ನಾಳೆ ಸೂರ್ಯ ಕಿರಣ್​ ಅಕ್ರೋಬ್ಯಾಟಿಕ್​ ತಂಡದಿಂದ ಏರ್​ ಶೋ

ನಾಳೆ ಸಂಗೀತ ರಸ ಮಂಜರಿಯಲ್ಲಿ ತೇಲಾಡಲಿದೆ ಮೋದಿ ಸ್ಟೇಡಿಯಂ

ನವೆಂಬರ್​ 20ರಂದು ರಕ್ಷಣಾ ಸಹಕಾರದ ಕುರಿತಾಗಿ ದ್ವಿಪಕ್ಷೀಯ ಸಭೆ

ನಾಳೆ ಭಾರತ ಮತ್ತು ಆಸ್ಟ್ರೇಲಿಯಾ ಫೈನಲ್​ ಪಂದ್ಯ ನಡೆಯಲಿಕ್ಕಿದೆ. ಗುಜರಾತ್​ನಲ್ಲಿ ಈ ಪಂದ್ಯಾಟ ಏರ್ಪಡಲಿದೆ. ಟೀಂ ಇಂಡಿಯಾ ಮತ್ತು ಆಸ್ಟ್ರೇಲಿಯಾ ನಡುವಿನ ಈ ಪಂದ್ಯಾಟವನ್ನು ಕಾಣಲು ಪ್ರಧಾನಿ ನರೇಂದ್ರ ಮೋದಿ ಜೊತೆಗೆ ಆಸ್ಟ್ರೇಲಿಯಾದ ಉಪ ಪ್ರಧಾನಿ ರಿಚರ್ಡ್​ ಮಾರ್ಲ್ಸ್​ ಕೂಡ ಇರಲಿದ್ದಾರೆ.

ಗುಜರಾತ್​ನ ನರೇಂದ್ರ ಮೋದಿ ಮೈದಾನದಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ಪಂದ್ಯಾಟ ನಡೆಯಲಿಕ್ಕಿದೆ. ಈಗಾಗಲೇ ಪಂದ್ಯದ ಬಗ್ಗೆ ಭಾರೀ ನೀರಕ್ಷೆ ಹುಟ್ಟಿಕೊಂಡಿದೆ. ಪ್ರಧಾನಿ ಮೋದಿ, ಆಸ್ಟ್ರೇಲಿಯಾದ ಮಾಜಿ ಪ್ರಧಾನಿ ರಿಚರ್ಡ್​ ಮಾರ್ಲ್ಸ್​ ಜೊತೆಗೆ ಭಾರತದ ಗೃಹ ಸಚಿವರಾದ ಅಮಿತ್​ ಶಾ ಕೂಡ ಈ ಪಂದ್ಯವನ್ನು ಕಣ್ತುಂಬಿಕೊಳ್ಳುವುದರ ಜೊತೆಗೆ ತಂಡಗಳನ್ನು ಹುರಿದುಂಬಿಸಲಿದ್ದಾರೆ.

ಇದನ್ನು ಓದಿ: INDvsAUS: ಮಗನ ಶ್ರಮವನ್ನ ಕೊಂಡಾಡಿದ ಶಮಿ ತಾಯಿ.. ಫೈನಲ್​ ಪಂದ್ಯದ ಬಗ್ಗೆ ಏನಂದ್ರು ಗೊತ್ತಾ?

ದ್ವಿಪಕ್ಷೀಯ ಸಭೆ

ಉಭಯ ನಾಯಕರು ನವೆಂಬರ್​ 20ರಂದು ದ್ವಿಪಕ್ಷೀಯ ಸಭೆ ಕರೆದಿದ್ದಾರೆ. ರಕ್ಷಣಾ ಸಹಕಾರದ ಕುರಿತಾಗಿ ಸಂವಾದ ನಡೆಸಲಿದ್ದಾರೆ. ರಕ್ಷಣಾ ಸಚಿವ ರಾಜನಾಥ್​ ಸಿಂಗ್​, ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್​ ಜೈಶಂಕರ್, ಆಸ್ಟ್ರೇಲಿಯಾದ ಉಪ ಪ್ರಧಾನಿ ರಿಚರ್ಡ್​ ಮಾರ್ಲ್ಸ್​​ ಮತ್ತು ವಿದೇಶಾಂಗ ವ್ಯವಹಾರ ಸಚಿವ ಪೆನ್ನಿ ವಾಂಗ್​ ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.

ಇದನ್ನು ಓದಿ: World cup Final: ಕಪ್​ ಮುಂದೆ ಕಲಿಗಳು.. ಟ್ರೋಫಿ ಜೊತೆಗೆ ನಿಂತು ಪೋಸ್​ ಕೊಟ್ಟ ರೋಹಿತ್​ ಮತ್ತು ಕಮಿನ್ಸ್​

ಏರ್​ ಶೋ ಮತ್ತು ಲೈವ್​ ಕಾರ್ಯಕ್ರಮ

ನಾಳೆ ಭಾರತೀಯ ವಾಯು ಪಡೆ ಸೂರ್ಯ ಕಿರಣ್​ ಅಕ್ರೋಬ್ಯಾಟಿಕ್​ ತಂಡ ಏರ್​ ಶೋ ಪ್ರದರ್ಶಿಸಲಿದೆ. ಮಧ್ಯಾಹ್ನ 1.30ರಿಂದ 1.50ರವರೆಗೆ ಈ ಪ್ರದರ್ಶನವನ್ನು ಆಯೋಜಿಸಲಾಗಿದೆ. ಇವಿಷ್ಟು ಮಾತ್ರವಲ್ಲದೆ, ಮೋದಿ ಸ್ಟೇಡಿಯಂನಲ್ಲಿ ಸಂಗೀತ ಸಂಯೋಜಕ ಪ್ರೀತಂ ಗಾಯಕರಾದ ಜೊನಿತಾ ಗಾಂದಿ, ನಕಾಶ್​ ಆಜೀಜ್​, ಅಮಿತ್​ ಮಿಶ್ರಾ, ಆಕಾಶ್ ಸಿಂಗ್​, ತುಷಾರ್​ ಜೋಷಿ ಲೈವ್​ ಪ್ರದರ್ಶನ ನಿಡಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ