ನಿತೀಶ್ ಸಕ್ಸಸ್​ ಸೀಕ್ರೆಟ್​ಗೆ ಕೊಹ್ಲಿ, ಪಾಂಡ್ಯ ಕಾರಣನಾ.. ಯುವ ಪ್ಲೇಯರ್​ಗೆ ದಿಗ್ಗಜರು ಸ್ಪೂರ್ತಿ ಆಗಿದ್ದು ಹೇಗೆ?

ಬಾಂಗ್ಲಾದೇಶ ವಿರುದ್ಧದ ಟಿ20 ಸರಣಿಯಲ್ಲಿ ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟಿರೋ ಆಲ್​​ರೌಂಡರ್​ ನಿತೀಶ್​ ರೆಡ್ಡಿ ಸದ್ಯದ ಸೆನ್ಸೇಷನ್​. ಬ್ಯಾಟಿಂಗ್​, ಬೌಲಿಂಗ್​ ಎರಡೂ ವಿಭಾಗಗಳಲ್ಲಿ ಮಿಂಚಿನ ಪರ್ಫಾಮೆನ್ಸ್​ ನೀಡಿದ ಆಂಧ್ರದ ಈ ಯಂಗ್ ​ಬಾಯ್​, ಡೆಬ್ಯೂ ಸರಣಿಯಲ್ಲೇ ಫ್ಯೂಚರ್​ ಸ್ಟಾರ್​ ಅನ್ನೋದನ್ನ ನಿರೂಪಿಸಿದ್ದಾರೆ. 21ನೇ ವಯಸ್ಸಿನಲ್ಲೇ ಮೋಡಿ ಮಾಡಿರುವ ಈ ಯಂಗ್​​ಸ್ಟರ್ಸ್​ ಸಕ್ಸಸ್​ ಸೀಕ್ರೆಟ್​ ವಿರಾಟ್​ ಕೊಹ್ಲಿ ಹಾಗೂ ಹಾರ್ದಿಕ್​ ಪಾಂಡ್ಯ. ಟೀಮ್​ ಇಂಡಿಯಾದ ದಿಗ್ಗಜರು ಯುವ ನಿತೀಶ್​ ಯಶಸ್ಸಿಗೆ ಕಾರಣ ಆಗಿದ್ದು ಹೇಗೆ?.

ಭಾರತೀಯ ಕ್ರಿಕೆಟ್​ನಲ್ಲಿ ಯುವ ಆಲ್​​ರೌಂಡರ್​ ನಿತೀಶ್​ ರೆಡ್ಡಿಯ ಹವಾ ಜೋರಾಗಿದೆ. ಬಾಂಗ್ಲಾ ಟೈಗರ್ಸ್​ ವಿರುದ್ಧ ಘರ್ಜಿಸಿದ ಯಂಗ್​​ಸ್ಟರ್​​​, ಟೀಮ್​ ಇಂಡಿಯಾದ ಫ್ಯೂಚರ್​ ಸ್ಟಾರ್ ಎನಿಸಿಕೊಂಡಿದ್ದಾರೆ. ಬ್ಯಾಟಿಂಗ್​, ಬೌಲಿಂಗ್​ ಎರಡರಲ್ಲೂ ಗಮನ ಸೆಳೆದ ಈ ಕ್ರಿಕೆಟರ್​​ ಸದ್ಯದ ಸೆನ್ಸೇಷನ್​.

ಇದನ್ನೂ ಓದಿ: RCBಯಿಂದ ಫ್ಯಾನ್ಸ್​ಗೆ ಗುಡ್​ನ್ಯೂಸ್.. ಕನ್ನಡಿಗ ರಾಹುಲ್​​ ಎಂಟ್ರಿಗೆ ಹಿಂಟ್ ಕೊಟ್ಟ ಮೆಂಟರ್​, ಏನದು?

18ನೇ ಸೀಸನ್​ ಐಪಿಎಲ್​ನಲ್ಲಿ ಸನ್​ರೈಸರ್ಸ್​ ಹೈದ್ರಾಬಾದ್​ ಪರ ನಿತೀಶ್​ ರೆಡ್ಡಿ ಧೂಳೆಬ್ಬಿಸಿದ್ದರು. ಐಪಿಎಲ್​ ಅಖಾಡದಲ್ಲಿ ಸಾಲಿಡ್​ ಪರ್ಫಾಮೆನ್ಸ್​ ನೀಡಿ ಗಮನ ಸೆಳೆದಿದ್ದರು. ಪರಿಣಾಮ ಟಿ20 ವಿಶ್ವಕಪ್​ ಬಳಿಕ ನಡೆದ ಜಿಂಬಾಬ್ವೆ ಪ್ರವಾಸದ ತಂಡದಲ್ಲಿ ಚಾನ್ಸ್​ ಗಿಟ್ಟಿಸಿಕೊಂಡರು. ಈಗ ಮುಕ್ತಾಯವಾದ ಬಾಂಗ್ಲಾ ಸರಣಿಯಲ್ಲ.. ಜುಲೈನಲ್ಲಾ ಜಿಂಬಾಬ್ವೆ ಟೂರ್​ನಲ್ಲೇ ಇಂಡಿಯಾಗೆ ನಿತೀಶ್​ ಡೆಬ್ಯೂ ಮಾಡಬೇಕಿತ್ತು. ಆದ್ರೆ, ಅದೃಷ್ಟ ಕೈ ಕೊಟ್ಟಿತ್ತು.

24 ಗಂಟೆಯಾಗಿರಲಿಲ್ಲ.. ಟೂರ್​​ನಿಂದಲೇ ಔಟ್​.!

ಜಿಂಬಾಬ್ವೆ ಟೂರ್​ಗೆ ನಿತೀಶ್​ ರೆಡ್ಡಿ ಸೆಲೆಕ್ಟ್​ ಆಗಿ 24 ಗಂಟೆ ಆಗಿರಲಿಲ್ಲ. ಅದಾಗಲೇ ದುರಾದೃಷ್ಟ ಬೆನ್ನು ಬಿದ್ದಿತ್ತು. ಮೊದಲ ಬಾರಿ ಟೀಮ್​ ಇಂಡಿಯಾಗೆ ಆಯ್ಕೆಯಾದ ಸಂಭ್ರಮದಲ್ಲಿದ್ದಾಗಲೇ ಶಾಕ್​ ಎದುರಾಗಿತ್ತು. ಇಂಜುರಿಗೆ ತುತ್ತಾದ ಪರಿಣಾಮ ನಿತೀಶ್​ ಟೂರ್​ನಿಂದಲೇ ಹೊರ ಬಿದ್ದರು. ಬೇರೆಯವರಾಗಿದ್ರೆ, ಮಾನಸಿಕ ಕುಗ್ಗಿ ಹೋಗ್ತಿದ್ರೋ ಏನೋ.. ಆದ್ರೆ, ನಿತೀಶ್​ ಅದಾದ 3 ತಿಂಗಳ ಅವಧಿಯಲ್ಲೇ ಕಂಪ್ಲೀಟ್​ ಫಿಟ್​ ಆಗಿ ಮತ್ತೆ ಟೀಮ್​ ಇಂಡಿಯಾದಲ್ಲಿ ಸ್ಥಾನಗಿಟ್ಟಿಸಿಕೊಂಡು ಧೂಳೆಬ್ಬಿಸಿದ್ದಾರೆ.

ಕೊಹ್ಲಿ-ಹಾರ್ದಿಕ್​ ಹಾದಿಯಲ್ಲಿ ನಿತೀಶ್​​ ರೆಡ್ಡಿ ಪಯಣ.!

ವಿಶ್ವಾದ್ಯಂತ ಅದೆಷ್ಟೋ ಯುವ ಕ್ರಿಕೆಟಿಗರ ಪಾಲಿನ ಸ್ಪೂರ್ತಿಯ ಚಿಲುಮೆ​ ಕೊಹ್ಲಿ, ಈ ನಿತೀಶ್​ ರೆಡ್ಡಿಗೂ ರೋಲ್​ ಮಾಡೆಲ್​. ಕೊಹ್ಲಿಯ ಆಟವನ್ನ ಮಾತ್ರವಲ್ಲ.. ಫಿಟ್​ನೆಸ್​ ವಿಚಾರದಲ್ಲೂ ಕಿಂಗ್ ಕೊಹ್ಲಿಯಷ್ಟೇ ಕಟ್ಟುನಿಟ್ಟು. ಕೊಹ್ಲಿಯನ್ನ ಸ್ಪೂರ್ತಿಯಾಗಿ ತೆಗೆದುಕೊಂಡ ನಿತೀಶ್​ ರೆಡ್ಡಿ ಬಿಡುವು ಸಿಕ್ಕಾಗ ಜಿಮ್​ನಲ್ಲಿಯೇ ಕಾಲ ಕಳೆತಾರಂತೆ. ವರ್ಕೌಟ್​​ ಮಾಡ್ತಾ ಬೆವರಿಳಿಸೋ ನಿತೀಶ್​ ರೆಡ್ಡಿ, ದೇಹವನ್ನ ಫಿಟ್​ ಆಗಿರಿಸಿಕೊಳ್ಳುವತ್ತ ಹೆಚ್ಚು ಗಮನ ಹರಿಸ್ತಾರೆ. ಈ ಫಿಟ್​ನೆಸ್​​ ಧ್ಯಾನ ಇಂದು ನಿತೀಶ್​ ರೆಡ್ಡಿ ಸಕ್ಸಸ್​​ನ ಗಿಫ್ಟ್​ ನೀಡಿದೆ.

ನಿತೀಶ್​ಗೆ ಹಾರ್ದಿಕ್​ ಹೇಳಿಕೊಟ್ಟಿದ್ರು ಡಯಟ್​ ಪ್ಲಾನ್​.!

ಆಲ್​ರೌಂಡ್​ ಪರ್ಫಾಮೆನ್ಸ್​ನಿಂದ ಧೂಳೆಬ್ಬಿಸಿದ ಬಳಿಕ ನಿತೀಶ್​ ರೆಡ್ಡಿಯನ್ನ ಹಾರ್ದಿಕ್​ ಪಾಂಡ್ಯ ಕಾಂಪಿಟೇಟರ್​ ಎಂದೇ ಹೇಳಲಾಗ್ತಿದೆ. ಅಸಲಿಗೆ ಈ ನಿತೀಶ್​ ರೆಡ್ಡಿಗೆ ಹಾರ್ದಿಕ್​ ಪಾಂಡ್ಯನೇ ಸ್ಪೂರ್ತಿ. ಹಾರ್ದಿಕ್​ ಹೇಳಿಕೊಟ್ಟ ಪಾಠವೇ ನಿತೀಶ್​ ರೆಡ್ಡಿಯನ್ನ ಯಶಸ್ಸಿನ ಹಾದಿಯಲ್ಲಿ ನಡೆಯುವಂತೆ ಮಾಡಿದೆ. ಫಿಟ್​ನೆಸ್​​ಗೆ ಕೊಹ್ಲಿ ಸ್ಪೂರ್ತಿಯಾದ್ರೆ, ಡಯಟ್​ ವಿಚಾರದಲ್ಲಿ ನಿತೀಶ್​ ಫಾಲೋ ಮಾಡ್ತಿರೋದು ಹಾರ್ದಿಕ್​ ಪಾಂಡ್ಯರನ್ನ.

ಇದನ್ನೂ ಓದಿ: ರಾಜ್ಯದ ಈ ಜಿಲ್ಲೆಗಳಲ್ಲಿ ಭರ್ಜರಿ ಮಳೆ.. ಹವಾಮಾನ ಇಲಾಖೆಯಿಂದ ಆರೆಂಜ್ ಅಲರ್ಟ್ ಘೋಷಣೆ

ಹಿಂದೊಮ್ಮೆ ಹಾರ್ದಿಕ್​ ಪಾಂಡ್ಯರನ್ನ ಭೇಟಿಯಾದಾಗ ನಿತೀಶ್​ ರೆಡ್ಡಿ ಡಯಟ್​ ರೂಟಿನ್​ ಬಗ್ಗೆ ಮಾತುಕತೆ ನಡೆಸಿದ್ರಂತೆ. ಆಗ ಹಾರ್ದಿಕ್​ ಪಾಂಡ್ಯ ತಾವು ಫಾಲೋ ಮಾಡೋ ಡಯಟ್​ ಪ್ಲಾನ್​ನ ಮಾಹಿತಿ ನೀಡಿದ್ರಂತೆ. ಅಂದಿನಿಂದ ಇಂದಿನವರೆಗೂ ಹಾರ್ದಿಕ್​ರ ಡಯಟ್​ ಪ್ಲಾನ್​ನ ನಿತೀಶ್​ ರೆಡ್ಡಿ ಫಾಲೋದಲ್ಲಿದ್ದಾರೆ. ಈ ಡಯಟ್​ ಪ್ಲಾನ್​ ನಿತೀಶ್​ ರೆಡ್ಡಿ ಫಿಟ್​​ನೆಸ್​ ಹಿಂದಿನ ಸೀಕ್ರೆಟ್​.

ಕೊಹ್ಲಿ-ಹಾರ್ದಿಕ್​ರನ್ನ ಸ್ಪೂರ್ತಿಯಾಗಿ ತೆಗೆದುಕೊಂಡಿರುವ ನಿತೀಶ್​ ರೆಡ್ಡಿ, ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟ ಸರಣಿಯಲ್ಲೇ ಭವಿಷ್ಯದ ಭರವಸೆಯನ್ನ ಹುಟ್ಟು ಹಾಕಿದ್ದಾರೆ. ಬ್ಯಾಟಿಂಗ್​, ಬೌಲಿಂಗ್​ ಅಷ್ಟೇ ಯಾಕೆ..? ಫಿಲ್ಡಿಂಗ್​ ಮೂಲಕ ಗಮನ ಸೆಳೆದಿದ್ದಾರೆ. ಇದೇ ಫಾರ್ಮ್​ ಹಾಗೂ ಫಿಟ್ನೆಸ್​ ಮೆಂಟೇನ್​ ಮಾಡಿದ್ರೆ, ಮುಂದೆ ವಿಶ್ವದ ಬೆಸ್ಟ್​ ಆಲ್​​ರೌಂಡರ್​ ಆಗೋದ್ರಲ್ಲಿ ಅನುಮಾನವೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ