ನೆಟ್‌ವರ್ಕ್‌ ದೊರೆಯದಂತೆ ಟವರ್​ ಅಳವಡಿಸಿರುವ ಕಂಪನಿಗಳು

ಸಿಗ್ನಲ್ ನಿರ್ಬಂಧಿಸುವ ಟವರ್​ ಇದ್ದರೂ ವಿಡಿಯೋ ಕಾಲ್ ಮಾಡಿದ್ದೇಗೆ?​

ಅಗ್ರಹಾರ ಜೈಲಿನಲ್ಲಿ ನಡೆದ ಅಕ್ರಮದ ಬಗ್ಗೆ ವಿವರಣೆ ಕೇಳಿ ನೋಟಿಸ್​

ಪರಪ್ಪನ ಅಗ್ರಹಾರ ಜೈಲಿನಲ್ಲಿ ರಾಜಾತಿಥ್ಯ ಪ್ರಕರಣ ಕೇವಲ ದರ್ಶನ್​ಗೆ ಮಾತ್ರವಲ್ಲ, ಅಲ್ಲಿನ ಅಧಿಕಾರಿಗಳಿಗೂ ತಲೆನೋವು ಶುರುವಾಗಿದೆ. ಪರಪ್ಪನ ಅಗ್ರಹಾರದ ಕರ್ಮಕಾಂಡ ಬಯಲಾಗ್ತಿದ್ದಂತೆ ಸಾರ್ವಜನಿಕರು ಇಡೀ ವ್ಯವಸ್ಥೆಯ ಬಗ್ಗೆಯೇ ಆಕ್ರೋಶ ಹೊರ ಹಾಕ್ತಿದ್ದಾರೆ. ಇದರ ಬೆನ್ನಲ್ಲೇ ಇದನ್ನು ಗಂಭೀರವಾಗಿ ಪರಿಗಣಿಸಿರುವ ಸರ್ಕಾರ, ಅಧಿಕಾರಿಗಳಿಗೆ ಬಿಸಿ ಮುಟ್ಟಿಸಲು ಮುಂದಾಗಿದೆ.

ಇದನ್ನೂ ಓದಿ: ಫ್ಯಾನ್ಸ್​ಗೆ ಗುಡ್​ನ್ಯೂಸ್​ ಕೊಟ್ಟ ರಾಮಾಚಾರಿ ಚಾರು; ಮೌನ ಗುಡ್ಡಮನೆ ಈಗ ಸ್ಟಾರ್​ ನಟಿ!

ಜೈಲಿನಲ್ಲಿ ನಡೆದ ಅಕ್ರಮದ ಬಗ್ಗೆ ವಿವರಣೆ ನೀಡುವಂತೆ ಕಾರಾಗೃಹ ಇಲಾಖೆ ಡಿಜಿಪಿ ಮಾಲಿನಿ ಕೃಷ್ಣಮೂರ್ತಿ ಅವರಿಗೆ ಸಿಎಸ್​ ನೋಟಿಸ್ ನೀಡಿದ್ರು. ಇದರ ಬೆನ್ನಲ್ಲೇ ಮಾಲಿನಿ ಕೃಷ್ಣಮೂರ್ತಿ, ಕೇಂದ್ರ ಕಾರಾಗೃಹದ ಮುಖ್ಯ ಅಧೀಕ್ಷರಿಗೆ ಪತ್ರ ಬರೆದು, ಜಾಮರ್​ ಇದ್ದರೂ ವಿಡಿಯೋ ಕಾಲ್​ ಮಾಡಿದ್ದೇಗೆ ಅನ್ನೋ ಬಗ್ಗೆ ಮಾಹಿತಿ ಕೇಳಿದ್ದಾರೆ. ಪರಪ್ಪನ ಅಗ್ರಹಾರ ಜೈಲಿನಲ್ಲಿ ದರ್ಶನ್ ಮತ್ತು ಇತರರ ನಡುವಿನ ವಿಡಿಯೋ ಕಾಲ್​ ದೃಶ್ಯವು ಆಗಸ್ಟ್​ ​25 ರಂದು ಮಾಧ್ಯಮಗಳಲ್ಲಿ ಪ್ರಸಾರ ಆಗಿತ್ತು. ಜೈಲಿನೊಳಗಿಂದ ವಿಡಿಯೋ ಕಾಲ್​ ಮಾಡಿದ್ದೇಗೆ ಅನ್ನೋದೇ ಯಕ್ಷಪ್ರಶ್ನೆಯಾಗಿದೆ.

ಏಕೆಂದರೆ ಪರಪ್ಪನ ಅಗ್ರಹಾರ ಜೈಲಿನ ಆವರಣದಲ್ಲಿ 3 HCBS ಟವರ್​ಗಳು ಇವೆ. ಅಂದ್ರೆ, ಮೊಬೈಲ್​ ನೆಟ್‌ವರ್ಕ್‌ ಸಿಗ್ನಲ್ ದೊರೆಯದಂತೆ ಟವರ್​ಗಳನ್ನು ಅಳವಡಿಸಲಾಗಿದೆ. ಇವುಗಳ ನಿರ್ವಹಣೆಗೆ 5 ವರ್ಷಕ್ಕೆ 4.67 ಕೋಟಿ ಹಣ ವೆಚ್ಚ ಮಾಡಲಾಗ್ತಿದೆ. ಜೈಲಿನ ಯಾವುದೇ ಭಾಗದಲ್ಲಿ ಸಿಗ್ನಲ್ ಲಭ್ಯವಿಲ್ಲವೆಂದು ಈ ಹಿಂದಿನ ಹಲವು ಪತ್ರಗಳಲ್ಲಿ ಉಲ್ಲೇಖವಾಗಿದೆ. ಆದ್ರೆ ದರ್ಶನ್​ ಕೇಸ್​ ಮೂಲಕ ಜೈಲಿನಲ್ಲಿ ಮೊಬೈಲ್ ಸಿಗ್ನಲ್ ಸಿಗ್ತಿರೋದು ಧೃಡವಾಗಿದೆ. ಸಿಗ್ನಲ್ ನಿರ್ಬಂಧಿಸುವ ಟವರ್​ ಇದ್ದರೂ ವಿಡಿಯೋ ಕಾಲ್​ ಮಾಡಿದ್ದೇಗೆ. ಈ ಸಂಬಂಧ HCBS ಟವರ್ ಅಳವಡಿಸಿರುವ ಕಂಪನಿಗಳಿಂದ ಮಾಹಿತಿ ಪಡೆದು ಸೆಪ್ಟಂಬರ್​ 4ರೊಳಗೆ ತಪ್ಪದೇ ವರದಿ ಸಲ್ಲಿಸಲು ಕೇಂದ್ರ ಕಾರಾಗೃಹ ಇಲಾಖೆಯ ಮುಖ್ಯ ಅಧೀಕ್ಷಕರಿಗೆ ಮಾಲಿನಿ ಕೃಷ್ಣಮೂರ್ತಿ ಪತ್ರ ಬರೆದು ಸೂಚನೆ ನೀಡಿದ್ದಾರೆ.

ಇದನ್ನೂ ಓದಿ: ಈ ಇಬ್ಬರಿಗೆ ರಾಖಿ ಕಟ್ಟಿದ ನಟಿ ನಮ್ರತಾ ಗೌಡ; ಯಾರು ಇರಬಹುದು ಗೆಸ್​ ಮಾಡಿ ನೋಡೋಣ!

ಕೇವಲ ಪರಪ್ಪನ ಅಗ್ರಹಾರ ಒಂದೇ ಜೈಲು ಅಲ್ಲ, ರಾಜ್ಯದ ಬೆಳಗಾವಿ, ವಿಜಯಪುರ, ಧಾರವಾಡ, ಶಿವಮೊಗ್ಗ, ಬಳ್ಳಾರಿ, ತುಮಕೂರು ಸೇರಿದಂತೆ ಏಳು ಕಾರಾಗೃಹಗಳಲ್ಲಿ HSBC ಟವರ್​ ಅಂದ್ರೆ ಸಾಮರಸ್ಯದ ಕರೆ ತಡೆಯುವ ವ್ಯವಸ್ಥೆಯನ್ನು ಅಳವಡಿಕೆ ಮಾಡಲಾಗಿದೆ. ಇದಕ್ಕಾಗಿ ನೂರಾರು ಕೋಟಿ ಹಣವನ್ನು ಮೀಸಲಿಡಲಾಗಿದೆ. ಆದ್ರೆ, ಜೈಲಿನಲ್ಲಿ ಕೈದಿಗಳು ಮಾತ್ರ, ಮನೆಯಲ್ಲಿ ಇರುವಂತೆ, ತಮಗೆ ಬೇಕಾದವರ ಜೊತೆ ವಿಡಿಯೋ ಕಾಲ್​ ಮಾಡಿ, ಮಾತನಾಡಿಕೊಳ್ತ ಆರಾಮಾಗಿದ್ದಾರೆ. ಸೂಕ್ತ ತನಿಖೆಯ ಮೂಲಕ ಕಳ್ಳಾಟ ಆಡ್ತಿರುವವರಿಗೆ ಬಿಸಿ ಮುಟ್ಟಿಸಲೇ ಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ