ಪಲ್ಲೆಕೆಲೆಯಲ್ಲಿ ರೋಹಿತ್​ ಶರ್ಮಾ ಪವರ್​ ಲೆಸ್​ ಆಟದ ಗುಟ್ಟೇನು?

ಕಳೆದ 5 ಮುಖಾಮುಖಿಗಳಲ್ಲಿ ರೋಹಿತ್ ಶರ್ಮಾ​ ಫ್ಲಾಪ್ ಶೋ​

ಬಹಳಷ್ಟು ನಿರೀಕ್ಷೆ ಹುಸಿಗೊಳಿಸಿದ ಟೀಮ್​ ಇಂಡಿಯಾ ಕ್ಯಾಪ್ಟನ್​

ಯಾವುದೇ ಫೀಲ್ಡ್​ ಆಗಿರ್ಲಿ, ಟೀಮ್​ ಕ್ಯಾಪ್ಟನ್​, ತಂಡವನ್ನ ಮುಂದೆ ನಿಂತು ನಡೆಸಬೇಕು ಅನ್ನೋದು ಎಲ್ಲರ ನಿರೀಕ್ಷೆ. ಆದ್ರೆ, ಟೀಮ್​ ಇಂಡಿಯಾದ ವಿಚಾರದಲ್ಲಿ ಈ ನಿರೀಕ್ಷೆ ಯಾವಾಗಲೂ ಆಗೋದು ಹುಸಿನೇ. ಅದ್ರಲ್ಲೂ, ಪಾಕ್​ ವಿರುದ್ಧದ ಪಂದ್ಯ ಅಂದ್ರೆ ಸಾಕು, ಹಿಟ್​​ಮ್ಯಾನ್​​ ತಡಕಾಡ್ತಾರೆ.

ಪಾಕಿಸ್ತಾನ ವಿರುದ್ಧದ ಪಂದ್ಯದ ಅಂದ್ರೆ ಸಾಕು ರೋಹಿತ್​ ಶರ್ಮಾ ಸಿಡಿದೇಳ್ತಾರೆ ಅನ್ನೋ ಮಾತಿತ್ತು. ಆದ್ರೆ, ಇತ್ತೀಚೆಗೆ ಯಾಕೋ ಹಿಟ್​ಮ್ಯಾನ್​, ತಡಕಾಡ್ತಿದ್ದಾರೆ. ಸೆಂಚುರಿ ಸಿಡಿಸಿ ಘರ್ಜಿಸ್ತಾ ಇದ್ದ ರೋಹಿತ್​ ಶರ್ಮಾ, ಒಂದೊಂದು ರನ್​ಗಳಿಕೆಗೆ ಪರದಾಡ್ತಿದ್ದಾರೆ. ನಿನ್ನೆಯ ಪಂದ್ಯದಲ್ಲೂ ಆಗಿದ್ದು ಇದೇ.

ಬದ್ಧವೈರಿಗಳ ಎದುರಿನ ಕದನ, ಕೋಟ್ಯಂತರ ಅಭಿಮಾನಿಗಳ ನಿರೀಕ್ಷೆ, ಗೆಲ್ಲಲೇಬೇಕಾದ ಪ್ರತಿಷ್ಟೆ. ಇಂತಾ ಹೈ ಪ್ರೆಶರ್​ ಗೇಮ್​ನಲ್ಲಿ ಸೀನಿಯರ್ಸ್​ ಅದ್ರಲ್ಲೂ ಮುಖ್ಯವಾಗಿ ಕ್ಯಾಪ್ಟನ್​ ತಂಡವನ್ನ ಮುಂದೆ ನಿಂತು ಲೀಡ್​ ಮಾಡಬೇಕು ಅನ್ನೋದು ಎಲ್ಲರ ನಿರೀಕ್ಷೆ. ಆದ್ರೆ, ನಮ್​​ ಕ್ಯಾಪ್ಟನ್​​ ರೋಹಿತ್​ ಕಥೆನೆ ಬೇರೆ.

ಏಷ್ಯಾಕಪ್​- 2023, ಪಲ್ಲೆಕೆಲೆಯಲ್ಲಿ ರೋಹಿತ್​​ ಪವರ್​ ಲೆಸ್​​

ನಿನ್ನೆಯ ಪಂದ್ಯದಲ್ಲಿ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮೇಲೆ ನಿರೀಕ್ಷೆಯ ಭಾರವಿತ್ತು. ಆದ್ರೆ, ಬ್ಯಾಟಿಂಗ್​ಗಿಳಿದಾಗ್ಲೇ ಗೊತ್ತಾಗಿದ್ದು ರೋಹಿತ್​ ಅಸಲಿ ಆಟ. ನಿಜ ಹೇಳಬೇಕಂದ್ರೆ ರೋಹಿತ್​ ಶರ್ಮಾರಲ್ಲಿ ಕಾನ್ಫಿಡೆನ್ಸ್​ ಅನ್ನೋದೆ ಮಾಯವಾಗಿತ್ತು. ಮೊದಲ ಎಸೆತದಿಂದಲೇ ತಡಕಾಡಿದ ಹಿಟ್​ಮ್ಯಾನ್​ ಕೇವಲ 11 ರನ್​ಗಳಿಗೆ ಆಟ ಮುಗಿಸಿದ್ರು.

T20 ವಿಶ್ವಕಪ್​ – 2022, ಮೆಲ್ಬರ್ನ್​​ನಲ್ಲಿ ರೋಹಿತ್​

ಕಳೆದ ವರ್ಷ ನಡೆದ ಟಿ20 ವಿಶ್ವಕಪ್​ ಪಂದ್ಯದಲ್ಲೂ ರೋಹಿತ್​ ಶರ್ಮಾ ನೀಡಿದ್ದು ಪ್ಲಾಫ್​ ಶೋ. ಮೆಲ್ಬರ್ನ್​ ಅಂಗಳದಲ್ಲಿ ಆರಂಭಿಕನಾಗಿ ಕಣಕ್ಕಿಳಿದ ರೋಹಿತ್​ ಮಕಾಡೆ ಮಲಗಿದ್ರು. ಜಸ್ಟ್​ 7 ಎಸೆತವನ್ನ ಎದುರಿಸೋದ್ರಲ್ಲಿ ಸುಸ್ತಾದ ಶರ್ಮಾ, 4 ರನ್​ಗಳಿಸಿ ಪೆವಿಲಿಯನ್​ ಸೇರಿದ್ರು.

ಏಷ್ಯಾಕಪ್​- 2022, ಅರಬ್ಬರ ನಾಡಲ್ಲಿ ಸತತ 2 ಫ್ಲಾಪ್​

2022ರ ಏಷ್ಯಾಕಪ್​ ಟೂರ್ನಿ ಕಥೆ ಏನು ವಿಭಿನ್ನವಾಗಿಲ್ಲ. 2022ರ ಏಷ್ಯಾಕಪ್​ ಟೂರ್ನಿಯಲ್ಲಿ ಲೀಗ್​ ಹಂತದಲ್ಲಿ ಮುಖಾಮುಖಿಯಾದಾಗ ಜಸ್ಟ್​ 12 ರನ್​ಗಳಿಸಿ ಔಟಾಗಿದ್ದ ರೋಹಿತ್​ ಶರ್ಮಾ, ಸೂಪರ್​ 4 ಕದನದಲ್ಲೂ ಬಿಗ್​ ಸ್ಕೋರ್​ ಕಲೆ ಹಾಕುವಲ್ಲಿ ಎಡವಿದ್ರು. ಯುಎಇನಲ್ಲಿ ನಡೆದ ಟೂರ್ನಿಯ 2 ಪಂದ್ಯಗಳಲ್ಲಿ ಗಳಿಸಿದ್ದು ಕೇವಲ 40 ರನ್​ ಮಾತ್ರ.

T20 ವಿಶ್ವಕಪ್​- 2021, ಹಿಟ್​ಮ್ಯಾನ್​​ ಡಕೌಟ್​​..!

ಇದು ಕ್ಯಾಪ್ಟನ್​ ರೋಹಿತ್​ ಕಥೆಯಲ್ಲ, ಅದಕ್ಕೂ ಹಿಂದಿನ ಕಥೆ. ಆದ್ರೂ, ಸೀನಿಯರ್​ ಪ್ಲೇಯರ್​​ ಅನಿಸಿಕೊಂಡಿದ್ದ ರೋಹಿತ್​ ಶರ್ಮಾ ವಿಶ್ವಕಪ್​ನಂತಹ ಬಿಗ್​ಸ್ಟೇಜ್​ನಲ್ಲಿ ಪರ್ಫಾಮ್​ ಮಾಡ್ಬೇಕು ಅನ್ನೋದು ಎಲ್ಲರ ನಿರೀಕ್ಷೆ. ಆದ್ರೆ, 2021ರ ಟಿ20 ವಿಶ್ವಕಪ್​ ರೋಹಿತ್​ ಸೋಲಿಗೆ ಮುನ್ನುಡಿ ಬರೆದು ಬಿಟ್ರು. ಶಾಹೀನ್​ ಶಾ ಅಫ್ರಿದಿಯ ಪರ್ಫೆಕ್ಟ್​ ಬಾಲ್​ ಮುಂದೆ ಕಕ್ಕಾಬಿಕ್ಕಿಯಾದ ರೋಹಿತ್​ ಆಗಿದ್ದು, ಗೋಲ್ಡನ್​ ಡಕೌಟ್​.

ಭಾರತ- ಪಾಕಿಸ್ತಾನ ನಡುವಿನ ಕಳೆದ 5 ಮುಖಾಮುಖಿಗಳಲ್ಲೂ ರೋಹಿತ್​ ಶರ್ಮಾ ನೀಡಿರೋದು ಅಟ್ಟರ್​ಫ್ಲಾಪ್​ ಪ್ರದರ್ಶನ. ಹೈ ಪ್ರೆಶರ್​ ಗೇಮ್​ನಲ್ಲಿ ಜವಾಬ್ದಾರಿಯುತ ಆಟವಾಡಬೇಕಾದ ತಂಡದ ಕ್ಯಾಪ್ಟನ್​ & ಮೋಸ್ಟ್​ ಸೀನಿಯರ್​ ಪ್ಲೇಯರ್​ ಆಗಿರುವ ಆಟಗಾರನಿಂದ ಇಂತಾ ಪರ್ಫಾಮೆನ್ಸ್​ ನಿರೀಕ್ಷೆ ಮಾಡೋದು ಕೂಡ ಅಸಾಧ್ಯದ ಮಾತಲ್ವಾ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ