ಪಾಕ್​ ಬಾಬರ್​ ಪಡೆಯ ಹೆಡೆಮುರಿ ಕಟ್ಟಲು ರೋಹಿತ್ ಟೀಮ್​ ರೆಡಿ

ಕೊಲಂಬೋದಲ್ಲಿ ಭಾರತದಿಂದ ಪಾಕ್​​ಗೆ ಕಾದಿದೆಯಾ ಮಾರಿಹಬ್ಬ..!

ಇವತ್ತಿನ ಹೈವೋಲ್ಟೇಜ್​ ಮ್ಯಾಚ್​ನಲ್ಲಿ ಕಿಂಗ್ ಕೊಹ್ಲಿ ಮೇಲೆ ಎಲ್ಲರ ಕಣ್ಣು

ಒಂದು ವಾರದ ಬಳಿಕ ಇಂಡೋ-ಪಾಕ್​​ ತಂಡಗಳು ಮತ್ತೆ ಕಾದಾಡಲು ಸಜ್ಜಾಗಿವೆ. ಇಂದು ಕೊಲಂಬೋದಲ್ಲಿ ಬದ್ಧವೈರಿಗಳು ಮುಖಾಮುಖಿ ಆಗಲಿದ್ದಾರೆ. ರೋಹಿತ್​ ಪಡೆಗೆ ಪ್ಲೇಯಿಂಗ್​​​-11 ಆಯ್ಕೇನೆ ಕಗ್ಗಂಟಾಗಿದೆ. ಉಭಯ ತಂಡಗಳ ಸ್ಟ್ರೆಂಥ್​ & ವೀಕ್ನೆಸ್ ಏನು?.

ಪಾಕ್​​ ಲೆಕ್ಕಚಾರ ಉಲ್ಟಾಮಾಡ್ತಾವಾ ಆ ಎರಡು ವೆಪನ್ಸ್?

INTENTION, PASSION, EMOTION, AGGRESION, TENSION ಮತ್ತು EPIC SHOW.. ಈ ಎಲ್ಲವನ್ನ ಕಣ್ತುಂಬಿಕೊಳ್ಳುವ ಆ ಬಿಗ್ ಮೂಮೆಂಟ್​​ ಬಂದೇ ಬಿಡ್ತು. ಏಷ್ಯಾಕಪ್​​ ಸೂಪರ್​​​​-4 ನಲ್ಲಿ ಬದ್ಧವೈರಿ ಇಂಡೋ-ಪಾಕ್​​ ಸೆಣಸಾಡಲಿವೆ. ಗ್ರೂಪ್​ ಸ್ಟೇಜ್​​ ಮ್ಯಾಚ್ ಮಳೆಯಿಂದ ರದ್ದಾಗಿತ್ತು. ಹಾಗಾಗಿ ಅಸಲಿ ಆಟ ಇರೋದೆ ಇಂದು. ಕೊಲಂಬೋ ಸ್ಟೇಡಿಯಂ ಇಂದು ಅಕ್ಷರಶಃ ರಣರಂಗವಾಗಿರಲಿದೆ.

ಉಭಯ ತಂಡಕ್ಕೂ ಗೆಲುವೇ ಮುಖ್ಯ. ಸೋಲು ಒಪ್ಪಿಕೊಳ್ಳಲು ಸಿದ್ಧವಿಲ್ಲ. ಎಷ್ಟೇ ಕಷ್ಟ ಆದರೂ ಸೈ ಬದ್ಧವೈರಿ ಸೋಲಿಸಿಯೇ ತೀರಲು ರೋಹಿತ್ ಆ್ಯಂಗ್ ಗ್ಯಾಂಗ್​ ಪಣತೊಟ್ಟಿದೆ. ಅದಕ್ಕಾಗಿ ನೆಟ್ಸ್​​ನಲ್ಲಿ ಇನ್ನಿಲ್ಲದ ಬೆವರು ಹರಿಸಿದೆ. ಎದುರಾಳಿ ತಂಡದ ಸ್ಟ್ರೆಂಥ್​ & ವೀಕ್ನೆಸ್​​​​ ಚೆನ್ನಾಗಿ ಸ್ಟಡಿ ಮಾಡಿದ್ದು, ಖೆಡ್ಡಾಗೆ ಬೀಳಿಸೊದೊಂದೇ ಬಾಕಿ.

ಕೊಲಂಬೋ ಕಿಂಗ್ ಕೊಹ್ಲಿಗೆ ಫೇವರಿಟ್​ ಗ್ರೌಂಡ್​

ಪಂದ್ಯ ಆರಂಭಕ್ಕೂ ಮುನ್ನವೇ ಪಾಕ್​​​​​​ಗೆ ಕಿಂಗ್ ಕೊಹ್ಲಿ ಭೀತಿ ಶುರುವಾಗಿದೆ. ಯಾಕಂದ್ರೆ ಕೊಲಂಬೋ ಕೊಹ್ಲಿಯ ಫೇವರಿಟ್​​ ಸ್ಟೇಡಿಯಂ. ಲಾಸ್ಟ್​​ 3 ಇನ್ನಿಂಗ್ಸ್​​ನಲ್ಲಿ ಸೆಂಚುರಿ ಸಿಡಿಸಿದ್ದು ಪಾಕ್​​​ ಬೇಟೆಗೂ ಕೊಹ್ಲಿ ಸರ್ವ ಸನ್ನದ್ಧರಾಗಿದ್ದಾರೆ.

ಬಿಗ್ ವೆಪನ್​​ ರಾಹುಲ್​​​-ಬೂಮ್ರಾ ಕಮ್​ಬ್ಯಾಕ್..!

ಬಿಗ್ ವಾರ್​ ಆರಂಭಕ್ಕೂ ಮುನ್ನ ಕೆ.ಎಲ್ ರಾಹುಲ್ ಹಾಗೂ ಜಸ್​ಪ್ರಿತ್ ಬೂಮ್ರಾ ತಂಡ ಸೇರಿಕೊಂಡಿದ್ದಾರೆ. ಇದರಿಂದ ತಂಡಕ್ಕೆ ನೂರಾನೆ ಬಲ ಬಂದಂತಾಗಿದೆ. ಇನ್ನು ರಾಹುಲ್ ಆಗಮನದಿಂದ ಇಶಾನ್ ಕಿಶನ್ ಆಡ್ತಾರಾ, ಇಲ್ವ ಅನ್ನೋ ಪ್ರಶ್ನೆಯು ಎದ್ದಿದೆ. ಜತೆಗೆ ಬೂಮ್ರಾ ಆಡೋದು ಖಚಿತವಾಗಿದ್ದು, ಮೊಹಮ್ಮದ್ ಶಮಿ ಅಥವಾ ಶಾರ್ದುಲ್​ ಠಾಕೂರ್ ಬೆಂಚ್​ ಕಾಯಲಿದ್ದಾರೆ.

ಪಾಕ್​ನ ಬಲಿಷ್ಠ ಬೌಲಿಂಗ್ ಕೋಟೆ ಛಿದ್ರಗೊಳಿಸುತ್ತಾ ಭಾರತ..?

ಟೀಮ್ ಇಂಡಿಯಾ ಇಂದು ಗೆಲ್ಲಬೇಕಾದ್ರೆ ಪಾಕ್​ ತಂಡದ ಬಲಿಷ್ಠ ಬೌಲಿಂಗ್ ಪಡೆಯನ್ನ ದಿಟ್ಟವಾಗಿ ಎದುರಿಸಬೇಕಿದೆ. ಯಾಕಂದ್ರೆ ಮೊದಲ ಮುಖಾಮುಖಿಯಲ್ಲಿ ಭಾರತದ ಟಾಪ್​ ಆರ್ಡರ್​​ ಫೇಲ್ಯೂರ್ ಕಂಡಿತ್ತು. ಪಂದ್ಯ ಆರಂಭಕ್ಕೂ ಮುನ್ನ ಮತ್ತೆ ಪಾಕ್ ಕ್ಯಾಪ್ಟನ್ ಬಾಬರ್ ಅಝಂ​​​ ಎಚ್ಚರಿಕೆ ನೀಡಿದ್ದಾರೆ.

ನಾವು ದೊಡ್ಡ ಟೂರ್ನಮೆಂಟ್​​ಗಳನ್ನ ಶರವೇಗಿಗಳಿಂದಲೇ ಗೆಲ್ಲುತ್ತೇವೆ. ಶ್ರೇಷ್ಠ ಬೌಲಿಂಗ್​​​ ಪಡೆ ಹೊಂದಿದ್ದು ಪಾರಮ್ಯ ಸಾಧಿಸುತ್ತೇವೆ. ಬೌಲರ್ಸ್​ ಉತ್ತಮ ಪ್ರದರ್ಶನ ನೀಡುತ್ತಾರೆ ಎನ್ನುವ ನಂಬಿಕೆ ನನಗಿದೆ.

ಬಾಬರ್ ಅಜಾಮ್, ಪಾಕ್ ಕ್ಯಾಪ್ಟನ್

ಇನ್ನು ಕಳೆದ ಪಂದ್ಯದಲ್ಲಾದ ಮಿಸ್ಟೇಕ್ಸ್​ ಈ ಸಲ ಮರುಕಳಿಸಲ್ಲ. ಟಾಪ್​ ಆರ್ಡರ್ಸ್​ ಉತ್ತಮ ಆಟವಾಡಲಿದ್ದೇವೆ ಎಂದು ಎನ್ನುವ ಮೂಲಕ ಗಿಲ್​​ ಪಾಕ್​​ಗೆ ರಿಕೌಂಟರ್ ಕೊಟ್ಟಿದ್ದಾರೆ.

ಉತ್ತಮ ಆರಂಭ ಒದಗಿಸಿ ಭದ್ರ ಬುನಾದಿ ಹಾಕಿ ಕೊಡುವ ಯೋಚನೆ ಇದೆ. ಯಾಕಂದ್ರೆ ಕಳೆದ ಪಂದ್ಯದಲ್ಲಿ ಅಗ್ರ ಬ್ಯಾಟ್ಸ್​​ಮನ್​ಗಳಿಂದ ನಿರೀಕ್ಷಿತ ಪ್ರದರ್ಶನ ಮೂಡಿ ಬಂದಿರಲಿಲ್ಲ. ಈ ಸಲ ಉತ್ತಮ ಆಟವಾಡಿ ಎದುರಾಳಿಗೆ ಸ್ಫರ್ಧಾತ್ಮಕ ಗುರಿ ನೀಡಲಿದ್ದೇವೆ.

ಶುಭ್​​ಮನ್ ಗಿಲ್​​​, ಟೀಮ್ ಇಂಡಿಯಾ ಆಟಗಾರ

ಪಂದ್ಯಕ್ಕೆ ಮಳೆ ಭೀತಿ..ರಿಸರ್ವ್​ ಡೇ ನಿಗದಿ..

ಯಸ್​​, ಇಂದಿನ ಇಂಡೋ-ಪಾಕ್​ ನಡುವಿನ ಸೂಪರ್​​​-4 ಪಂದ್ಯಕ್ಕೆ ಮಳೆ ಬಂದ್ರೂ ಬೇಸರ ಪಡಬೇಕಿಲ್ಲ. ಯಾಕಂದ್ರೆ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದ್ರೆ ಅಥವಾ ಹವಾಮಾನ ವೈಪರಿತ್ಯದಿಂದ ಸ್ಥಗಿತಗೊಂಡಲ್ಲಿ ಸೋಮವಾರ ಪಂದ್ಯ ನಡೆಯಲಿದೆ.

ಇಂಡೋ-ಪಾಕ್​​​ ಪಂದ್ಯಕ್ಕೆ ಸಿಕ್ಕಾಪಟ್ಟೆ ಹೈಫ್ ಕ್ರಿಯೇಟ್ ಆಗಿದೆ. ಈ ಬಿಗ್ ಗೇಮ್​​​ನಲ್ಲಿ ಟೀಮ್ ಇಂಡಿಯಾ ಬದ್ಧವೈರಿಯ ಸೊಲ್ಲಡಗಿಸುತ್ತಾ? ಇಲ್ಲ ಬಾಬರ್ ಪಡೆ ಹೆಣೆದ ತಂತ್ರಕ್ಕೆ ಭಾರತ ಲಾಕ್ ಆಗುತ್ತಾ ಅನ್ನೋದನ್ನ ಕಾದು ನೋಡಬೇಕು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ