ಅಧ್ಯಕ್ಷೀಯ ಡಿಬೆಟ್ ಕಾರ್ಯಕ್ರಮದಲ್ಲಿ ಕಮಲಾ ಹ್ಯಾರಿಸ್‌ ಬ್ಲ್ಯೂಟೂಥ್ ಬಳಸಿದ್ರಾ?

ಅಮೆರಿಕಾದ ಉಪಾಧ್ಯಕ್ಷೆಯ ಮೇಲೆ ಹುಟ್ಟಿಕೊಂಡಿರುವ ಅನುಮಾನಗಳೇನು?

ಕಮಲಾ ಹ್ಯಾರಿಸ್ ಹಾಕಿಕೊಂಡಿದ್ದು ಕೇವಲ ಇಯರ್​ ರಿಂಗಾ ಇಲ್ಲವೇ ಬ್ಲ್ಯೂಟೂಥ್?

ವಾಷಿಂಗ್ಟನ್​: ಕಳೆದ ಸೆಪ್ಟಂಬರ್ 10ರಂದು ಡೆಮಾಕ್ರಟಿಕ್ ಹಾಗೂ ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷ ಅಭ್ಯರ್ಥಿಗಳ ನಡುವೆ ಅಧ್ಯಕ್ಷೀಯ ಡಿಬೆಟ್ ನಡೀತು. ಆ ಬಳಿಕ ಕಮಲಾ ಹ್ಯಾರಿಸ್​ ಇಯರ್​ ರಿಂಗ್​ ಬಗ್ಗೆ ಹಲವು ಊಹಾಪೋಹಗಳು ಹುಟ್ಟಿಕೊಂಡಿದ್ದವು. ಕಮಲಾ ಹ್ಯಾರಿಸ್​ ಡಿಬೇಟ್​ ವೇಳೆ ಕಿವಿಯೋಲೆಯಲ್ಲಿ ಬ್ಲೂಟೂಥ್​ ಇಟ್ಟುಕೊಂಡಿದ್ದರು. ಬ್ಲ್ಯೂಟೂಥ್ ಇಟ್ಟುಕೊಂಡು ಸಂಪೂರ್ಣ ಡಿಬೆಟ್​ನಲ್ಲಿ ಭಾಗವಹಿಸಿದ್ರು ಎಂಬ ಮಾತುಗಳು ಕೇಳಿ ಬಂದಿದ್ದವು. ಈ ವಿವಾದಕ್ಕೆ ಈಗ ತೆರೆ ಬಿದ್ದಿದೆ. ಅಸಲಿಗೆ ಕಮಲಾ ಹ್ಯಾರಿಸ್ ನಿಜಕ್ಕೂ ಕಿವಿಯಲ್ಲಿ ಬ್ಲ್ಯೂಟೂಥ್ ಹಾಕಿಕೊಂಡಿದ್ರಾ ಅಥವಾ ಇಲ್ಲವ ಅನ್ನೋದರ ಬಗ್ಗೆ ಅನೇಕ ಫ್ಯಾಕ್ಟ್​ ಚೆಕ್​​ಗಳು ನಡೆದಿವೆ.

ಇದನ್ನೂ ಓದಿ: VIDEO: ಕಮಲಾ ಹ್ಯಾರಿಸ್​​ ಚುನಾವಣೆ ಪ್ರಚಾರ ಸಭೆಯಲ್ಲಿ ಡಿಸಿಎಂ ಡಿಕೆಶಿ ಭಾಗಿ; ಹೇಳಿದ್ದೇನು?

ರೈಟರ್ಸ್​ ಸುದ್ದಿ ಸಂಸ್ಥೆಯೂ ಕೂಡ ಈ ಬಗ್ಗೆ ಫ್ಯಾಕ್ಟ್​ ಚೆಕ್ ಮಾಡಿದೆ. ಸದ್ಯ ಕಮಲಾ ಹ್ಯಾರಿಸ್ ಅವರ ಇಯರ್​ ರಿಂಗ್ ದೊಡ್ಡ ಸದ್ದು ಮಾಡುತ್ತಿದೆ. ಅವರು ಇಯರ್​​ಪೀಸ್ ಇರುವ ಸ್ಮಾರ್ಟ್ ಇಯರ್​ ರಿಂಗ್ ಧರಿಸಿದ್ದರು ಅಂತ ಅವರ ಕಿವಿ ಜೂಮ್ ಮಾಡಿದ ಹಾಗೂ ಅವರ ಕಿವಿಯೋಲೆಯನ್ನು ಮಾರ್ಕ್ ಮಾಡಿದ ಫೋಟೋಗಳು ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಈ ಗಾಳಿ ಸುದ್ದಿಯ ಬೆನ್ನಟ್ಟಿದ ಮಾಧ್ಯಮ ಸಂಸ್ಥೆಗಳು ಸಂಶೋಧನೆ ಮಾಡಿದಾಗ ಕಂಡು ಬಂದ ಅಸಲಿಯತ್ತೇ ಬೇರೆ.

ಇದನ್ನೂ ಓದಿ: ಬಾಹ್ಯಾಕಾಶದಿಂದ ಸುದ್ದಿಗೋಷ್ಟಿ! ಸುನಿತಾ, ವಿಲ್ಮೋರ್ ಹೇಗೆ ಕಾಣ್ತಿದ್ದರು..? VIDEO

2013ರಲ್ಲಿಯೇ ನೋವಾ ಹೆಚ್​1 ಅನ್ನೊ ಬ್ರ್ಯಾಂಡ್​ ಇಯರ್​ರಿಂಗ್​ ಬ್ಲ್ಯೂಟೂಥ್ ಮಾದರಿಯಲ್ಲಿಯೇ ಇದೆ. ಅದನ್ನು ನೋಡಿದಾಗ ಸಹಜವಾಗಿ ಇದು ಇಯರ್​ ಬಡ್ ಅಂತಲೇ ಅನಿಸುತ್ತೆ. ಕಮಲಾ ಹ್ಯಾರಿಸ್ ಹಾಕಿಕೊಂಡಿದ್ದು ನೋವಾ ಹೆಚ್​1 ಕಂಪನಿಯ ಇಯರ್​ ರಿಂಗ್ ಅದರಲ್ಲಿ ಯಾವುದೇ ಡಿವೈಸ್​​ಗಳು ಇರಲಿಲ್ಲ. ಸದ್ಯ ಹರಿದಾಡುತ್ತಿರುವ ಸುದ್ದಿ ಸತ್ಯಕ್ಕೆ ದೂರವಾಗಿದ್ದು ಎಂದು ಹೇಳಲಾಗಿದೆ.

ಇದೇ ಮಾದರಿಯ ಇಯರ್​​ ರಿಂಗ್​ನ್ನು ಕಮಲಾ ಹ್ಯಾರಿಸ್ ಇದೇ ವರ್ಷದಲ್ಲಿ ಅನೇಕ ಬಾರಿ ಧರಿಸಿರುವ ಬಗ್ಗೆ ಉದಾಹರಣೆಗಳಿವೆ. ಹೀಗಾಗಿ ಇದು ಸ್ಮಾರ್ಟ್ ಇಯರ್​ ರಿಂಗ್​ ಅಲ್ಲ. ಸಾಮಾನ್ಯವಾದ ಒಂದು ಕಿವಿಯೊಲೆ ಎಂದು ಸ್ಪಷ್ಟನೆ ನೀಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ