ಟೀಂ ಇಂಡಿಯಾದ ಕಳಪೆ ಪ್ರದರ್ಶನಕ್ಕೆ ದ್ರಾವಿಡ್​ ಕಾರಣ

ರಾಹುಲ್​​ ದ್ರಾವಿಡ್​ ವಿರುದ್ಧ ಪಾಕ್​ ಮಾಜಿ ಕ್ರಿಕೆಟರ್​ ಕಿಡಿ

ಪಾಕ್​​ ಮಾಜಿ ಆಟಗಾರ ಬಸಿತ್ ಅಲಿ ಕೆಂಡಾಮಂಡಲ!

ಇಸ್ಲಾಮಾಬಾದ್: ಸದ್ಯ ಲಂಡನ್​​​ನ ಓವಲ್​ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆಯುತ್ತಿರೋ ವಿಶ್ವ ಟೆಸ್ಟ್​​ ಚಾಂಪಿಯನ್​ಶೀಪ್ ಫೈನಲ್​​ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ವಿರುದ್ಧ ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ ಕೇವಲ 296 ರನ್​​ಗೆ ಆಲೌಟ್​ ಆಗಿದೆ. ಈಗ ಟೀಂ ಇಂಡಿಯಾದ ಕಳಪೆ ಪ್ರದರ್ಶನಕ್ಕಾಗಿ ಪಾಕಿಸ್ತಾನ ತಂಡದ ಮಾಜಿ ಆಟಗಾರ ಬಸಿತ್ ಅಲಿ ಕೋಚ್​ ರಾಹುಲ್​ ದ್ರಾವಿಡ್​ ಅವರನ್ನು ಟೀಕಿಸಿದ್ದಾರೆ.

ಟಾಸ್ ಗೆದ್ದ ಟೀಂ ಇಂಡಿಯಾ ಬೌಲಿಂಗ್​ ಬದಲಿಗೆ ಮೊದಲು ಬ್ಯಾಟ್​​ ಆಯ್ಕೆ ಮಾಡಿಕೊಳ್ಳಬೇಕಿತ್ತು. ಯಾವಾಗ ಟಾಸ್​ ಗೆದ್ದು ಬೌಲಿಂಗ್​​ ಆಯ್ಕೆ ಮಾಡಿಕೊಂಡಿತೋ ಆಗಲೇ ಭಾರತ ತಂಡ ಪಂದ್ಯವನ್ನು ಕಳೆದುಕೊಂಡಿದೆ. ಈಗ ಟೀಂ ಇಂಡಿಯಾ ಗೆಲ್ಲಬೇಕಾದರೆ ಏನಾದ್ರೂ ಪವಾಡ ನಡೆಯಬೇಕು ಎಂದಿದ್ದಾರೆ.

ಅಜಿಂಕ್ಯ ರಹಾನೆ, ವಿರಾಟ್ ಕೊಹ್ಲಿ ಮತ್ತು ರವೀಂದ್ರ ಜಡೇಜಾ ಬಿಟ್ಟರೆ ಮತ್ಯಾರು ಫಿಟ್​ ಆಗಿಲ್ಲ. ಫಿಟ್​​ ಆದ ಆಟಗಾರರನ್ನು ಆಯ್ಕೆ ಮಾಡುವಲ್ಲಿ ಕೋಚ್​ ರಾಹುಲ್​ ದ್ರಾವಿಡ್​​ ಎಡವಿದ್ದಾರೆ. ದ್ರಾವಿಡ್ ಒಬ್ಬ ಕಳಪೆ ಕೋಚ್​ ಎಂದರು ಬಸಿತ್​​​ ಅಲಿ.

‘ನಾನು ದ್ರಾವಿಡ್​​ ಬಿಗ್​ ಫ್ಯಾನ್​’​ ಎಂದ ಅಲಿ

ನಾನು ರಾಹುಲ್ ದ್ರಾವಿಡ್ ದೊಡ್ಡ ಅಭಿಮಾನಿ. ಅವರು ಕ್ಲಾಸ್​ ಪ್ಲೇಯರ್​ ಅನ್ನೋದರಲ್ಲಿ ಯಾವುದೇ ಅನುಮಾನ ಇಲ್ಲ. ದ್ರಾವಿಡ್​​ ಲೆಜೆಂಡ್ ಕ್ರಿಕೆಟರ್, ಆದರೆ ಕೋಚ್ ಆಗಿ ಸಂಪೂರ್ಣ ವಿಫಲ. ಇದಕ್ಕೆ ಕಾರಣ ಈಗ ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾದ ಕಳಪೆ ಪ್ರದರ್ಶನ ಎಂದು ಬಸಿತ್​ ಅಲಿ ಕುಟುಕಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ