ಇಂಗ್ಲೆಂಡ್ ವಿರುದ್ಧ ಗೆದ್ದರೂ ರೋಹಿತ್​ಗೆ ಟೆನ್ಶನ್

ಗೆಲುವಿನ ನಡುವೆಯೂ ತಂಡಕ್ಕಿಲ್ಲ ಸಂತಸ..!

ಅಗ್ನಿಪರೀಕ್ಷೆ ಗೆಲ್ಲುವಲ್ಲಿ ಟೀಮ್ ಇಂಡಿಯಾ ಪಲ್ಟಿ

ಲಕ್ನೋದಲ್ಲಿ ವಿಜಯಲಕ್ಷ್ಮೀ ಟೀಮ್ ಇಂಡಿಯಾ ಕೈಹಿಡಿತು. ಪರಿಣಾಮ ವಿಶ್ವಕಪ್​ನಲ್ಲಿ ಟೀಮ್ ಇಂಡಿಯಾದ ನಾಗಲೋಟ ಮುಂದುವರಿಸಿತು. ನಿನ್ನೆ ರೋಹಿತ್ ಪಡೆ ಕ್ಯಾಂಪ್​ನಲ್ಲಿ ಗೆಲುವಿನ ಸಂಭ್ರಮಕ್ಕಿಂತ ಹೆಚ್ಚಾಗಿ ಒಂದು ಅಂಶ ಬೇಸರಕ್ಕೆ ಕಾರಣವಾಯ್ತು.

ಚೇಸಿಂಗ್ ಮಾಸ್ಟರ್ ಟೀಮ್ ಇಂಡಿಯಾ, ಫಸ್ಟ್ ಬ್ಯಾಟಿಂಗ್​ನಲ್ಲೂ ಗೆದ್ದು ಬೀಗಿದೆ. ಗೆಲುವಿನ ನಾಗಲೋಟದೊಂದಿಗೆ ಸೆಮೀಸ್ ಸ್ಥಾನ ಬಹುತೇಕ ಕನ್ಫರ್ಮ್ ಮಾಡಿಕೊಂಡಿದೆ. ಆದ್ರೆ ಇಂಗ್ಲೆಂಡ್​ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ್ರೂ ಸ್ಟಾರ್​ ಬ್ಯಾಟ್ಸ್​ಮನ್​ಗಳ ಫೇಲ್ಯೂರ್ ತಂಡಕ್ಕೆ ಆತಂಕ ತಂದೊಡ್ಡಿದೆ.

• ಸ್ಟಾರ್​​ ನಂ.01, ಶುಭ್​ಮನ್ ಗಿಲ್: ನಿನ್ನೆ ಟೀಮ್ ಇಂಡಿಯಾ ಪರ ನಿರೀಕ್ಷೆ ಮೂಡಿಸಿದ್ದೆ ಶುಭ್​​ಮನ್ ಗಿಲ್​. ಆದ್ರೆ, ಈ ಯುವರಾಜ, ಫೂಲಿಶ್​​​​​​​​​​​​​​​​ ಆಗಿ ಕ್ರಿಸ್​ ವೋಕ್ಸ್​ಗೆ ಕ್ಲೀನ್​ವೋಲ್ಡ್​ ಆಗಿ ನಿರಾಸೆ ಮೂಡಿಸಿದ್ರು.
• ಸ್ಟಾರ್​​ ನಂ.02, ವಿರಾಟ್​ ಕೊಹ್ಲಿ: ಚೇಸಿಂಗ್​ ವೇಳೆ ವೀರಾವೇಶದ ಬ್ಯಾಟಿಂಗ್ ನಡೆಸಿದ್ದ ವಿರಾಟ್​ ಕೊಹ್ಲಿ, ಶಾರ್ಟ್​ ಲೆನ್ತ್​​ ಎಸೆತವನ್ನ ಎದುರಿಸುವಲ್ಲಿ ವಿಫಲರಾದ್ರು. ಮಿಡ್​ ಆನ್​ ಮೇಲೆ ಚೆಂಡನ್ನ ಹೊಡೆಯಲು ಯತ್ನಿಸಿ ಕೈಸುಟ್ಟುಕೊಂಡರು. ಶೂನ್ಯಕ್ಕೆ ಔಟಾಗಿ ಇಡೀ ಮೈದಾವವನ್ನ ಒಂದು ಕ್ಷಣ ಸ್ತಬ್ಧಗೊಳಿಸಿದ್ರು.
• ಸ್ಟಾರ್​​ ನಂ.03, ಶ್ರೇಯಸ್​ ಅಯ್ಯರ್: ಶುಭ್​​ಮನ್, ವಿರಾಟ್​ ವಿಕೆಟ್ ಪತನದ ಬಳಿಕ ಫ್ಯಾನ್ಸ್​ ನಂಬಿಕೊಂಡಿದ್ದೆ 4TH ಸ್ಲಾಟ್ ಸ್ಪೆಷಲಿಸ್ಟ್​ ಶ್ರೇಯಸ್​​ನ.. ಆದ್ರೆ ಶ್ರೇಯಸ್​ ಮಾಡಿದ್ದು ಬ್ಯಾಟಿಂಗ್ ವಿಕ್ನೇಸ್ ಎಕ್ಸ್​ಪೋಸ್.. ವೋಕ್ಸ್​ನ ಶಾರ್ಟ್​ ಪಿಚ್​ ಡಿಲವರಿಯನ್ನ ಸುಲಭವಾಗಿ ಮಿಡ್ ಆಫ್​​ನಲ್ಲಿದ್ದ ಮಾರ್ಕ್​ವುಡ್​​​​ಗೆ ಕ್ಯಾಚ್ ನೀಡಿ ಹೊರನಡೆದ್ರು.
• ಸ್ಟಾರ್​​ ನಂ.04, ಕೆ.ಎಲ್.ರಾಹುಲ್​: ಸಂಕಷ್ಟದಲ್ಲಿದ್ದ ಟೀಮ್ ಇಂಡಿಯಾಗೆ ಕೆ.ಎಲ್.ರಾಹುಲ್ ನಿಟ್ಟುಸಿರು ಬಿಡುವಂತೆ ಮಾಡಿದ್ರು. 39 ರನ್​ಗಳಿಸಿದ್ದಾಗ ಅನಾವಶ್ಯಕ ಹೊಡತಕ್ಕೆ ಕೈಹಾಕಿದ ಕೆ.ಎಲ್.ರಾಹುಲ್, ಶ್ರೇಯಸ್​ ಅಯ್ಯರ್ ಸ್ಟೈಲ್​ನಲ್ಲೇ ವಿಕೆಟ್ ಒಪ್ಪಿಸಿದ್ರು.
• ಸ್ಟಾರ್​​ ನಂ.05, ರವೀಂದ್ರ ಜಡೇಜಾ: ಸ್ಲಾಗ್ ಓವರ್​​​​​​​​​ಗಳಲ್ಲಿ ಜಡೇಜಾನೇ ಮೇನ್ ರೋಲ್ ಪ್ ಲೇ ಮಾಡ್ತಾರೆ ಅಂತಾನೇ ಊಹಿಸಲಾಗಿತ್ತು. ಟಫ್ ಕಂಡೀಷನ್ಸ್​ನಲ್ಲಿ ರಶೀದ್ ಎಸೆತವನ್ನು ಜಡ್ಜ್​ ಮಾಡುವಲ್ಲಿ ವಿಫಲರಾದ ಜಡೇಜಾ, LBW ಬಲೆಗೆ ಸಿಲುಕಿದ್ರು.

ಚೇಸಿಂಗ್​ನಲ್ಲಿ ಅಬ್ಬರಿಸಿ ಸೈ ಅನ್ನಿಸಿಕೊಂಡಿದ್ದ ಸ್ಟಾರ್​ ಪ್ಲೇಯರ್ಸ್​ ಫಸ್ಟ್​ ಬ್ಯಾಟಿಂಗ್​ನಲ್ಲಿ ಅಕ್ಷರಶಃ ಪಂಚರ್ ಆಗಿದ್ದು ಸುಳ್ಳಲ್ಲ. ಸೆಮೀಸ್​ಗೂ ಮುನ್ನವೇ ಪಂಚ ಮಹಾಶಯರು ನಿನ್ನೆಯ ಆಟದಿಂದ ಪಾಠ ಕಲಿಯಬೇಕಿದೆ.

ಸಂತೋಷ್​ – ಸ್ಪೋರ್ಟ್ಸ್​ ಬ್ಯೂರೋ ನ್ಯೂಸ್ ಫಸ್ಟ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್