ತೆಲುಗು ಸ್ಟಾರ್ ಅಕ್ಕಿನೇನಿ ನಾಗಾರ್ಜುನ್ ಎನ್ ಕನ್ವೆನ್ಷನ್ ಹಾಲ್ ನೆಲಸಮ

10 ಎಕರೆ ಜಾಗದಲ್ಲಿ ಅಕ್ರಮವಾಗಿ ಕಟ್ಟಿದ್ದ ಕಟ್ಟಡ ಕೆಡವಿದ ತೆಲಂಗಾಣ ಸರ್ಕಾರ

ಅಕ್ರಮವಾಗಿ, ನಿಯಮಗಳನ್ನು ಗಾಳಿಗೆ ತೂರಿ ನಿರ್ಮಾಣವಾಗಿತ್ತಾ ಈ ಕಟ್ಟಡ..?

ಹೈದ್ರಾಬಾದ್: ತೆಲುಗು ಸೂಪರ್​ಸ್ಟಾರ್ ಅಕ್ಕಿನೇನಿ ನಾಗಾರ್ಜುನ್​​ಗೆ ಸಂಬಂಧಿಸಿದ್ದ, 10 ಎಕರೆಯಲ್ಲಿ ನಿರ್ಮಾಣವಾಗಿದ್ದ ಕಟ್ಟಡಗಳನ್ನು ತೆಲಂಗಾಣ ಸರ್ಕಾರ ನೆಲಸಮಗೊಳಿಸಿದೆ. ಅನೇಕ ರೀತಿಯ ಕಾನೂನುಗಳನ್ನು ಉಲ್ಲಂಘಿಸಿ ಈ ಕಟ್ಟಡಗಳನ್ನು ಕಟ್ಟಲಾಗಿತ್ತು ಎಂಬ ಆರೋಪದ ಮೇಲೆ ಸುಮಾರು 10 ಎಕರೆಯಲ್ಲಿ ಸ್ಥಾಪನೆಗೊಂಡಿದ್ದ ನಾಗರ್ಜುನ್ ಅವರ ಕನ್ವೆನ್ಷನ್ ಸೆಂಟರ್​ನ್ನು ನೆಲಸಮಗೊಳಿಸಲಾಗಿದೆ.

ಇದನ್ನೂ ಓದಿ: ವಿದೇಶ ಸುತ್ತುತ್ತಾ ವ್ಲಾಗ್ ಮಾಡೋ ಮಾ ಡಾ. ಬ್ರೋ; ಒಂದು ತಿಂಗಳಿಗೆ ದುಡಿಯೋ ಹಣ ಎಷ್ಟು..?

ತಮ್ಮಿಡು ಕುಂಟಾ ಕೆರೆಯ ಬಳಿ ನಿರ್ಮಾಣವಾಗಿದ್ದ ಈ ಕನ್ವೆನ್ಷನ್ ಸೆಂಟರ್ ಹಲವು ಪರಿಸರ ನಿಯಮಗಳನ್ನು ಉಲ್ಲಂಘಿಸಿತ್ತು ಎನ್ನುವ ಆರೋಪದ ಮೇಲೆ ನೆಲಸಮಗೊಳಿಸಲಾಗಿದೆ.

ಇಷ್ಟೆಲ್ಲಾ ಆದರೂ ಕೂಡ ತೆಲುಗು ಸೂಪರ್​ಸ್ಟಾರ್ ಅಕ್ಕಿನೇನಿ ನಾಗಾರ್ಜುನ್ ಅವರು ಕಟ್ಟಿದ್ದ ಕನ್ವೆನ್ಷನ್ ಸೆಂಟರ್ ಹಲವು ಐಷಾರಾಮಿ ಕಾರ್ಯಕ್ರಮಗಳಿಗೆ ಹೇಳಿ ಮಾಡಿಸದಂತ ಸ್ಥಳವಾಗಿತ್ತು ಮತ್ತು ಅಷ್ಟೇ ಜನಪ್ರಿಯತೆಯನ್ನು ಪಡೆದಿತ್ತು. ಮದುವೆ ಕಾರ್ಪೋರೇಟ್​ ಮೀಟಿಂಗ್​ ಇವೆಂಟ್​ಗಳು ಸೇರಿದಂತೆ ಹಲವು ಸಮಾರಂಭಗಳು ಅಲ್ಲಿ ನಡೆಯುತ್ತಿದ್ದವು.

ಇದನ್ನೂ ಓದಿ: ಒಂದೊಂದು ರೂಪಾಯಿಗೂ ಪರದಾಡ್ತಿರೋ ಪಾಕ್​ಗೆ ಮತ್ತೊಂದು ಸಂಕಷ್ಟ; ಏನದು?

ಸದ್ಯ ಅವರ ಕಟ್ಟಡ ನೆಲಸಮಗೊಂಡಿದ್ದಕ್ಕೆ ನಾಗಾರ್ಜುನ್ ತಮ್ಮ ಎಕ್ಸ್ ಖಾತೆಯಲ್ಲಿ ಬೇಸರವ್ಯಕ್ತಪಡಿಸಿದ್ದಾರೆ. ಎನ್ ಕನ್ವೆನ್ಷನ್ ಹಾಲ್​ ಅನ್ನು ನೆಲಸಮಗೊಳಿಸಿದ್ದು ಅಕ್ಷರಶಃ ಕಾನೂನು ಬಾಹಿರ, ಕೋರ್ಟ್​​ನಿಂದ ಸ್ಟೇ ತಂದಿದ್ದ ಕಟ್ಟಡವನ್ನು ನೆಲಸಮಗೊಳಿಸಲಾಗಿದೆ. ಒಂದೇ ಒಂದು ನೋಟಿಸ್ ಕೂಡ ನೀಡದೆ ಬೆಳ್ಳಂ ಬೆಳಗ್ಗೆ ಕನ್ವೆನ್ಷನ್ ಹಾಲ್ ಅ​ನ್ನು ಧ್ವಂಸಗೊಳಿಸಲಾಗಿದೆ. ಒಂದೇ ಒಂದು ಇಂಚು ಜಾಗದಲ್ಲಿಯೂ ಅಕ್ರಮವಾಗಿ ಕಟ್ಟಡ ಕಟ್ಟಿಲ್ಲ. ಇದು ಅಕ್ಷರಶಃ ಕಾನೂನು ಬಾಹಿರ ನಡುವಳಿಕೆ ಎಂದು ಆಕ್ರೋಶ ಹೊರಹಾಕಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ