ಜಪಾನ್​ನಲ್ಲಿ ಕೆಜಿಎಫ್, ಯಶ್​ ಕುರಿತ ವಿಶೇಷ ಮ್ಯಾಗ್​ಜಿನ್​ ಬಿಡುಗಡೆ

ರಜಿನಿಕಾಂತ್ ನಟನೆಯ ‘ಲಾಲ್ ಸಲಾಮ್’ ಚಿತ್ರದ ಶೂಟಿಂಗ್ ಕಂಪ್ಲಿಟ್

ಮೃಣಾಲ್ ಠಾಕುಲ್, ನಾನಿ ನಟನೆಯ 'ಹಾಯ್ ನಾನ್ನ' ಟೀಸರ್ ರಿಲೀಸ್​​

ಜಪಾನ್​ನಲ್ಲಿ ಯಶ್​ ಮ್ಯಾಗ್​ಜಿನ್

ಯಶ್​ ನಟನೆಯ ಕೆಜಿಎಫ್​ ಸಿನಿಮಾ ಜಪಾನ್​ನಲ್ಲಿ ಬಿಡುಗಡೆಯಾಗುತ್ತಿದೆ. ಜುಲೈ 14ಕ್ಕೆ ಕೆಜಿಎಫ್ ಚಾಪ್ಟರ್ 1 ಮತ್ತು ಕೆಜಿಎಫ್ ಚಾಪ್ಟರ್ 2 ಚಿತ್ರಗಳು ಒಟ್ಟಿಗೆ ತೆರೆಗೆ ಬರ್ತಿದ್ದು, ಮೊದಲ ದಿನ 170ಕ್ಕೂ ಅಧಿಕ ಶೋಗಳು ನಿಗದಿಯಾಗಿವೆ. ಈ ನಡುವೆ ಜಪಾನ್​ನಲ್ಲಿ ಕೆಜಿಎಫ್ ಹಾಗೂ ಯಶ್​ ಕುರಿತು ವಿಶೇಷವಾದ ಮ್ಯಾಗ್​ಜಿನ್​ ಬಿಡುಗಡೆಯಾಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಗಮನ ಸೆಳೆಯುತ್ತಿದೆ.

ಪಾಸ್​ಪೋರ್ಟ್​ ಇಲ್ಲದೇ ಬಂದ KGF ನಟಿ

ಕೆಜಿಎಫ್​ ಖ್ಯಾತಿಯ ನಟಿ ಮೌನಿ ರಾಯ್​ ಪಾಸ್​ಪೋರ್ಟ್​ ಏರ್​ಪೋರ್ಟ್​ಗೆ ಬಂದ ಘಟನೆ ನಡೆದಿದೆ. ದೂರದ ಪ್ರಯಾಣಕ್ಕಾಗಿ ಮುಂಬೈ ಏರ್​ಪೋರ್ಟ್​ಗೆ ಬಂದ ಮೌನಿ ರಾಯ್, ಅಲ್ಲಿದ್ದ ಫೋಟೋ ಜರ್ನಲಿಸ್ಟ್​ಗಳಿಗೆ ಕೈ ಬೀಸಿ ಏರ್​ಪೋರ್ಟ್​ ಪ್ರವೇಶಿಸಲು ಮುಂದಾದರು. ಆದ್ರೆ ಪ್ರವೇಶದ್ವಾರದಲ್ಲಿ ಸಿಬ್ಬಂದಿ ಪಾಸ್​ಪೋರ್ಟ್​ ತೋರಿಸುವಂತೆ ಸೂಚಿಸಿದರು. ಬ್ಯಾಗ್​ ಪೂರ್ತಿ ಹುಡುಕಾಡಿದರೂ ಮೌನಿ ರಾಯ್​ಗೆ ಪಾಸ್​ ಪೋರ್ಟ್​ ಸಿಕ್ಕಿಲ್ಲ. ಹಾಗಾಗಿ ಅವರಿಗೆ ವಿಮಾನ ನಿಲ್ದಾಣದಲ್ಲಿ ಪ್ರವೇಶ ನಿರ್ಬಂಧಿಸಲಾಯಿತು. ಬೇರೆ ಆಯ್ಕೆ ಇಲ್ಲದೇ ಮೌನಿ ರಾಯ್​ ವಾಪಸ್​ ಮನೆ ಕಡೆ ಹೊರಟರು.

ಲಾಲ್ ಸಲಾಮ್ ಮುಗಿಸಿದ ರಜಿನಿಕಾಂತ್

ಮಗಳು ಐಶ್ವರ್ಯ ನಿರ್ದೇಶಿಸುತ್ತಿರುವ ಲಾಲ್ ಸಲಾಮ್ ಚಿತ್ರದ ಶೂಟಿಂಗ್ ಮುಗಿಸಿದ್ದಾರೆ ಸೂಪರ್​ಸ್ಟಾರ್​ ರಜಿನಿಕಾಂತ್. ಐಶ್ವರ್ಯ ಆ್ಯಕ್ಷನ್ ಕಟ್ ಹೇಳುತ್ತಿರುವ ಲಾಲ್ ಸಲಾಮ್ ಚಿತ್ರದಲ್ಲಿ ರಜಿನಿಕಾಂತ್ ಮೊಯಿದ್ದಿನ್ ಖಾನ್ ಎನ್ನುವ ಅತಿಥಿ ಪಾತ್ರ ಮಾಡಿದ್ದು, ರಿಸೆಂಟ್​ ಆಗಿ ತಮ್ಮ ಭಾಗದ ಸಂಪೂರ್ಣ ಚಿತ್ರೀಕರಣ ಮುಗಿಸಿದ್ದಾರೆ. ಈ ಫೋಟೋವನ್ನ ಸ್ವತಃ ಐಶ್ವರ್ಯ ಅವರೇ ಶೇರ್ ಮಾಡಿದ್ದು, ಅಪ್ಪನಿಗೆ ಥ್ಯಾಂಕ್ಸ್ ಹೇಳಿದ್ದಾರೆ.

ಸ್ಟಾರ್​ ನಟನ ಚಿತ್ರದಿಂದ ರಶ್ಮಿಕಾ ಔಟ್!

ತೆಲುಗು ನಟ ನಿತೀನ್ ಹಾಗೂ ವೆಂಕಿ ಕುಡುಮಲಾ ಕಾಂಬಿನೇಷನ್​ನಲ್ಲಿ ಬರ್ತಿರೋ ಚಿತ್ರದಿಂದ ರಶ್ಮಿಕಾ ಮಂದಣ್ಣ ಹಿಂದೆ ಸರಿದಿದ್ದಾರೆ ಎನ್ನಲಾಗಿದೆ. ಬ್ಯಾಕ್ ಟು ಬ್ಯಾಕ್ ದೊಡ್ಡ ಪ್ರಾಜೆಕ್ಟ್​ಗಳಲ್ಲಿ ರಶ್ಮಿಕಾ ನಟಿಸುತ್ತಿರುವ ಕಾರಣ ಡೇಟ್ ಸಮಸ್ಯೆಯಾಗ್ತಿದ್ದು, ಈ ಕಾರಣದಿಂದ ರಶ್ಮಿಕಾ ಈ ಸಿನಿಮಾವನ್ನು ಕೈ ಬಿಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. ಮತ್ತೊಂದೆಡೆ ರಶ್ಮಿಕಾ ಅವರನ್ನ ಚಿತ್ರತಂಡ ಬೇಕು ಅಂತಾಲೇ ತೆಗೆದುಹಾಕಿದೆ ಎನ್ನುವ ಸುದ್ದಿಯೂ ಚರ್ಚೆಯಲ್ಲಿದೆ.

ಗಮನ ಸೆಳೆದ ನಾನಿ-ಮೃಣಾಲ್ ಟೀಸರ್​

ಸೀತಾರಾಮಮ್ ಚಿತ್ರದೊಂದಿಗೆ ನ್ಯಾಷನಲ್ ಕ್ರಶ್ ಎನಿಸಿಕೊಂಡ ನಟಿ ಮೃಣಾಲ್ ಠಾಕುಲ್ ತೆಲುಗು ನಟ ನಾನಿ ಜೊತೆ ‘ಹಾಯ್ ನಾನ್ನ’ ಎನ್ನುವ ಹೊಸ ಚಿತ್ರ ಮಾಡ್ತಿದ್ದು, ಟೀಸರ್ ಬಿಡುಗಡೆಯಾಗಿದೆ. ಅಪ್ಪ-ಮಗಳ ಎಮೋಷನ್ ಕಥಾಹಂದರ ಹೊಂದಿರುವ ಈ ಟೀಸರ್​ ಈಗ ಸೋಶಿಯಲ್ ಮೀಡಿಯಾ ಟ್ರೆಂಡಿಂಗ್ ವಿಡಿಯೋ ಆಗಿದೆ. ಶೌರ್ಯ ಈ ಚಿತ್ರ ನಿರ್ದೇಶಿಸ್ತಿದ್ದು, ಡಿಸೆಂಬರ್​ನಲ್ಲಿ ತೆರೆಗೆ ಬರುತ್ತಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ