2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇನ್ನೂ 6 ತಿಂಗಳು ಬಾಕಿ

ಯುವ ಆಟಗಾರರನ್ನು ಖರೀದಿ ಮಾಡಲು ಆರ್​ಸಿಬಿ ತಂಡದಿಂದ ಪ್ಲಾನ್​​

ಮುಂದಿನ ಸೀಸನ್​ಗೆ ಆರ್​​ಸಿಬಿ ತಂಡಕ್ಕೆ ಸ್ಫೋಟಕ ಸಿಕ್ಸರ್​ ಕಿಂಗ್​ ಎಂಟ್ರಿ

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇನ್ನೂ 6 ತಿಂಗಳು ಬಾಕಿ ಇದೆ. ಯಾರನ್ನು ರಿಲೀಸ್​ ಮಾಡಬೇಕು? ಯಾರನ್ನು ರೀಟೈನ್​​ ಮಾಡಿಕೊಳ್ಳಬೇಕು? ಎಂದು ಐಪಿಎಲ್​ ತಂಡಗಳ ಮಾಲೀಕರು ಪ್ಲಾನ್​ ಮಾಡುತ್ತಿದ್ದಾರೆ. ವರ್ಷದ ಕೊನೆಗೆ ನಡೆಯಲಿರೋ ಮೆಗಾ ಹರಾಜಿನಲ್ಲಿ ಯುವ ಆಟಗಾರರ ಖರೀದಿ ಮಾಡಲು ಆರ್​ಸಿಬಿ ಪ್ಲಾನ್​ ಮಾಡಿಕೊಂಡಿದೆ. ಹರಾಜಿಗೆ ಬಂದರೆ ಸಮಿತ್​ ಡ್ರಾವಿಡ್​ ಅವರನ್ನು ಖರೀದಿಸಬೇಕು ಎಂದು ಆರ್​​ಸಿಬಿ ಮುಂದಾಗಿದ್ದು, ಇವರ ಜೊತೆಗೆ ಮತ್ತೋರ್ವ ಯುವ ಬ್ಯಾಟರ್​ ಮೇಲೂ ಕಣ್ಣಿಟ್ಟಿದೆ.

ಕಳೆದ 17 ವರ್ಷಗಳ ಹಿಂದೆ 2007ರ ಟಿ20 ಪಂದ್ಯದಲ್ಲಿ ಭಾರತದ ಯುವರಾಜ್ ಸಿಂಗ್ ಇಂಗ್ಲೆಂಡ್‌ ವಿರುದ್ಧ ಒಂದೇ ಓವರ್‌ನಲ್ಲಿ ಆರು ಸಿಕ್ಸರ್ ಸಿಡಿಸಿ ದಾಖಲೆ ಬರೆದಿದ್ದರು. ಈಗ ಇಂತಹದ್ದೇ ಒಂದು ಅಸಾಧಾರಣ ದಾಖಯನ್ನು ದೆಹಲಿ ಪ್ರೀಮಿಯರ್ ಲೀಗ್‌ನಲ್ಲಿ ಪ್ರಿಯಾಂಶ್ ಆರ್ಯ ಮಾಡಿದ್ದಾರೆ. ಒಂದೇ ಓವರ್‌ನಲ್ಲಿ ಆರು ಸಿಕ್ಸರ್ ಬಾರಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಇವರ ಮೇಲೆ ಆರ್​​ಸಿಬಿ ಕಣ್ಣು ಬಿದ್ದಿದ್ದು, ಖರೀದಿ ಮಾಡಲೇಬೇಕು ಎಂದು ಲಿಸ್ಟ್​​ ಮಾಡಿಕೊಂಡಿದೆ.

ಒಂದೇ ಓವರ್​​ನಲ್ಲಿ 6 ಸಿಕ್ಸರ್​ ಸಿಡಿಸಿದ ಪ್ರಿಯಾಂಶ್!

ಇತ್ತೀಚೆಗೆ ಸೌತ್​​ ಡೆಲ್ಲಿ ಮತ್ತು ನಾರ್ತ್​​ ಡೆಲ್ಲಿ ಮಧ್ಯೆ ರೋಚಕ ಪಂದ್ಯ ನಡೆಯಿತು. ಈ ಪಂದ್ಯದಲ್ಲಿ ಸೌತ್​ ಡೆಲ್ಲಿ ಪರ ಬ್ಯಾಟ್​​ ಬೀಸಿದ್ದ ಒಂದೇ ಓವರ್‌ನಲ್ಲಿ ಸತತ 6 ಸಿಕ್ಸರ್‌ ಸಿಡಿಸಿ ಐತಿಹಾಸಿಕ ಸಾಧನೆ ಮಾಡಿದರು. ನಾರ್ತ್​ ಡೆಲ್ಲಿ ಬೌಲರ್‌ ಮನನ್ ಭರದ್ವಾಜ್ ಬೆಂಡೆತ್ತಿದ ಪ್ರಿಯಾಂಶ್ ಬ್ಯಾಕ್​ ಟು ಬ್ಯಾಕ್​ 6 ಸಿಕ್ಸರ್​​ ಚಚ್ಚಿದ್ರು. ಈ ಮೂಲಕ ರವಿಶಾಸ್ತ್ರಿ ಮತ್ತು ಯುವರಾಜ್ ಸಿಂಗ್ ನಂತರ ಒಂದು ಓವರ್‌ನಲ್ಲಿ 6 ಸಿಕ್ಸರ್ ಸಿಡಿಸಿದ 3ನೇ ಬ್ಯಾಟರ್​ ಅನ್ನೋ ಕೀರ್ತಿಗೆ ಪಾತ್ರರಾದರು. ಐಪಿಎಲ್‌ ಮೆಗಾ ಹರಾಜು ಸಮೀಪಿಸುತ್ತಿರೋ ಹೊತ್ತಲ್ಲೇ ದೆಹಲಿ ಪ್ರೀಮಿಯರ್ ಲೀಗ್‌ನಲ್ಲಿ ಪ್ರಿಯಾಂಶ್ ಆರ್ಯ ಅಮೋಘ ಬ್ಯಾಟಿಂಗ್​ ಮಾಡಿದ್ದು, ಆರ್​​ಸಿಬಿ ಗಮನ ಸೆಳೆದಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ