ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿಗೆ ದಿನಗಣನೆ ಆರಂಭ

ಹರಾಜಿನಲ್ಲಿ ಬಲಿಷ್ಠ ಆಟಗಾರರನ್ನು ಖರೀದಿ ಮಾಡಲು ಭರ್ಜರಿ ಪ್ಲ್ಯಾನ್

ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ರಿಕ್ಕಿ ಪಾಂಟಿಂಗ್ ಹೊಸ ಮುಖ್ಯ ಕೋಚ್​​!

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿಗೆ ದಿನಗಣನೆ ಆರಂಭವಾಗಿದೆ. ಮೆಗಾ ಹರಾಜಿನಲ್ಲಿ ಬಲಿಷ್ಠ ಆಟಗಾರರನ್ನು ಖರೀದಿ ಮಾಡಲು ಆರ್​​​ಸಿಬಿ ತಂಡಗಳು ಭರ್ಜರಿ ಪ್ಲ್ಯಾನ್​​ ಮಾಡಿಕೊಂಡಿವೆ. ಇದರ ಮಧ್ಯೆ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ರಿಕ್ಕಿ ಪಾಂಟಿಂಗ್ ಹೊಸ ಮುಖ್ಯ ಕೋಚ್​​ ಆಗಿ ಬಂದಿದ್ದಾರೆ.

ರಿಕ್ಕಿ ಪಾಂಟಿಂಗ್​​​ ಮುಖ್ಯ ಕೋಚ್​ ಆಗುತ್ತಿದ್ದಂತೆ ಪಂಜಾಬ್​ ಕಿಂಗ್ಸ್​ ತಂಡದಲ್ಲಿ ಮೇಜರ್​ ಸರ್ಜರಿ ಆಗಿದೆ. ತಂಡದ ನಿರ್ದೇಶಕ ಸಂಜಯ್​ ಬಂಗಾರ್​​ ಮತ್ತು ಮುಖ್ಯ ಕೋಚ್ ಆಗಿದ್ದ ಟ್ರೆವರ್ ಬೇಲಿಸ್ ಇಬ್ಬರಿಗೂ ಕೊಕ್​ ನೀಡಲಾಗಿದೆ. ಕಳೆದ ಸೀಸನ್​​ನಲ್ಲಿ ಪಂಜಾಬ್​​ ಕಳಪೆ ಪ್ರದರ್ಶನ ನೀಡಿದ್ದ ಕಾರಣಕ್ಕಾಗಿ ಈ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಬಂಗಾರ್‌ಗೆ ಗೇಟ್ ಪಾಸ್

2025ರ ಐಪಿಎಲ್‌ಗಾಗಿ ಪಂಜಾಬ್​ ಕಿಂಗ್ಸ್​ ತಂಡದಲ್ಲಿ ಮೇಜರ್​ ಸರ್ಜರಿ ಮಾಡಲಾಗಿದೆ. ಇದರ ಭಾಗವಾಗಿ ಸಂಜಯ್​​ ಬಂಗಾರ್​ಗೆ ಗೇಟ್​ಪಾಸ್​ ಕೊಡಲಾಗಿದೆ. ಸಂಜಯ್ ಬಂಗಾರ್ ಕಳೆದ ವರ್ಷ ಡಿಸೆಂಬರ್​ ತಿಂಗಳಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ನಿರ್ದೇಶಕರಾಗಿದ್ದರು. ಹಾಗೆಯೇ ಅನಿಲ್‌ ಕುಂಬ್ಳೆ ಅವರಿಂದ ತೆರವಾದ ಮುಖ್ಯ ಕೋಚ್ ಸ್ಥಾನಕ್ಕೆ ಬೇಲಿಸ್‌ ಅವರನ್ನು ನೇಮಿಸಲಾಗಿತ್ತು. ಈಗ ಇಬ್ಬರಿಗೂ ಗೇಟ್​ಪಾಸ್​ ಕೊಡಲಾಗಿದೆ.

ಆರ್​​ಸಿಬಿ ತಂಡದ ಕೋಚ್​​ ಆಗಿದ್ದ ಬಂಗಾರ್​​

ಇದಕ್ಕೂ ಮುನ್ನ ಸಂಜಯ್​ ಬಂಗಾರ್​​ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಮುಖ್ಯ ಕೋಚ್​ ಆಗಿದ್ದರು. 2023ರ ಐಪಿಎಲ್​ ಸೀಸನ್​ ನಂತರ ಸಂಜಯ್​ ಬಂಗಾರ್​ಗೆ ಆರ್​​ಸಿಬಿಯಿಂದ ಕೊಕ್​ ನೀಡಲಾಗಿತ್ತು.

ಇದನ್ನೂ ಓದಿ: ‘ಭಾರತದಲ್ಲಿ ಬದುಕು ಚೆಂದ‘ ನಮ್ಮ ದೇಶವನ್ನು ಹಾಡಿ ಹೊಗಳಿದ್ದೇಕೆ ಅಮೆರಿಕಾದ ಈ ಮಹಿಳೆ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ