ವರ್ಷದ ಕೊನೆಗೆ ನಡೆಯಲಿರೋ 2025ರ ಐಪಿಎಲ್​​ ಮೆಗಾ ಆಕ್ಷನ್​

ಐಪಿಎಲ್​​ ಮೆಗಾ ಆಕ್ಷನ್​ಗೆ ಮುಂಬೈ ಇಂಡಿಯನ್ಸ್​ಗೆ ದೊಡ್ಡ ಆಘಾತ

ಮುಂಬೈ ಇಂಡಿಯನ್ಸ್​ ತಂಡದ ಮೊದಲ ವಿಕೆಟ್​ ಪತನ; ಯಾರದು?

2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಗೆ 6 ತಿಂಗಳು ಬಾಕಿ ಇದೆ. ವರ್ಷದ ಕೊನೆಗೆ 2025ರ ಮೆಗಾ ಆಕ್ಷನ್​ ನಡೆಯಲಿದೆ. ಈ ಮುನ್ನವೇ ಎಲ್ಲಾ ಐಪಿಎಲ್​ ತಂಡಗಳಲ್ಲೂ ಭಾರೀ ಬದಲಾವಣೆ ಆಗುತ್ತಿದೆ. ಮುಂಬೈ ಇಂಡಿಯನ್ಸ್​ ತಂಡದ ಮೊದಲ ವಿಕೆಟ್​ ಪತನವಾಗಿದೆ.

ಈ ಹಿಂದೆ ಮುಂಬೈ ಇಂಡಿಯನ್ಸ್ ತಂಡದ ಸಿಬ್ಬಂದಿ ವರ್ಗದಲ್ಲಿ ಜಾಹೀರ್​ ಖಾನ್​​ ಕಾಣಿಸಿಕೊಂಡಿದ್ದರು. ಈಗ ಹೊಸ ಹುದ್ದೆಯೊಂದಿಗೆ ಐಪಿಎಲ್​ಗೆ ಜಹೀರ್​ ಖಾನ್​ ಕಮ್​​ಬ್ಯಾಕ್​ ಮಾಡಿದ್ದಾರೆ. ಇವರು ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಮೆಂಟರ್ ಆಗಿ ಆಯ್ಕೆಯಾಗಿದ್ದಾರೆ.

ಮುಂಬೈಗೆ ಕೈ ಕೊಟ್ಟ ಜಹೀರ್​ ಖಾನ್​​

2018-2022 ರವರೆಗೆ ಜಹೀರ್​ ಖಾನ್​ ಮುಂಬೈ ಇಂಡಿಯನ್ಸ್ ತಂಡದ ನಿರ್ದೇಶಕರಾಗಿದ್ದರು. ಬಳಿಕ ಜಾಗತಿಕ ಅಭಿವೃದ್ಧಿ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸಿದ್ದರು. ಇದಾದ ನಂತರ ಇಷ್ಟು ದಿನಗಳ ಕಾಲ ಮುಂಬೈ ಇಂಡಿಯನ್ಸ್ ತಂಡದ ಬೌಲಿಂಗ್ ಕೋಚ್ ಆಗಿ ಕಾಣಿಸಿಕೊಂಡಿದ್ರು. ಈಗ ಮುಂಬೈ ಇಂಡಿಯನ್ಸ್​ಗೆ ಜಹೀರ್​ ಖಾನ್​ ಕೈ ಕೊಟ್ಟಿದ್ದು, ಎಲ್‌ಎಸ್‌ಜಿ ಮೆಂಟರ್‌ ಆಗಿ ನೇಮಕಗೊಂಡಿದ್ದಾರೆ.

ಐಪಿಎಲ್‌ 2023 ಟೂರ್ನಿ ಬಳಿಕ ಗೌತಮ್ ಗಂಭೀರ್‌ ಎಲ್‌ಎಸ್‌ಜಿ ಮೆಂಟರ್‌ ಸ್ಥಾನ ತೊರೆದು ಕೆಕೆಆರ್​​​ ತಂಡ ಸೇರಿದ್ದರು. ಅಂದಿನಿಂದ ಲಕ್ನೋ ತಂಡದ ಮೆಂಟರ್​ ಸ್ಥಾನ ಖಾಲಿ ಇತ್ತು. ಮೆಂಟರ್​ ಸ್ಥಾನಕ್ಕೆ ಈಗ ಎಲ್​​ಎಸ್‌ಜಿ ಫ್ರಾಂಚೈಸಿ ಜಹೀರ್ ಖಾನ್‌ ಅವರನ್ನು ಕರೆ ತಂದಿದೆ.

ಇನ್ನು, ಈಗಾಗಲೇ ಲಕ್ನೋ ತಂಡದ ಮಾಲೀಕ ಸಂಜೀವ್‌ ಗೋಯೆಂಕಾ ಜಹೀರ್‌ ಖಾನ್‌ಗೆ ಎಲ್‌ಎಸ್‌ಜಿ ಮೆಂಟರ್‌ ಜರ್ಸಿ ಕೊಟ್ಟು ಸ್ವಾಗತಿಸಿದ್ದಾರೆ. ಈ ಬಗ್ಗೆ ಫ್ರಾಂಚೈಸಿ ಸೋಷಿಯಲ್​ ಮೀಡಿಯಾದಲ್ಲಿ ಅಧಿಕೃತ ಘೋಷಣೆ ಮಾಡಿದೆ.

ಜಹೀರ್​ ಖಾನ್​ ಮೇಲೆ ಹೆಚ್ಚು ನಿರೀಕ್ಷೆ!

ಗೌತಮ್‌ ಗಂಭೀರ್‌ ಮೆಂಟರ್​ ಆಗಿದ್ದಾಗ ಲಕ್ನೋ ತಂಡ 2 ವರ್ಷ ಪ್ಲೇ ಆಫ್​​ ತಲುಪಿತ್ತು. ಬಳಿಕ ಗಂಭೀರ್‌ ಕೆಕೆಆರ್‌ ತಂಡ ಸೇರಿಕೊಂಡರು. ಎಲ್‌ಎಸ್‌ಜಿ ತಂಡ ಕಳೆದ ಐಪಿಎಲ್‌ ಟೂರ್ನಿಯಲ್ಲಿ ಪ್ಲೇ-ಆಫ್ಸ್‌ ತಲುಪಲು ವಿಫಲವಾಯಿತು. ಹಾಗಾಗಿ ಹಳಿ ತಪ್ಪಿರುವ ಲಕ್ನೋ ತಂಡವನ್ನು ಜಹೀರ್‌ ಖಾನ್‌ ಸರಿಪಡಿಸಲಿದ್ದಾರೆ ಎನ್ನುವ ನಿರೀಕ್ಷೆ ಭಾರೀ ಇದೆ.

ಇದನ್ನೂ ಓದಿ: ಕನ್ನಡಿಗನಿಗೆ ಮತ್ತೊಂದು ಶಾಕ್​​; KL ರಾಹುಲ್​​ ಬಗ್ಗೆ ಮಹತ್ವದ ಅಪ್ಡೇಟ್​ ಕೊಟ್ಟ ಲಕ್ನೋ ತಂಡದ ಮಾಲೀಕ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ