ರೋಡಿಸ್ ಶೋ ಮೂಲಕ ಸಖತ್​ ಫೇಮಸ್​ ಆಗಿದ್ದ ನಂದು ಮತ್ತು ಜಶ್ವಂತ್

ಜನಪ್ರಿಯ ರಿಯಾಲಿಟಿ ಶೋನ ಫೈನಲ್​ನಲ್ಲಿ ಗೆದ್ದ ಜಶ್ವಂತ್, ಆಕ್ರಿತಿ ನೇಗಿ

ಬಿಗ್​​ಬಾಸ್​ ಜಶ್ವಂತ್ ಹಾಗೂ ಆಕ್ರಿತಿ ನೇಗಿ ಲವ್​ ಬಗ್ಗೆ ಏನ್​ ಹೇಳ್ತಾರೆ?

ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​​ಬಾಸ್ ಒಟಿಟಿ ಸೀಸನ್ 1ರ ಸ್ಪರ್ಧಿಗಳು ಒಂದಲ್ಲ ಒಂದು ವಿಚಾರದಲ್ಲಿ ಸುದ್ದಿಯಲ್ಲಿರುತ್ತಾರೆ. ಅದರಲ್ಲೂ ಬಿಗ್​ ಮನೆಗೆ ಒಟ್ಟಿಗೆ ಎಂಟ್ರಿ ಕೊಟ್ಟಿದ್ದ ಜಸ್ವಂತ್ ಹಾಗೂ ನಂದು ಜೋಡಿ ತುಂಬಾನೇ ಫೇಮಸ್.

ಇದನ್ನೂ ಓದಿ: ಡೇಟಿಂಗ್ ಶೋನಲ್ಲಿ ಗೆದ್ದು ಬೀಗಿದ ಬಿಗ್​ಬಾಸ್​ ಮಾಜಿ ಸ್ಪರ್ಧಿ​ ಜಸ್ವಂತ್ ಬೋಪಣ್ಣ; ನಂದು ಫ್ಯಾನ್ಸ್​ ಬೇಸರ

ಸ್ಟಾರ್ ನಟ ಸೋನು ಸೂದ್‌ ಹೋಸ್ಟ್ ಮಾಡ್ತಿದ್ದ ರೋಡಿಸ್ ಶೋ ಮೂಲಕ ಫೇಮಸ್​ ಆಗಿದ್ದ ನಂದು ಮತ್ತು ಜಶ್ವಂತ್ ಪ್ರೇಮ ಪಕ್ಷಿಗಳಾಗಿ ಕನ್ನಡ ಬಿಗ್​ಬಾಸ್ ಒಟಿಟಿಗೆ ಕಾಲಿಟ್ಟಿದ್ದರು. ಬಿಗ್​ಬಾಸ್​ ಮೂಲಕ ಅಪಾರ ಅಭಿಮಾನಿಗಳನ್ನು ಗಳಿಸಿಕೊಂಡಿದ್ದ ಜೋಡಿ ಸಖತ್ ಟ್ರೆಂಡ್ ಆಗಿತ್ತು. ಬಿಗ್​ಬಾಸ್​ಗೆ ಎಂಟ್ರಿ ಕೊಟ್ಟಾಗ ಇಬ್ಬರಲ್ಲೂ ಮನಸ್ಥಾಪ ಮೂಡಿತ್ತು. ಅದೇ ಮನಸ್ಥಾಪ ಇಬ್ಬರ ಬ್ರೇಕ್ ಅಪ್​ಗೆ ಕಾರಣವಾಯಿತು. ಬಿಗ್​ಬಾಸ್​​ ಮನೆಯಿಂದ ಆಚೆ ಬಂದ ಬಳಿಕ ಇವರಿಬ್ಬರು ಪ್ರೀತಿಗೆ ಗುಡ್​​ ಬೈ ಹೇಳಿದ್ದರು.

ಬಿಗ್​ಬಾಸ್​ ಮುಕ್ತಾಯದ ಬಳಿಕ ಹಿಂದಿ ಸ್ಪ್ಲಿಟ್ಸ್‌ವಿಲ್ಲಾ (MTV Splitsvilla X5) ಶೋನಲ್ಲಿ ಕೊಡಗಿನ ಜಶ್ವಂತ್ ಬೋಪಣ್ಣ  ವಿನ್ನರ್​ ಆಗಿ ಹೊರ ಹೊಮ್ಮಿದ್ದರು. ಇದೇ ಡೇಟಿಂಗ್ ರಿಯಾಲಿಟಿ ಶೋ ಮೂಲಕ ಆಕ್ರಿತಿ ನೇಗಿ ಪರಿಚಯವಾಗಿತ್ತು. ಸಾಕಷ್ಟು ಮಂದಿ ಈ ಇಬ್ಬರು ಲವ್​ನಲ್ಲಿ ಇದ್ದಾರೆ. ಈ ಇಬ್ಬರು ಮದುವೆ ಆಗ್ತಾರೆ ಅಂತ ಸೋಷಿಯಲ್​ ಮೀಡಿಯಾದಲ್ಲಿ ತುಂಬಾನೇ ಚರ್ಚೆಯಾಗುತ್ತಿತ್ತು. ಇದೀಗ ಇದೇ ವಿಚಾರವಾಗಿ ಜಶ್ವಂತ್ ಪೋಷಕರು ನ್ಯೂಸ್​ಫಸ್ಟ್​ಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಈ ಬಗ್ಗೆ ಮಾತಾಡಿದ ಜಶ್ವಂತ ತಾಯಿ ಬಿಂದು, ಇಬ್ಬರು ಕೂಡ ತುಂಬಾ ಯಂಗ್ ಆಗಿದ್ದಾರೆ. ಮುಂದೆ ಸಾಧನೆ ಮಾಡುವುದು ತುಂಬಾನೇ ಇದೆ. ಇಬ್ಬರಲ್ಲೂ ಒಳ್ಳೆಯ ಕೆಮಿಸ್ಟ್ರಿ ಇದೆ. ಜಶ್ವಂತ್ ಹಾಗೂ ಆಕ್ರಿತಿ ಒಳ್ಳೆಯದಾಗಲಿ. ಮುಂದೆ ಇದನ್ನೇ ಮುಂದುವರೆಸಿಕೊಂಡು ಹೋಗಲಿ ಅಂತ ಹೇಳಿದ್ದಾರೆ. ಈ ಬಗ್ಗೆ ಮಾತಾಡಿದ ಜಶ್ವಂತ್ ತಂದೆ, ಇವರ ಮುಂದಿನ ಭವಿಷ್ಯ ನಮ್ಮ ಕೈಯಲ್ಲಿ ಇಲ್ಲ. ಮದುವೆ ಅನ್ನೋದು ಸ್ವರ್ಗದಲ್ಲೇ ನಿಶ್ಚಯ ಆಗಿರುತ್ತೆ ಅಂತ ಗಾದೆಯೇ ಇದೆ. ಅವರು ಇನ್ನೂ ಯಂಗ್​ ಆಗಿದ್ದಾರೆ. ಕೆರಿಯರ್​ ಬಗ್ಗೆ ತುಂಬಾನೇ ಫೋಕಸ್ ಮಾಡಬೇಕಾಗುತ್ತೆ. ಫ್ಯಾನ್ಸ್​ ಥಟ್​ ಅಂತ ಮ್ಯಾರೇಜ್​ಗೆ ಹೋಗಿ ಬಿಡ್ತಾರೆ. 30 ವಯಸ್ಸಿನವರೆಗೂ ಅದರ ಬಗ್ಗೆ ಯೋಚನೆ ಮಾಡಬಾರದು. ಇಬ್ಬರು ಹೊಂದಿಕೊಂಡು ಹೋಗುತ್ತಿದ್ದಾರೆ. ಮುಂದಿನದು ದೈವ ಇಚ್ಛೆ ಎಂದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ