3 ಗಂಟೆಯಲ್ಲಿ ಎಷ್ಟು ವೀಕ್ಷಣೆ ಕಂಡಿದೆ ಗೊತ್ತಾ ಸಲಾರ್ ಟೀಸರ್‌

ಪ್ರಭಾಸ್​ ಎಂಟ್ರಿ ಹೇಗಿದೆ.. ಮಾಸ್​ ಲುಕ್​ನಲ್ಲಿ ಡಾರ್ಲಿಂಗ್​ ಹೀರೋ

ಸೋಷಿಯಲ್​ ಮೀಡಿಯಾದಲ್ಲಿ ಟ್ರೆಂಡಿಂಗ್ ಇರೋ ಹೆಸರುಗಳಿವು

ಬಾಹುಬಲಿ ಖ್ಯಾತಿಯ ಪ್ರಭಾಸ್ ಅಭಿನಯದ ಸಲಾರ್​ ಸಿನಿಮಾ ಇಂದು ಬೆಳ್ಳಂಬೆಳಗ್ಗೆ ನಾವು ನಿದ್ದೆಯಿಂದ ಎದ್ದು ಕಣ್ಣು ಬಿಡುವುದೊಳಗೆ ರಿಲೀಸ್ ಆಗಿತ್ತು. ಕನ್ನಡಿಗ, ಸ್ಟಾರ್​ ನಿರ್ದೇಶಕ ಪ್ರಶಾಂತ್​ ನೀಲ್​ ನಿರ್ದೇಶನದ ಈ ಸಿನಿಮಾದ ಮೇಲೆ ಪ್ರಭಾಸ್​ ಫ್ಯಾನ್ಸ್​ ಸಿಕ್ಕಾಪಟ್ಟೆ ನಿರೀಕ್ಷೆ ಇಟ್ಟುಕೊಂಡಿದ್ದರು.

ಸಲಾರ್​ ಮೂವಿ ಬಗ್ಗೆ ಅಪ್​ಡೇಟ್​ ಕೊಡಿಯೆಂದು ಸೋಷಿಯಲ್​ ಮೀಡಿಯಾದಲ್ಲಿ ಕೇಳುತ್ತಿದ್ದರು. ಬೆಳಗ್ಗೆ ಫ್ಯಾನ್ಸ್​ಗೆ ಚಿತ್ರ ತಂಡ ಬಿಗ್​ ಅಪ್​ಡೇಟ್​ ಕೊಟ್ಟಿದ್ದು ಯೂ ಟ್ಯೂಬ್​ನಲ್ಲಿ ಟೀಸರ್​ ಗಂಟೆ ಗಂಟೆಗೆ ಮಿಲಿಯನ್​ ಗಟ್ಟಲೇ ವೀವ್ಸ್ ಕಾಣುತ್ತಿದೆ. ಟೀಸರ್​ನಲ್ಲಿ ಡಾರ್ಲಿಂಗ್​ ಪ್ರಭಾಸ್​ ಮಾಸ್​ ಲುಕ್​ನಲ್ಲಿ ಕಾಣಿಸಿದ್ದು ಒಂದೊಂದು ಸ್ಕ್ರೀನ್​ ಕೂಡ ಸಖತ್​ ಆಗಿವೆ.

ಫುಲ್​ ಕತ್ತಲಲ್ಲಿ ಇರುವಂತೆ ಈ ಟೀಸರ್ ಭಾಸವಾದರೂ ಬಿಜಿಎಂಗೆ ಅಭಿಮಾನಿಗಳು ಫುಲ್​ ಫಿದಾ ಆಗಿದ್ದಾರೆ. ಟೀಸರ್​ ರಿಲೀಸ್​ ಆದ ಕೇವಲ 3 ಗಂಟೆ ಬರೋಬ್ಬರಿ 40 ಲಕ್ಷಕ್ಕೂ ಅಧಿಕ ಜನರು ಇದನ್ನು ನೋಡಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲಂತೂ #SalaarTeaser #PrashanthNeel #Prabhas ಹೆಸರುಗಳು ಟ್ರೆಂಡಿಂಗ್​ನಲ್ಲಿವೆ. ಸಂಜೆ ವೇಳೆಗೆ ಟೀಸರ್​ ಬಿಲಿಯನ್​ ಗಟ್ಟಲೇ ವೀವ್ಸ್ ಆಗಬಹುದು ಎಂದು ಅಂದಾಜಿಸಲಾಗ್ತಿದೆ.

ಇದನ್ನು ಓದಿ: ಪ್ರಭಾಸ್​ ನಟಿಸಿದ ಸಲಾರ್ ಚಿತ್ರದ ಬಜೆಟ್ ಎಷ್ಟು?.. ಈ ಸಿನಿಮಾಕ್ಕಾಗಿ ಇಡೀ ಭಾರತದಲ್ಲೇ 1st ಟೈಮ್​ ಬಳಸಿದ ನ್ಯೂ ಟೆಕ್ನಾಲಜಿ ಯಾವುದು?

ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾವಾದ ಈ ಚಿತ್ರವನ್ನು ಕೆಜಿಎಫ್ ಖ್ಯಾತಿಯ ಪ್ರಶಾಂತ್ ನೀಲ್ ಡೈರೆಕ್ಟ್​ ಮಾಡಿದ್ದಾರೆ. ಪ್ರಡ್ಯೂಸರ್​ ವಿಜಯ ಕಿರಗಂದೂರು ಸಲಾರ್​ಗೆ ಬಂಡವಾಳ ಹೂಡಿದ್ದಾರೆ. ಕೆಜಿಎಫ್, ಕಾಂತಾರ ನಂತರ ಹೊಂಬಾಳೆ ಫಿಲಂಸ್ ಮತ್ತೊಂದು ಬಿಗ್​ ಬಜೆಟ್​ ಸಿನಿಮಾ ರಿಲೀಸ್​ ಮಾಡಲು ಮುಂದಾಗಿದೆ. ಸೆಪ್ಟೆಂಬರ್​ 28 ರಂದು ಪ್ರಭಾಸ್​ ಅಭಿನಯದ ಸಲಾರ್​ ಬೆಳ್ಳಿ ತೆರೆಗೆ ಅಪ್ಪಳಿಸಲಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ