ರಚಿನ್​ ರವೀಂದ್ರನ ಹಾರ್ಡ್​​ವರ್ಕ್​ನಿಂದ ಇವತ್ತು ಆ ಸ್ಥಾನದಲ್ಲಿ ಇದ್ದಾನೆ

ರಚಿನ್​ಗೆ ಅಜ್ಜಿ ಮಾಡೋ ದೋಸೆ, ಬೋಂಡಾ ಎಂದರೆ ತುಂಬಾ ಇಷ್ಟವಂತೆ

ಕರ್ನಾಟಕ, ಬೆಂಗಳೂರು ಎಂದರೆ ರಚಿನ್​ ರವೀಂದ್ರಗೆ ತುಂಬಾ ಅಭಿಮಾನ

ದೀಪಾವಳಿ ಹಬ್ಬದ ಜೊತೆಗೆ ಪಟಾಕಿಗಳ ಸೌಂಡ್ ಕೂಡ ಜೋರಾಗಿದೆ. ಟೀಮ್ ಇಂಡಿಯಾ ನೆದರ್​ಲ್ಯಾಂಡ್ಸ್​ ವಿರುದ್ಧ ಗೆದ್ದು ಭಾರತೀಯರಿಗೆ ದೀಪಗಳ ಹಬ್ಬದ ಗಿಫ್ಟ್ ಕೊಟ್ಟಿತ್ತು. ಸದ್ಯ 2023ರ ವಿಶ್ವಕಪ್​ ಸೆಮಿಸ್​ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ರೋಹಿತ್ ಪಡೆ ವಾಂಖೆಡೆಯಲ್ಲಿ ಕಣಕ್ಕೆ ಇಳಿಯುತ್ತಿದೆ. ಎದುರಾಳಿ ಕಿವೀಸ್​ ಪಡೆಯಲ್ಲಿ ಭಾರತೀಯ ಹಾಗೂ ಬೆಂಗಳೂರು ಹುಡುಗ ರಚಿನ್ ರವೀಂದ್ರ ಆಲ್​ ರೌಂಡರ್ ಪ್ರದರ್ಶನ ನೀಡಲಿದ್ದಾರೆ. ಈ ಬಗ್ಗೆ ರಚಿನ್ ಅವರ ಅಜ್ಜ-ಅಜ್ಜಿ ನ್ಯೂಸ್​ಫಸ್ಟ್​ ಜೊತೆ ಮಾತನಾಡಿ, ಯಾವ ಟೀಮ್​​ಗೆ ಸಪೋರ್ಟ್ ಮಾಡುವುದಾಗಿ ಹೇಳಿದ್ದಾರೆ ಗೊತ್ತಾ?.

ವರ್ಲ್ಡ್​ಕಪ್​ನಲ್ಲಿ 3 ಬಾರಿ ಸೆಮಿಸ್​​ಗೆ ಬಂದು ಕಿವೀಸ್ ಯಾವುದೋ ಕಾರಣದಿಂದ ಮುಗ್ಗರಿಸುತ್ತಿದ್ದಾರೆ. ಈ ಬಾರಿ ಭಾರತ ಸೆಮಿಸ್ ಗೆಲ್ಲಬೇಕು ಎನ್ನುವುದು ನಮ್ಮ ಆಸೆ. ಇದರ ಜೊತೆಗೆ ಎಲ್ಲೋ ಒಂದು ಕಡೆ ನ್ಯೂಜಿಲೆಂಡ್ ಕೂಡ ಗೆಲ್ಲುತ್ತದೆ ಎಂಬ ಆಶಾಭಾವನೆ ಇದೆ. ನ್ಯೂಜಿಲೆಂಡ್​ನಲ್ಲಿ ಆಡುತ್ತಿರುವ ರಚಿನ್​ ರವೀಂದ್ರನ ಪ್ರದರ್ಶನ ಚೆನ್ನಾಗಿರಬೇಕು. ಭಾರತ ಗೆದ್ದರೂ ಮೊಮ್ಮಗನ ಆಟ ಅದ್ಭುತವಾಗಿರಬೇಕು ಎಂದು ಅವರ ಅಜ್ಜ ಹೇಳಿದ್ದಾರೆ.

ತಂದೆಯ ಎಲ್ಲ ಪಾಯಿಂಟ್ಸ್​​ ಕರೆಕ್ಟ್​ ಆಗಿ ಕ್ಯಾಚ್ ಮಾಡಿದ್ದಾನೆ

ರಾಷ್ಟ್ರೀಯವಾಗಿ ನಾನು ಭಾರತಕ್ಕೆ ಸಪೋರ್ಟ್ ಮಾಡುತ್ತಿದ್ದೇನೆ. ಆದರೆ ವೈಯಕ್ತಿಕವಾಗಿ ನನ್ನ ಮೊಮ್ಮಗ ಚೆನ್ನಾಗಿ ಆಡಬೇಕು. ಹಾಗಂತ ಕಿವೀಸ್​ ಸೋಲಬೇಕು ಅಂತೇನಿಲ್ಲ. ಆ ಟೀಮ್ ಕೂಡ ಗೆಲ್ಲಬಹುದು. ಅವನ ತಂದೆಯ ಪರಿಶ್ರಮ ಹಾಗೂ ರಚಿನ್​ನ ಹಾರ್ಡ್​​ವರ್ಕ್​ ಸೇರಿ ಇವತ್ತು ಆ ಸ್ಥಾನದಲ್ಲಿ ಮೊಮ್ಮಗ ಇದ್ದಾನೆ. ತಂದೆಯ ಎಲ್ಲ ಪಾಯಿಂಟ್ಸ್​​ ಕರೆಕ್ಟ್​ ಆಗಿ ಕ್ಯಾಚ್ ಮಾಡಿ ಕ್ರಿಕೆಟ್ ಆಡಿ ಪಳಗಿದ್ದಾನೆ. 6 ವರ್ಷದವನಿದ್ದಾಗಿಂದ ಕ್ರಿಕೆಟ್​​ ಅನ್ನೇ ಆಡುತ್ತಿದ್ದಾನೆ. ವರ್ಷಕ್ಕೆ ಒಮ್ಮೆ ಮಾತ್ರ ಬೆಂಗಳೂರಿಗೆ ಬಂದು ಸ್ಟೇಡಿಯಂಗೆ ಭೇಟಿ ಕೊಡುತ್ತಿದ್ದ ಎಂದು ಅಜ್ಜಿ ಹೇಳಿದ್ದಾರೆ.

​ಅವರ ತಂದೆಗೆ ರಾಹುಲ್​ ದ್ರಾವಿಡ್, ಸಚಿನ್ ಎಂದರೆ ತುಂಬಾ ಪ್ರೀತಿ ಇತ್ತು. ಹೀಗಾಗಿ ರಚಿನ್ ಎಂದು ಹೆಸರಿಟ್ಟಿದ್ದಾರೆ. ರಚಿನ್​ಗೆ ಕನ್ನಡ ಫ್ಲೂಯೆಂಟ್​ ಆಗಿ ಮಾತನಾಡಲು ಆಗಲ್ಲ. ಆದ್ರೆ ನಾವು ಕನ್ನಡ ಮಾತನಾಡಿದ್ರೆ ಜೊತೆಯಾಗಿ ಮಾತನಾಡುತ್ತಾನೆ. ರಚಿನ್​ಗೆ ಅಜ್ಜಿ ಮಾಡೋ ದೋಸೆ, ಬೋಂಡಾ ಎಂದರೆ ತುಂಬಾ ಇಷ್ಟ. ರಚಿನ್​ದು ಸಾಫ್ಟ್​ ನೇಚರ್. ಕರ್ನಾಟಕ, ಬೆಂಗಳೂರು ಎಂದರೆ ರಚಿನ್​ಗೆ ತುಂಬಾ ಅಭಿಮಾನ ಇದೆ. ಈಗಿನ ಜನರೇಷನ್​ಗೆ ಫುಲ್​ ಫ್ರಿಡಂ ಬಿಟ್ಟಿದ್ದೇವೆ. ಎಲ್ಲಿಯಾದರೂ ಚೆನ್ನಾಗಿರೋ ಹುಡುಗಿನ ಮದುವೆ ಆಗಲಿ. ಈ ಸೆಮಿಸ್​​ನಲ್ಲಿ ಭಾರತ-ನ್ಯೂಜಿಲೆಂಡ್​ ಎರಡರಲ್ಲಿ ಒಂದು ಗೆದ್ದು ಫೈನಲ್​ಗೆ ಬಂದ್ರೆ ನಮಗೆ ಸಮಸ್ಯೆ ಇಲ್ಲ. ಒಂದು ವೇಳೆ ಕಿವೀಸ್​ ಗೆದ್ದರೇ ಅದಕ್ಕೆ ಸಪೋರ್ಟ್ ಮಾಡುತ್ತೇವೆ ಎಂದು ರಚಿನ್ ಅವರ ಅಜ್ಜ, ಅಜ್ಜಿ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ