ಗೂಗಲ್​ ಸರ್ಚ್​​​ ಮಾಡೋ ಮುನ್ನ ಹುಷಾರ್​​

ವಂಚಕರಿಂದ ಪಕ್ಕಾ ಮೋಸ ಹೋಗ್ತೀರಾ..!

1 ಲಕ್ಷ ಹಣ ಕಳೆದುಕೊಂಡ ನಿವೃತ್ತ ಯೋಧ

ಬೆಂಗಳೂರು: ಎಚ್ಚರ ಎಚ್ಚರ! ಗೂಗಲ್​ನಲ್ಲಿ ಸಿಗೋ ಹೆಲ್ಪ್​ಲೈನ್​ ನಂಬರ್​ಗೆ ಕಾಲ್​ ಮಾಡೋ ಮುನ್ನ ಬಿ ಅಲರ್ಟ್​. ಆನ್​ಲೈನ್​ನಲ್ಲಿ ಬುಕ್​ ಮಾಡಿದ್ದ ಐಟಮ್​ ಕ್ಯಾನ್ಸಲ್​ ಆಯ್ತು ಎಂದು ಗೂಗಲ್​​​ ಮೊರೆ ಹೋಗುವ ಜನ ಹುಷಾರಾಗಿರಿ. ಏಕೆಂದರೆ ಹಣಕ್ಕಾಗಿ ಗೂಗಲ್​​ನಲ್ಲೂ ಜನರನ್ನು ದಿಕ್ಕು ತಪ್ಪಿಸಿ ಆನ್​​ಲೈನ್​​ ವಂಚನೆ ಮಾಡೋ ಕೆಲಸ ಶುರುವಾಗಿದೆ.

ಹೆಸರು ಮಹೇಶ್​​, ನಿವೃತ್ತ ಯೋಧರು. ಅಮೇಜಾನ್​ನಲ್ಲಿ ಸ್ಪೀಕರ್ ಬುಕ್ ಮಾಡಿ ಅದನ್ನ ಕ್ಯಾನ್ಸಲ್​ ಮಾಡಿದ್ರು. ಕಟ್​ ಆಗಿದ್ದ ಹಣ ವಾಪಸ್​ ಪಡೆಯಲು ಹೋಗಿ ಲಕ್ಷ ಲಕ್ಷ ಕಳೆದುಕೊಂಡಿದ್ದಾರೆ. ಅದು ರಸ್ಕ್​ ಡೆಸ್ಕ್​​ (RUSKDESK) ಎಂಬ ಅಪ್ಲಿಕೇಶನ್​​ನಿಂದ ವಂಚನೆಗೆ ಒಳಗಾಗಿದ್ದಾರೆ.

ಮೋಸ ಮಾಡೋರೆ ಹೆಚ್ಚು ಹುಷಾರ್​!

ಮಹೇಶ್‌ ಅವರು​ ಬುಕ್​ ಮಾಡಿದ್ದ 5499 ರೂಪಾಯಿ ಮೌಲ್ಯದ ಸ್ಪೀಕರ್​ ಆರ್ಡರ್‌ ಕ್ಯಾನ್ಸಲ್ ಆಗಿತ್ತು. ಇದಕ್ಕೆ ಮಹೇಶ್​ ಮೊದಲೇ ಹಣ ಕಟ್ಟಿದ್ರು. ಹೀಗಾಗಿ 3 ದಿನದಲ್ಲಿ ಖಾತೆಗೆ ಹಣ ಜಮೆ ಆಗುತ್ತೆ ಅನ್ನೋ ಸಂದೇಶ ಕೂಡ ಬಂದಿತ್ತು. ಆದ್ರೆ ಮೂರು ದಿನವಾದ್ರೂ ಹಣ ಜಮಾ ಆಗಿರ್ಲಿಲ್ಲ. ಹೀಗಾಗಿ ಮಹೇಶ್ ಗೂಗಲ್ ಮೊರೆ ಹೋಗಿದ್ರು. ಈ ವೇಳೆ ಗೂಗಲ್​ನಲ್ಲಿ ಸಿಕ್ಕ ನಕಲಿ ಹೆಲ್ಪ್​​ಲೈನ್​ಗೆ ಕರೆ​​​ ಮಾಡಿದ್ದಾರೆ. ಇದನ್ನೇ ಬಂಡವಾಳ ಮಾಡಿಕೊಂಡ ವಂಚಕರು ಮಹೇಶ್‌ಗೆ ಮತ್ತೊಂದು ನಂಬರ್‌ನಿಂದ ಕರೆ ಮಾಡಿದ್ರು. ಬಳಿಕ RUSKDESK ಡೌನ್​ಲೋಡ್ ಮಾಡಿ ಓಕೆ ಒತ್ತಲು ಹೇಳಿದ್ರು. ಮಹೇಶ್​ ಬಟನ್​ ಒತ್ತಿದ ತಕ್ಷಣ ಅಕೌಂಟ್​ನಿಂದ ಹಣ ಕಟ್​ ಆಗಿದ್ದು, ಯುಪಿಐ ಐಡಿಗೆ ಬರೋಬ್ಬರಿ 81 ಸಾವಿರ ಹಣ ಹೋಗಿದೆ.

ಮತ್ತೆ ಕರೆ ಮಾಡಿ ವಿಚಾರಿಸಿದಾಗ ತಪ್ಪಾಗಿ ನಂಬರ್ ಟೈಪ್ ಮಾಡಿದ್ದೀರಿ ಅಂತ ಕಥೆ ಕಟ್ಟಿ, ಪದೇ ಪದೇ ಅಕೌಂಟ್​ ಚೆಕ್​ ಮಾಡಲು ಹೇಳಿ ಬ್ಯಾಂಕ್​ ಖಾತೆಯಲ್ಲಿದ್ದ 1 ಲಕ್ಷದ 8 ಸಾವಿರದ 366 ಹಣ ಮಂಗಮಾಯ ಮಾಡಿದ್ದಾರೆ. ಸದ್ಯ ಘಟನೆ ಸಂಬಂಧ ಹಲಸೂರು ಪೊಲೀಸ್ ಠಾಣೆಯಲ್ಲಿ ಮಹೇಶ್ ದೂರು ದಾಖಲಿಸಿದ್ದಾರೆ. ನೀವೆಷ್ಟೇ ಎಚ್ಚರ ವಹಿಸಿದ್ರೂ ಈ ಆನ್​ಲೈನ್​ ವಂಚನೆ ಜಾಲ ಆನೆ ಗಾತ್ರದಲ್ಲಿ ಬೆಳೆಯುತ್ತಿದೆ. ಸ್ವಲ್ಪ ಯಾಮಾರಿದ್ರೂ ಪಾಪರ್‌ ಆಗ್ಬೇಕಷ್ಟೇ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ