ವಿಶ್ವಕಪ್​ ಜಪದಲ್ಲಿ ಪ್ರಬಲ ತಂಡಗಳು, ಟೂರ್ನಿಗಾಗಿ ಭರ್ಜರಿ ಸಿದ್ಧತೆ

ಹಾರ್ದಿಕ್ ಪಾಂಡ್ಯ​ ಆಲ್​​ರೌಂಡ್​ ಆಟ ಮಾಯ.! ಮತ್ತೆ ನಿರೀಕ್ಷೆ ಮೂಡಿಸ್ತಾರಾ?

ಪೇಸ್​ ಆಲ್​​ರೌಂಡರ್​​ಗಳೇ ಆಸ್ಟ್ರೇಲಿಯಾದ ಅಸ್ತ್ರ.! ಟೀಂ ಇಂಡಿಯಾದ ಕಥೆಯೇನು?

ಏಕದಿನ ವಿಶ್ವಕಪ್​ಗೂ ಮುನ್ನ ಟೀಮ್​ ಇಂಡಿಯಾವನ್ನ ಒಂದೆರಡು ಸಮಸ್ಯೆಗಳು ಕಾಡ್ತಿಲ್ಲ. ಸಮಸ್ಯೆಗಳ ಸರಮಾಲೆಯೇ ಟೀಮ್​ ಇಂಡಿಯಾದಲ್ಲಿವೆ. ಆದ್ರೆ, ಯಾರು ಅಷ್ಟಾಗಿ ಗಮನಿಸದ ಪ್ರಮುಖ ಸಮಸ್ಯೆಯೊಂದಿದೆ. ಅದೇನು ಗೊತ್ತಾ?

ವಿಶ್ವಕಪ್​ ಮಹಾಕದನಕ್ಕೆ ವಿಶ್ವದ ಎಲ್ಲಾ ತಂಡಗಳು ಭರ್ಜರಿ ತಯಾರಿ ನಡೆಸ್ತಾ ಇದ್ರೆ, ಟೀಮ್​ ಇಂಡಿಯಾ ಗೊಂದಲದ ಗೂಡಾಗಿದೆ. ತಂಡದಲ್ಲಿ ಹುಟ್ಟಿಕೊಂಡಿರುವ ಪ್ರಶ್ನೆಗಳಿಗೆ ಉತ್ತರವೇ ಸಿಗ್ತಿಲ್ಲ. ವಿಶ್ವಸಮರಕ್ಕೂ ಮುನ್ನ ಟೀಮ್​ ಇಂಡಿಯಾ ಎಂತಾ ಹಿನ್ನಡೆ ಅನುಭವಿಸ್ತಾ ಇದೆ ಅಂದ್ರೆ, ತವರಿನಲ್ಲಿ ಟೂರ್ನಿ ನಡೀತಾ ಇದ್ರೂ, ಟ್ರೋಫಿ ಗೆಲ್ಲೋ ಹಾಟ್​ ಫೇವರಿಟ್​ ತಂಡಗಳ ಪಟ್ಟಿಯಲ್ಲಿ ಕೆಳಕ್ಕೆ ಕುಸಿದಿದೆ.

ಇಂಗ್ಲೆಂಡ್​, ಆಸ್ಟ್ರೇಲಿಯಾ ಟ್ರೋಫಿ ಗೆಲ್ಲೋ ಹಾಟ್​ ಫೇವರಿಟ್​.!

ಹೌದು. ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ ಹಾಗೂ ಆಸ್ಟ್ರೇಲಿಯಾ ತಂಡಗಳು ಸದ್ಯ ಟ್ರೋಫಿ ಗೆಲ್ಲೋ ಹಾಟ್​ ಫೇವರಿಟ್​​​ ತಂಡಗಳಾಗಿ ಗುರುತಿಸಿಕೊಂಡಿವೆ. ಟೂರ್ನಿಗೆ ಭರ್ಜರಿ ಸಿದ್ಧತೆ ನಡೆಸಿರೋ ಈ ತಂಡಗಳು ಗೊಂದಲಗಳಿಗೆ ಫುಲ್​ಸ್ಟಾಫ್​ ಹಾಕಿವೆ. ಆಟಗಾರರೆಲ್ಲಾ ಸಾಲಿಡ್​ ಫಾರ್ಮ್​ನಲ್ಲಿದ್ರೆ, ಟೀಮ್​ ಕಾಂಬಿನೇಷನ್​ ಪರ್ಫೆಕ್ಟ್​ ಆಗಿದೆ. ಅದ್ರಲ್ಲೂ ತಂಡದಲ್ಲಿರೋ ಎಕ್ಸ್​​ ಫ್ಯಾಕ್ಟರ್​​ಗಳು ಆತ್ಮವಿಶ್ವಾಸ ಹೆಚ್ಚಿಸಿವೆ.

ಆಲ್​​ರೌಂಡರ್​ ಸ್ಟೋಕ್ಸ್​ ಕಮ್​ಬ್ಯಾಕ್​, ಇಂಗ್ಲೆಂಡ್​​ ಪ್ರಬಲ​.!

ಕಳೆದ ವಿಶ್ವಕಪ್​ ಟೂರ್ನಿಯ ಹೀರೋ ಬೆನ್​​ಸ್ಟೋಕ್ಸ್​, ಏಕದಿನ ನಿವೃತ್ತಿಯಿಂದ ವಾಪಾಸ್ಸಾಗಿದ್ದಾರೆ. ನ್ಯೂಜಿಲೆಂಡ್​ ವಿರುದ್ಧದ ಟೂರ್​​ಗೆ ಸೆಲೆಕ್ಟ್​ ಆಗೋದ್ರ ಜೊತೆಗೆ ವಿಶ್ವಕಪ್​ ಆಡೋ ಸಂದೇಶ ರವಾನಿಸಿದ್ದಾರೆ. ಆಲ್​​ರೌಂಡರ್​ ಸ್ಟೋಕ್ಸ್​ ಕಮ್​ಬ್ಯಾಕ್​ ಇಂಗ್ಲೆಂಡ್​ ಬಲ ಹೆಚ್ಚಿಸಿದೆ. ಆಲ್​ರೌಂಡರ್​ಗಳಾದ ಸ್ಟೋಕ್ಸ್​ ಹಾಗೂ ಸ್ಯಾಮ್​ ಕರನ್​ ಇಂಗ್ಲೆಂಡ್​ ಪಾಲಿನ ಮ್ಯಾಚ್​​ ವಿನ್ನರ್​ಗಳಾಗ್ತಾರೆ ಅನ್ನೋದು ಎಕ್ಸ್​​​ಪರ್ಟ್​​ಗಳ ಟಾಕ್​.!

ಪೇಸ್​ ಆಲ್​​ರೌಂಡರ್​​ಗಳೇ ಆಸ್ಟ್ರೇಲಿಯಾದ ಅಸ್ತ್ರ.!

ಮಿಚೆಲ್​ ಮಾರ್ಷ್​, ಕ್ಯಾಮರೂನ್​ ಗ್ರೀನ್​. ಈ ಇಬ್ಬರು ಪೇಸ್​ ಆಲ್​​ರೌಂಡರ್​ಗಳೇ ಆಸ್ಟ್ರೇಲಿಯಾದ ಅಸ್ತ್ರವಾಗಿದ್ದಾರೆ. ಸಾಲಿಡ್​​​ ಬ್ಯಾಟಿಂಗ್​ ಮಾಡಬಲ್ಲ ಇವ್ರು, ಬೌಲಿಂಗ್​ನಲ್ಲೂ ಮಿಂಚಬಲ್ಲರು. ಈ ಆಲ್​​ರೌಂಡರ್​ಗಳ ಬಲದಿಂದಲೇ ಅಸ್ಟ್ರೇಲಿಯಾ ವಿಶ್ವಕಪ್ ​ಗೆಲ್ಲೋ ಹಾಟ್​​ ಫೇವರಿಟ್​ಗಳ ಪಟ್ಟಿಯಲ್ಲಿ ಟಾಪ್​​ನಲ್ಲಿದೆ.

 

ಟೀಮ್​ ಇಂಡಿಯಾಗೆ ಪೇಸ್​​ ಆಲ್​​ರೌಂಡರ್​ ಬರ.!

ಹೌದು. ಟೀಮ್​ ಇಂಡಿಯಾಗೆ ಫಾಸ್ಟ್​​ ಬೌಲಿಂಗ್​ ಆಲ್​​ರೌಂಡರ್​ಗಳ ಬರ ಕಾಡ್ತಿದೆ. ಹಾರ್ದಿಕ್​ ಪಾಂಡ್ಯ ಒಬ್ಬರನ್ನೇ ಟೀಮ್​ ಇಂಡಿಯಾ ನೆಚ್ಚಿಕೊಂಡಿದೆ. ಆದರೆ, ಹಾರ್ದಿಕ್​ ಪರ್ಫಾಮ್​ ಮಾಡುವಲ್ಲಿ ಫೇಲ್​ ಆಗಿದ್ದಾರೆ. ಕಳೆದ ವಿಂಡೀಸ್​​ ಸರಣಿಯಲ್ಲಿ ಆಡಿದ 3 ಪಂದ್ಯಗಳಲ್ಲಿ ಕೇವಲ 82 ರನ್​ಗಳಿಸಿ ಕೇವಲ 1 ವಿಕೆಟ್​ ಕಬಳಿಸಿದ್ರು. ಇಷ್ಟೇ ಅಲ್ಲ.. 2023ರ ಜನವರಿಯಿಂದ ಈವರೆಗೆ 11 ಪಂದ್ಯ ಆಡಿ ಕೇವಲ 31.11ರ ಸರಾಸರಿಯಲ್ಲಿ ರನ್​ಗಳಿಸಿದ್ದಾರೆ. ಇನ್ನು, 57.4 ಓವರ್​ ಬೌಲಿಂಗ್​ ಹಾಕಿ 10 ವಿಕೆಟ್​ ಕಬಳಿಸಿದ್ದಾರಷ್ಟೇ.

ಶಾರ್ದೂಲ್​ ಠಾಕೂರ್​ ಪರ್ಫಾಮೆನ್ಸ್​ ಫುಲ್​ ಡಲ್​.!

ಹಾರ್ದಿಕ್​ ಪಾಂಡ್ಯ ಬಿಟ್ರೆ ಟೀಮ್​ ಇಂಡಿಯಾಗಿರೋ ಫಾಸ್ಟ್​ ಬಾಲಿಂಗ್​ ಆಲ್​​ರೌಂಡರ್​​ ಅಯ್ಕೆ ಶಾರ್ದೂಲ್​ ಠಾಕೂರ್​. ಶಾರ್ದೂಲ್​ ಬೌಲಿಂಗ್​ನಲ್ಲಿ ಒಕೆ ಅನಿಸಿದ್ರೂ, ಬ್ಯಾಟಿಂಗ್​​​ನಲ್ಲಿ ಅಷ್ಟಕಷ್ಟೇ. ಈ ವರ್ಷದಲ್ಲಿ ಆಡಿರೋ 7 ಪಂದ್ಯದಿಂದ ಕೇವಲ 45 ರನ್​ಗಳಿಸಿರೋ ಶಾರ್ದೂಲ್​ರಿಂದ ಕೆಳ ಕ್ರಮಾಂಕದಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್​ ನಿರೀಕ್ಷೆ ಮಾಡೋಕಾಗುತ್ತಾ..?

ಸದ್ಯಕ್ಕಂತೂ ಇರೋ ಸಮಸ್ಯೆಗಳ ನಡುವೆ ಈ ಫಾಸ್ಟ್​ ಬೌಲಿಂಗ್​ ಆಲ್​​ರೌಂಡರ್​​ ಕೊರತೆಯನ್ನ ವಿಶ್ವಕಪ್​​ ಟೂರ್ನಿಯೊಳಗೆ ನೀಗಿಸೋಕೆ ಸಾಧ್ಯವಿಲ್ಲ. ಹೀಗಾಗಿ, ಮೆಗಾ ಟೂರ್ನಿಯ ಇವರಿಬ್ರು ತಮ್ಮ ಜವಾಬ್ದಾರಿಯನ್ನ ಅರಿತುಕೊಂಡು ಆಡಬೇಕಿದೆ. ಇಲ್ಲದಿದ್ರೆ, ತಂಡಕ್ಕೆ ಹಿನ್ನಡೆಯಾಗೋದು ಪಕ್ಕಾ.!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ