೇಲೆ ಈ ಹೆಸರು ಸಿಕ್ಕಾಪಟ್ಟೆ ಫೇಮಸ್​​​ ಆಗಿತ್ತು. ಅಸಲಿಗೆ ವಿರಾಟ್​ ಕೊಹ್ಲಿಗೆ ಈ ಹೆಸರನ್ನ ಇಟ್ಟಿದ್ದು ಯಾರು?.

ವಿರಾಟ್​ ಕೊಹ್ಲಿಯ ಕರಿಯರ್​ ಆರಂಭದ ದಿನಗಳಲ್ಲಿ ಅಜಿತ್​ ಚೌಧರಿ ದೆಹಲಿ ರಣಜಿ ತಂಡಕ್ಕೆ ಕೋಚ್​ ಆಗಿದ್ರು. ಆಗ ಹೊಸದಾಗಿ ತಂಡಕ್ಕೆ ಎಂಟ್ರಿ ಕೊಟ್ಟ ವಿರಾಟ್​ ಕೊಹ್ಲಿ ನೋಡೋಕೆ ಛಬ್ಬಿ ಛಬ್ಬಿಯಾಗಿ, ಡಿಫರೆಂಟ್​​ ಹೇರ್​​ಸ್ಟೈಲ್​ ಒಳ್ಳೆಯ ಲುಕ್​ನಲ್ಲಿದ್ದರು. ಇದನ್ನ ಗಮನಿಸಿದ ಚೌಧರಿ, ಕೊಹ್ಲಿಗೆ ಚೀಕು ಎಂದು ಕರೆಯಲು ಶುರು ಮಾಡಿದ್ರಂತೆ. ಈಗ ಅಭಿಮಾನಿಗಳು ಕೊಹ್ಲಿಯನ್ನ ಹಾಗೇ ಕರೆಯೋಕೆ ಶುರುವಿಟ್ಟುಕೊಂಡಿದ್ದು, ಇದು ಕೊಹ್ಲಿಯನ್ನ ಕೆರಳಿಸಿದೆ. ಹಲವು ಬಾರಿ ಫ್ಯಾನ್ಸ್​ ಹಾಗೇ ಕರೆದಾಗ ಕೊಹ್ಲಿ ತನ್ನ ಕೋಪವನ್ನು ಹೊರ ಹಾಕಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ