ಸ್ಯಾಂಡಲ್​​ವುಡ್​​​​ ಅಭಿಮಾನಿಗಳ ಮನಗೆದ್ದ ಹಾಸ್ಟೆಲ್​ ಹುಡುಗರು

ಸಿನಿಮಾ ನೋಡಿ ಇದು ಕಿರಿಕ್​ ಪಾರ್ಟಿಯ ಹಾಸ್ಟೆಲ್​ ವರ್ಷನ್ ಎಂದ ನಟ!

ಹಾಸ್ಟೆಲ್​ ಹುಡುಗರು ಅವತಾರ ಕಂಡು ಬಿದ್ದು ಬಿದ್ದು ನಕ್ಕ ತಾರೆಯರು

ಸದ್ಯ ಸ್ಯಾಂಡಲ್​​ವುಡ್​ನಲ್ಲಿ ಹಾಸ್ಟೆಲ್​ ಹುಡುಗರೇ ಕೀಟಲೆ ಕೊಡ್ತಾ ಇದ್ದಾರೆ. ಹೊಸ ತರಹದ ಸಿನಿಮಾವನ್ನು ತೆರೆಗೆ ತರುವ ಮೂಲಕ ಮನೆಯಲ್ಲಿ ಕುಂತವರನ್ನು ಥಿಯೇಟರ್​​ನತ್ತ ಕೊಂಡೊಯ್ಯುವ ಕೆಲಸ ಮಾಡುತ್ತಿದ್ದಾರೆ. ಅಷ್ಟು ಮಾತ್ರವಲ್ಲದೆ, ನಗದೇ ಇದ್ದವರನ್ನು ನಗಿಸುವ ಕಾಯಕಕ್ಕೆ ಇಳಿದಿದ್ದಾರೆ. ಹಾಗಾಗಿ ನವ ಯುವಕರ ತಂಡ ಮಾಡಿದ ‘ಹಾಸ್ಟೆಲ್​​​ ಹುಡುಗರು ಬೇಕಾಗಿದ್ದಾರೆ’ ಸದಾ ಹೌಸ್​ ಫುಲ್​ ಜೊತೆಗೆ ಸಕ್ಸಸ್​ ಕೂಡ ಕಾಣಿಸುತ್ತಿದೆ.

ಇನ್ನು ಈ ಸಿನಿಮಾವನ್ನು ಕಂಡ ಸ್ಯಾಂಡಲ್​ವುಡ್​ ತಾರೆಯರು ಸಿನಿಮಾ ಬಗ್ಗೆ ಬಗೆ ಬಗೆಯ ಕಾಮೆಂಟ್​​ ಮಾಡುತ್ತಿದ್ದಾರೆ. ಅದರಲ್ಲೂ ಬಹುತೇಕರು ಸಿನಿಮಾ ಬಗ್ಗೆ ಸಕಾರಾತ್ಮಕ ಕಾಮೆಂಟ್​ ಮಾಡಿದ್ದಾರೆ. ನಟ ಪ್ರಮೋದ್​​ ಶೆಟ್ಟಿ ಮತ್ತು ಮಡದಿ ಸುಪ್ರಿತಾ ಶೆಟ್ಟಿ ಕೂಡ ಈ ಸಿನಿಮಾ ನೋಡಿ ಮಾತನಾಡಿದ್ದಾರೆ. ಸಿನಿಮಾದ ಕುರಿತು ಹಾಡಿ ಹೊಗಳಿದ್ದಾರೆ. ಇದರ ನಡುವಲ್ಲಿ ಸುಪ್ರಿತಾ ಶೆಟ್ಟಿ ‘ನಾನಂತೂ ನನ್ನ ಮಕ್ಕಳನ್ನ ಹಾಸ್ಟೆಲ್​​ ಸೇರಿಸಲ್ಲ’ ಎಂದು ಹೇಳಿದ್ದಾರೆ.

ಇದು ಕಿರಿಕ್​ ಪಾರ್ಟಿದ ಹಾಸ್ಟೆಲ್​ ವರ್ಷನ್​ ಆಗುತ್ತೆ

ನಟ ಪ್ರಮೋದ್​ ಶೆಟ್ಟಿ ಮಾತನಾಡಿ, ನಾನು ಟ್ರೈಲರ್​ ಲಾಂಚ್​ ದಿನವೇ ಹೇಳಿದ್ದೆ ಇದು ಕಿರಿಕ್​ ಪಾರ್ಟಿಯ ಹಾಸ್ಟೆಲ್​ ವರ್ಷನ್​ ಆಗುತ್ತೆ ಅಂತ. ಕಿರಿಕ್​ ಪಾರ್ಟಿಗಿಂತ ಒಂದು ಹೆಜ್ಜೆ ಮೇಲೆ ಸಕ್ಸಸ್ ಕಾಣಲಿ ಅಂತ ಹಾರೈಸುತ್ತಾ ಇದ್ದೀನಿ. ನಾನೇನು ಸಿನಿಮಾ ಬಗ್ಗೆ ಹೇಳಬೇಕಾಗಿಲ್ಲ. ಆಡಿಯನ್ಸ್​ ಹೇಳಿದ್ದಾರೆ. ಜನ ಬುಕ್ಕಿಂಗ್​ ಮೂಲಕ ಸಕ್ಸಸ್​​ ತೋರಿಸಿಕೊಟ್ಟಿದ್ದಾರೆ. ಈ ಹುಡುಗರು ಹಿಂಗೆ ದೊಡ್ಡ ಸಕ್ಸಸ್​​ ಆಗಲಿ. ಬೇರೆ ಭಾಷೆಗೂ ಡಬ್​ ಆಗಲಿ. ಬೇರೆ ಭಾಷಿಗರು ಈ ಸಿನಿಮಾವನ್ನು ನೋಡುವಂತಾಗಲಿ ಎಂದು ಹಾರೈಸುತ್ತೇನೆ. ಆಲ್​ ದಿ ಬೆಸ್ಟ್​ ಎಲ್ಲರಿಗೂ ಎಂದು ಹೇಳಿದ್ದಾರೆ.

ನಾನಂತು ನನ್ನ ಮಕ್ಕಳನ್ನು ಹಾಸ್ಟೆಲ್​​ಗೆ ಸೇರಿಸಲ್ಲ

ಫ್ರೆಶರ್ಸ್​ ಸಿನಿಮಾ ಮಾಡ್ತಾರೆ ಎಂದು ಎಲ್ಲಾರೂ ಹೇಳ್ತಾರೆ. ಆದರೆ ಹೊಸೊಬ್ಬರು​ ಎಚ್ಚು ಚೆನ್ನಾಗಿ ಸಿನಿಮಾ ಮಾಡಿದ್ದಾರೆ ಅನ್ನೋದನ್ನ ಹೌಸ್​ ಫುಲ್​​ ಸಿನಿಮಾ ಓಡ್ತಾ ಇದೆ. ಇನ್ನು ಅದು 100 ಡೇಸ್​ ಆಗಲಿ, ಸಕ್ಸಸ್​ ಸಿಗ್ಲಿ. ಇನ್ನು ಇಂತಹ ಅದ್ಭುತ ಸಿನಿಮಾಗಳನ್ನ ನಿಮ್ಮ ತಂಡ ಕೊಡಲಿ ಅಂದ ಹೇಳೋಕೆ ಇಷ್ಟಪಡ್ತೀನಿ. ಅದರ ಜೊತೆಗೆ ಯಾರ ಬಗ್ಗೆ ಮಾತನಾಡಬೇಕು ಅಂತ ಗೊತ್ತಾಗುತ್ತಿಲ್ಲ. ಪ್ರತಿಯೊಬ್ಬ ಆ್ಯಕ್ಟರ್​, ಡೈರೆಕ್ಟರ್​, ಸಿನಿಮಾಟೋಗ್ರಾಫರ್​ ಇರ್ಬೋದು ಬೆಸ್ಟ್​ ಅನ್ನು ನೀಡಿದ್ದಾರೆ. ಅಮೇಜಿಂಗ್​ ಆಗಿದೆ. ಹಾಸ್ಟೆಲ್​ ಹೀಗಿರತ್ತಾ ಅಂತ ಕಲ್ಪನೆ ಇತ್ತು. ಹಾಸ್ಟೆಲ್​ ಒಳಗೆ ಹೋಗಿ ಬಂದಂತಹ ಒಂದು ಅನುಭವನ ಕೊಟ್ಟಿದ್ದಾರೆ. ಅಮೇಜಿಂಗ್​ ಮೂವಿ, ನಾನಂತು ನನ್ನ ಮಕ್ಕಳನ್ನು ಹಾಸ್ಟೆಲ್​​ಗೆ ಸೇರಿಸಲ್ಲ. ಯಾಕಂದ್ರೆ ಅಷ್ಟು ನಕ್ಕಿದ್ದೀವಿ. ಸಿನಿಮಾ ಶುರು ಆದಾಗಿನಿಂದ ಕೊನೆಯವರೆಗೆ ನಗುತ್ತಲೇ ಇದ್ದೆವು. ಎಲ್ಲರು ಖಂಡಿತವಾಗಿ ಕಾಲೇಜು ಸ್ಟೂಡೆಂಟ್​ ಆಗಿರಬಹುದು ಎಲ್ಲಾರು ಬಂದು ಸಿನಿಮಾವನ್ನು ನೋಡಿ. ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ ಜೈ ಎಂದು ಹೇಳಿದ್ದಾರೆ.

ಪ್ರಮೋದ್ ಶೆಟ್ಟಿ ದಂಪತಿ ತಮ್ಮ ಮಕ್ಕಳನ್ನು ಹಾಸ್ಟೆಲ್​​ಗೆ ಸೇರಿಸಲ್ವಂತೆ.. #HostelHudugaruBekagiddare #Pramodshetty @UrsPramodShetty pic.twitter.com/bheLHOEqlt

— NewsFirst Kannada (@NewsFirstKan) July 25, 2023

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ