ಪ್ರಾಜೆಕ್ಟ್​-K ಸಿನಿಮಾದಲ್ಲಿ ಬಹುದೊಡ್ಡ ತಾರಾಬಳಗ ಆ್ಯಕ್ಟಿಂಗ್

ಈ ಸಿನಿಮಾದಲ್ಲಿ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ

ಟೀಸರ್​, ಟೈಟಲ್​ಗೆ ಫುಲ್ ಫಿದಾ ಆದ ಪ್ರಭಾಸ್​ ಅಭಿಮಾನಿಗಳು

ಯಂಗ್ ರೆಬಲ್​ಸ್ಟಾರ್​ ಪ್ರಭಾಸ್​ ಪ್ಯಾನ್​ ಇಂಡಿಯಾ ಸಿನಿಮಾಗಳಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ. ಇತ್ತೀಚೆಗಷ್ಟೇ ಸಲಾರ್​ ಸಿನಿಮಾದ ಟೀಸರ್​ ರಿಲೀಸ್ ಆಗಿ ಸಖತ್ ಸೌಂಡ್ ಮಾಡಿತ್ತು. ಇದರ ಬೆನ್ನಲ್ಲೇ ಪ್ರಭಾಸ್ ಅವರ ಮತ್ತೊಂದು ಬಹು ನಿರೀಕ್ಷಿತ ಸಿನಿಮಾದ ಟೀಸರ್ ಔಟ್ ಆಗಿದ್ದು, ಟೀಸರ್ ಜೊತೆ ಟೈಟಲ್​ ಕೂಡ ಲಾಂಚ್ ಮಾಡಲಾಗಿದೆ.

ತೆಲುಗಿನ ದೀ ಫೇಮಸ್​ ಡೈರೆಕ್ಟರ್ ಆಗಿರುವ ಮಹಾನಟಿ ನಿರ್ದೇಶಕ ನಾಗ್ ಅಶ್ವಿನ್ ಅವರು ಪ್ರಭಾಸ್​ ಜೊತೆ ಬಿಗ್​ ಬಜೆಟ್ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾಕ್ಕೆ ಪ್ರಾಜೆಕ್ಟ್​- K ಎಂದು ಕರೆಯುತ್ತಿದ್ದರು. ಆದರೆ ನಿಜವಾದ ಹೆಸರನ್ನು ಇಲ್ಲಿವಯರೆಗೆ ಎಲ್ಲಿಯೂ ರಿವೀಲ್ ಮಾಡಿರಲಿಲ್ಲ. ಸದ್ಯ ಈ ಪ್ರಾಜೆಕ್ಟ್​- ಕೆ ಸಿನಿಮಾದ ಟೈಟಲ್​ ಹಾಗೂ ಟೀಸರ್ ಅನ್ನು ಅಮೆರಿಕದ ಸ್ಯಾನ್ ಡಿಯಾಗೋ ಕಾಮಿಕ್ ಕಾನ್​ನಲ್ಲಿ ಲಾಂಚ್​ ಮಾಡಲಾಗಿದೆ. ಟೀಸರ್ ಮತ್ತು ಟೈಟಲ್​ ಅನ್ನು ಬಾಹುಬಲಿ ಪ್ರಭಾಸ್ ಹಾಗೂ ಕಮಲ್ ಹಾಸನ್ ಅವರು ರಿಲೀಸ್ ಮಾಡಿರುವುದು ಇಲ್ಲಿ ಇನ್ನೊಂದು ವಿಶೇಷ ಎನಿಸಿದೆ.

ಪ್ರಾಜೆಕ್ಟ್​- ಕೆ ಎಂದರೆ ‘ಕಲ್ಕಿ2898 ಕ್ರಿ.ಶ’ ಎಂದು ಟೈಟಲ್

ಪ್ರಾಜೆಕ್ಟ್​- ಕೆ ಎಂದರೆ ‘ಕಲ್ಕಿ2898 ಕ್ರಿ.ಶ’ ಎಂದು ಟೈಟಲ್ ನೀಡಲಾಗಿದೆ. ಇನ್ನು ಸಿನಿಮಾದಲ್ಲಿ ದೊಡ್ಡ ತಾರಾಬಳಗವೇ ಅಭಿನಯಿಸಿದೆ. ಡಾರ್ಲಿಂಗ್​ ಪ್ರಭಾಸ್ ಜೊತೆಯಾಗಿ ಪ್ರಮುಖ ಪಾತ್ರದಲ್ಲಿ ಬಾಲಿವುಡ್​ ಬೆಡಗಿ, ಕನ್ನಡದ ಸುಂದರಿ ದೀಪಿಕಾ ಪಡುಕೋಣೆ, ದಿಶಾ ಪಟಾಣಿ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ಬಾಲಿವುಡ್​ ಬಿಗ್ ಬಿ ಹಾಗೂ ದಕ್ಷಿಣ ಭಾರತದ ಸೂಪರ್ ಸ್ಟಾರ್ ಕಮಲ್ ಹಾಸನ್​ ಕೂಡ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾದ ಒಟ್ಟು ಬಂಡವಾಳ 600 ಕೋಟಿ ರೂಪಾಯಿಗಳು ಎಂದು ಹೇಳಲಾಗುತ್ತಿದೆ.

ಮೊನ್ನೆ ಪ್ರಭಾಸ್​ ಫಸ್ಟ್​ ಲುಕ್ ರಿಲೀಸ್ 

‘ಕಲ್ಕಿ2898ಕ್ರಿ.ಶ’ ಟೀಸರ್​ ರಿಲೀಸ್ ಆದ 12 ಗಂಟೆಗಳಲ್ಲಿ ಬರೋಬ್ಬರಿ 55 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ. ಈ ಟೀಸರ್​, ಟೈಟಲ್​ ರಿಲೀಸ್​ಗೂ ಒಂದು ದಿನ ಮೊದಲೇ ಪ್ರಭಾಸ್​ ಅವರ ಫಸ್ಟ್​ ಲುಕ್​ ಅನ್ನು ಚಿತ್ರತಂಡ ಬಿಡುಗಡೆಗೊಳಿಸಿತ್ತು. ಮರುದಿನವೇ ಅಮೆರಿಕದಲ್ಲಿ ಟೀಸರ್​, ಟೈಟಲ್​ ರಿಲೀಸ್​ಮಾಡಿ ಫ್ಯಾನ್ಸ್​ಗೆ ಡಬಲ್ ಡೋಸ್ ಅನ್ನು ಸಿನಿಮಾ ತಂಡ ನೀಡಿದೆ.

ಸಿನಿಮಾವು ಭಾರತದ ಪುರಾಣ-ವೈಜ್ಞಾನಿಕ ಮಹಾಕಾವ್ಯಗಳ ಆಧಾರಿತವಾಗಿದ್ದು, ಶ್ರೀಮಂತ ಕಥೆ ಹೆಣೆಯಲಾಗಿದೆ. ಭವಿಷ್ಯದ ಅಂಶಗಳ ಬಗ್ಗೆ ಕೆಲವು ಸನ್ನಿವೇಶಗಳು ಸಿನಿಮಾದಲ್ಲಿ ಇರಲಿವೆ. ಸಿನಿಮಾದ ಟೀಸರ್​ನಲ್ಲಿ ಪ್ರಭಾಸ್​ ಒಬ್ಬ ಧೈರ್ಯಶಾಲಿ ಯೋಧನಂತೆ ಕಾಣಿಸಿದರೆ, ದೀಪಿಕಾ ಪಡುಕೋಣೆ ಮಿಲಿಟರಿಯವಳಂತೆ ಕಾಣಿಸಿದ್ದಾರೆ. ಬಚ್ಚನ್ ಅವರು ಮಾಸ್ಕ್​ ಧರಿಸಿದ್ದು ಕಣ್ಣುಗಳಷ್ಟೇ ಕಾಣುತ್ತಿದೆ. ಚಿತ್ರದ ಟೀಸರ್​ ಎಲ್ಲ ಡಾರ್ಕ್​ನಲ್ಲಿ ಹೆಚ್ಚಾಗಿದೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ