ದೆಹಲಿಯಲ್ಲಿ ನಡೆದ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ

ಎಕ್ಸ್​ಚೇಂಜ್ ಫಾರ್ ಮೀಡಿಯಾ ನೀಡುವ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ

8 ಪ್ರಶಸ್ತಿಯನ್ನು​ ತನ್ನದಾಗಿಸಿಕೊಂಡ ನ್ಯೂಸ್​​ಫಸ್ಟ್​ ಚಾನೆಲ್​

ನವದೆಹಲಿ: ನ್ಯೂಸ್​ಫಸ್ಟ್​ ಕನ್ನಡ ಚಾನೆಲ್​ಗೆ ರಾಷ್ಟ್ರೀಯ ಪ್ರಶಸ್ತಿ ಗರಿ ದೊರಕಿದೆ. ಎಕ್ಸ್​ಚೇಂಜ್ ಫಾರ್ ಮೀಡಿಯಾ ನೀಡುವ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಇದಾಗಿದ್ದು, 8 ಪ್ರಶಸ್ತಿಯನ್ನು​ ತನ್ನದಾಗಿಸಿಕೊಂಡಿದೆ. ಅದರಲ್ಲಿ 4 ಬಂಗಾರ ಮತ್ತು 1 ಬೆಳ್ಳಿ ಮತ್ತು 3 ಕಂಚಿನ ಪ್ರಶಸ್ತಿ ನ್ಯೂಸ್​ಫಸ್ಟ್​ ಕನ್ನಡ ಚಾನೆಲ್​ ಪಡೆದುಕೊಂಡಿದೆ.

ನವದೆಹಲಿಯಲ್ಲಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆದಿದ್ದು, ENBA-2022 ನೀಡುವ ಪ್ರಶಸ್ತಿ ಇದಾಗಿದೆ. ದಿವಂಗತ ಪುನೀತ್​ ರಾಜ್​ಕುಮಾರ್​ ನೇತ್ರದಾನ ಅಭಿಯಾನಕ್ಕೆ ಉತ್ತಮ ಸಾಮಾಜಿಕ ಕಳಕಳಿ ವಿಭಾಗದಲ್ಲಿ ಚಿನ್ನದ ಪ್ರಶಸ್ತಿಯನ್ನ ನೀಡಲಾಗಿದೆ. ಈ ಪ್ರಶಸ್ತಿಯನ್ನ ನ್ಯೂಸ್‌ಫಸ್ಟ್‌ ಎಂಡಿ & ಸಿಇಓ ಎಸ್. ರವಿಕುಮಾರ್ ಅವರು ಸ್ವೀಕರಿಸಿದ್ದಾರೆ.

ಮುರುಘಾ ಶ್ರೀ ಫೋಕ್ಸೊ ಪ್ರಕರಣ ಕುರಿತ ಸಮಗ್ರ ವರದಿಗೆ ಚಾನೆಲ್​ನ ಎಡಿಟರ್ ಇನ್‌ ಚೀಫ್ ಮಾರುತಿ ಎಸ್ ಹೆಚ್ ಅವರು ಚಿನ್ನದ ಪ್ರಶಸ್ತಿ ಸ್ವೀಕರಿಸಿದರು.

PSI ಕೇಸ್‌ ವರದಿಗೆ ಬೆಸ್ಟ್‌ ಕವರೇಜ್ ವಿಭಾಗದಲ್ಲಿ ಚೀಫ್‌ ಪ್ರೊಡ್ಯೂಸರ್ ರಮೇಶ್‌ ಬಾಬು ಅವರು ಗೋಲ್ಡ್‌ ಪ್ರಶಸ್ತಿ ಪಡೆದಿದ್ದಾರೆ. ಅದರೊಂದಿಗೆ ನ್ಯೂಸ್​​ಫಸ್ಟ್​ನ ಪ್ರತಿದಿನ ರಾತ್ರಿ 8 ಗಂಟೆಗೆ ಪ್ರಸಾರವಾಗುವ ‘ಇಂಡಿಯಾ ಫಸ್ಟ್‌’ ಕಾರ್ಯಕ್ರಮಕ್ಕೆ ಬೆಸ್ಟ್ ಪ್ರೈಮ್ ಟೈಮ್ ಶೋ ಪ್ರಶಸ್ತಿಯನ್ನ ಅಸೋಸಿಯೇಟ್‌ ಎಡಿಟರ್ ಜಫ್ರಿ ಅಯ್ಯಪ್ಪ ಪಡೆದುಕೊಂಡರು.

ಇದೇ ವೇಳೆ ಅತ್ಯುತ್ತಮ ನಿರೂಪಣ ವಿಭಾಗದಲ್ಲಿ ಪೊಲಿಟಿಕಲ್​ ಬ್ಯೂರೋ ಚೀಫ್​​ ವಿನಾಯಕ ಗಂಗೊಳ್ಳಿಯವರಿಗೆ ಬೆಳ್ಳಿ ಪ್ರಶಸ್ತಿ ನೀಡಲಾಗಿದೆ.

ನ್ಯೂಸ್​ಫಸ್ಟ್​ನ ಜಬರ್ದಸ್ತ್ ಕಾರ್ಯಕ್ರಮಕ್ಕೆ ಬೆಸ್ಟ್‌ ಕರೆಂಟ್‌ ಅಫೇರ್ಸ್‌ ಪ್ರೋಗ್ರಾಮ್ ವಿಭಾಗ, ಬೆಸ್ಟ್‌ ಅರ್ಲಿ ಪ್ರೈಮ್‌ ಶೋ ವಿಭಾಗದಲ್ಲಿ ನಾನು ನನ್ನ ಸಾಧನೆ ಕಾರ್ಯಕ್ರಮಕ್ಕೆ ಹಾಗೂ ಬೆಸ್ಟ್ ಲೇಟ್‌ ಪ್ರೈಮ್‌ ಶೋ ಎಚ್ಚರ.. ಎಚ್ಚರ ಕಾರ್ಯಕ್ರಮಕ್ಕೆ ಕಂಚಿನ ಪ್ರಶಸ್ತಿ ನ್ಯೂಸ್​​ಫಸ್ಟ್​ ಕನ್ನಡ ಪಡೆದುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ