ನಕಲಿ ಖಾತೆ ಸೃಷ್ಟಿಸಿ ಗ್ರಾಮವನ್ನೇ ಮಾರಾಟ ಮಾಡಲು ಮುಂದಾದ ಪಂಚಾಯತಿ ಸದಸ್ಯರು..!

ಚಿಕ್ಕಬಳ್ಳಾಪುರ: ನಕಲಿ ಖಾತೆ ಸೃಷ್ಟಿಸಿ ಇಡೀ ಗ್ರಾಮವನ್ನೇ ಮಾರಾಟ ಮಾಡಲು ಮುಂದಾದ ಪ್ರಕರಣವೊಂದು ಚಿಕ್ಕಬಳ್ಳಾಪುರ ತಾಲ್ಲೂಕಿನ ಅವಲಗುರ್ಕಿ ಗ್ರಾಮಪಂಚಾಯತಿ ನಡೆದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿ ಪಂಚಾಯತಿ ಬಿಲ್ ಕಲೆಕ್ಟರನ್ನು​ ಸಸ್ಪೆಂಡ್ ಮಾಡಲಾಗಿದೆ.

ಇಶಾ ಫೌಂಡೇಶನ್ ಬಳಿ ಇರುವ ಸರ್ಕಾರಿ ಗ್ರಾಮ ಠಾಣ್​ ಸ್ಥಳವನ್ನು ಅಕ್ರಮ ಮಾರಾಟ ಮಾಡಲು ಪಂಚಾಯತಿ ಸದಸ್ಯರು ಹಾಗೂ ಸಿಬ್ಬಂದಿ ಮುಂದಾಗಿದ್ದರು. ನನಗೊಂದು ನನ್ನ ಹೆಂಡತಿ ಮಕ್ಕಳಿಗೊಂದು ಅಂತ ಸೈಟ್ ಗಳನ್ನ ಹಂಚಿಕೊಂಡಿದ್ದರು. ಈ ವಿಚಾರ ತಿಳಿದಂತೆ ಚಿಕ್ಕಬಳ್ಳಾಪುರ ಜಿಲ್ಲಾ ಪಂಚಾಯತಿ ಸಿಇಓ ಪ್ರಕಾಶ್ ಜಿ ನಿಟ್ಟಾಲಿ ತನಿಖೆಗೆ ಆದೇಶಿಸಿದ್ದರು.

ತನಿಖೆಯಲ್ಲಿ ಮೊದಲು ಗ್ರಾಮ ಪಂಚಾಯ್ತಿ PDO ಎಂ.ಸಿ. ವೆಂಕಟೇಶ ನನ್ನ ಅಮಾನತು ಮಾಡಲಾಗಿತ್ತು. ನಂತರ ಗ್ರಾ.ಪಂ ಅಧ್ಯಕ್ಷೆ ನಾಗಮಣಿ ಅನುಮತಿ ಮೇರೆಗೆ ಪಿಡಿಒ ಅರುಣ ಗೋಪಿ ಆದೇಶ ಹೊರಡಿಸಿದ್ದು, ಅವಲಗುರ್ಕಿ ಗ್ರಾಮಪಂಚಾಯತಿ ಬಿಲ್ ಕಲೆಕ್ಟರ್ ಪ್ರಕಾಶ್​ನನ್ನು ಸಸ್ಪೆಂಡ್ ಮಾಡಲಾಗಿದೆ.

ಇದು ನ್ಯೂಸ್ ಫಸ್ಟ್ ಇಂಪಾಕ್ಟ್

ಸರ್ಕಾರಿ ಗ್ರಾಮ ಠಾಣ್ ಸ್ಥಳದಲ್ಲಿ 55 ನಿವೇಶನಗಳನ್ನು ಅಕ್ರಮವಾಗಿ ಹಂಚಿಕೆ ಮಾಡಲಾಗಿತ್ತು. 55 ನಿವೇಶನಗಳ ಖಾತೆ ರದ್ದು ಮಾಡಿ ಎಂದು ತಾ.ಪಂ ಇಒ ಜಿ.ಆರ್.ಮಂಜುನಾಥ್​ ಆದೇಶ ಹೊರಡಿಸಿದ್ದಾರೆ. ಸದ್ಯ ಈ ಪ್ರಕರಣದ ಹೆಚ್ಚು ಹೆಚ್ಚು ತಿರುವು ಪಡೆದುಕೊಳ್ಳುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ